العضو ده فيه وفيه

**~eyo~** · 22 - 4 - 2011, 08:26 PM

لا بجد بجد مفيش حاجة توصف جمال كلامك
بس بقولك ابه قولي لاهل بيتك آية بتقولكم
لو انتو مش عايزيني آية بعتتلي تذكرة وانا
مسافرالها يلا بااااااااااااااااي
مش هتوحشوني
اوكي يلا مستنياكي سريرك موجود

**لبنى مصر** · 22 - 4 - 2011, 08:30 PM

حبيبتى يا يويو وربنا
لا انا هاخد سريرك وانتى شوفيلك سرير تانى
وخلى كريم ينام على الارض

**لبنى مصر** · 22 - 4 - 2011, 08:38 PM

مين اكتر ولد محبوب فى المنتدى واكتر بنت محبوبه فى المنتدى؟؟

اعتقد من اللى شوفته اكتر ولد محبوب محمود سيف (ابوتريكه) واكتر بنت محبوبه (دريم وسولى)

مين اصحابك هنا بالاسم والعدد واوعى تنسى حد لحسن يشرحوك؟؟

عدو بقى
البنات اولا ثم الولاد
البنات
دريم
ياسمين
يويو
نونو
سلمى
مونه
سماح
ايه صمت الليالى
البرنسيسه اسراء
سولى
نور
حنون
نسيم الذكريات
لؤلؤه

الولاد بقى
ابوتريكه
مشكله
كريم
كريمز كوميز
ميدو 2
العوامى(بعد اذنك طبعا يا نجم الجيل)
اكرام مجاور
لو نسيت حد معلش بقى
لو جت فرصه هقوه بعدين

**~eyo~** · 22 - 4 - 2011, 08:43 PM

المشاركة الأصلية كتبت بواسطة لبنى مصر

حبيبتى يا يويو وربنا
لا انا هاخد سريرك وانتى شوفيلك سرير تانى
وخلى كريم ينام على الارض

لا متخفيش عندي 3 سراير في الاوضة
انا بنام على واحد وكريم على واحد
والتالت فاضي نبقى نرمي كريم عليه
شوية وراجعالك بأسئلة جديدة

**لبنى مصر** · 22 - 4 - 2011, 08:55 PM

ارجعى يا ختى ارجعى
مستنياكى يا حبى

**~eyo~** · 22 - 4 - 2011, 09:00 PM

حيوان تشعر انه مظلوم ؟

أحد علماء النفس قال ذات مرة : ( أنه باستطاعة انسان العيش بدون أصدقاء ... ) ماذا ترى أنت ؟؟؟

لماذا لم تصبح مشهورً ؟

هل حدث أن أنتصرت على نفسك يوماً وأحصيت عيوبك ؟

ضمن من تصنف نفسك سلبي أم إيجابي؟

عندما يحتد النقاش وتحس أنك تناقش موضوع لا جدوى من مناقشته لانه لن يتغير الوضع ماذا تفعل؟

**لبنى مصر** · 22 - 4 - 2011, 09:11 PM

حيوان تشعر انه مظلوم ؟
اكيد حمار بيت جدى
لانه يا عينى ليل ونهار يضربو فيه
ويشتمو بعض بيه وهو نبيه على البنى ادمين
ع الاقل لما يتوه مكان يرجع مكانه
بيصعب عليا وربنا مهان اخرحاجه

أحد علماء النفس قال ذات مرة : ( أنه باستطاعة انسان العيش بدون أصدقاء ... ) ماذا ترى أنت ؟؟؟
نووووووووووووووووو
غلط طبعا
وخصوصا معايا انا
دون اصدقاء اعيش وحيده
انا اصحابى اهم حاجه فى حياتى

لماذا لم تصبح مشهورً ؟
مين قلكم
انا مشهوره جدا
منا ممكن اكون مشهوره بس فى حاجه وحشه
ما هى اللى اتجوزها احمد الفيشاوى عرفى مشهوره جدا
مش حاجه حلوه يعنى
المهم تكون محبوب

هل حدث أن أنتصرت على نفسك يوماً وأحصيت عيوبك ؟
دايما طبعا
انا عارفه عيوبى جدا
وبحاول اعالجها ربنا يهدينى ويكرمنى
وفى النهايه مفيش حد كامل

ضمن من تصنف نفسك سلبي أم إيجابي؟
بكل صراحه
سلبى غالبا
ايجابى احيانا

عندما يحتد النقاش وتحس أنك تناقش موضوع لا جدوى من مناقشته لانه لن يتغير الوضع ماذا تفعل؟
اقول
ما تصلو على نبينا
جيين نبوس بعضينا
هقولهم صلو ع النبى يا جماعه
دى مش خياره اللى عايزين تقسموها دى
كل واحد خلى رأيه فى نفسه
عايزين تنفسو بقى روحو مع اللى يوافقكم فيه
ولا داعى
من وداعى
سامحينى فى اندفاعى
اى خودعه يا يويو

**(كريم)** · 22 - 4 - 2011, 09:15 PM

هههههههههههههههه
والله انتي نكتة
بس مين ده اللي عايزين
ترموه لا انا احسنلي اروح
انام مع عمر واستحمل رزالته
ولا اني انام على الارض
عايزة اسئلة مني تاني ولا
كفاية غلاسة

**لبنى مصر** · 22 - 4 - 2011, 09:22 PM

اتفضل يا كابو
لو عندك اسأله اتحفنى

**~ man neO ~** · 22 - 4 - 2011, 10:32 PM

ايه اللى حذفك علينا .. اتيتى ازاى الى المنتدى ؟

زى ما انتو عارفين طبعا انا بكتب شعر على قدى كده

فكنت عايزه انشر الحاجات بتاعتى دى رحت عملت سيرش جوجل دلنى عى مصراوى كافيه الله يخليه

ماهى طلتك الاولى فى المنتدى وفكرتك عنه ؟

اولا فكرتى عنه انه من احسن المنتديات فى مصر واكثرها شهره وكمان فى العالم العربى ويارب يتطور اكتر واكتر

ثانيا كانت اول طله ليا بشعر كتبته اسمه الجامع والكنيسه وخصوصا انه كان ساعتها احداث ضرب كنيسة الاسكندريه

واول حته منها بتقول

الجامع والكنيسه من زمان العشره بينهم

المسلم والمسيحى دايما حبايب طول سنينهم

الحب والتعاون كان فى دينا وكان فى دينهم

واثقين فى بعض مفيش شكوك قاتلين ظنونهم

بس خلاص

مع تحيات شعبولا

هل معاملاتك مع الناس حقيقيه .. او فى منها بعض من عدم الشفافيه ؟ " يعنى معاه كويس ومن وراه اللى ليورينا " .. وهل احد ايضاً يتعامل معك بمثل ؟

لا خالص

انا اقول للاعور فى عينه انت نظرك قوى على فكره

لا بجد انا بقول الحق والحقيقه ولو كان ميعجبش بقوله بطريقه شيك

عشان لا ازعل نفسى ولا ازعل اللى قدامى

بالنسبه بقى لتعاملات الناس معايا فمعرفش اكيد

بس لو حد اتكلم فى دهره هوريه شغله

وزنك ايه فى البيت ..؟ بمعنى انتى ايه فى بيتكم بالنسبه لاسرتك .. اجابه مفصفصه

الى بشوفه قدامه

ربنا ياخدك يا شيخه

بت تافهه

مبتعملش حاجه خالص وليل نهار قاعده ع الكمبيوتر

امتى البيت هينضف وتغورى من وشنا

يوم عسل لما متكونيش ف البيت

لما كنت فى الكليه واجيلهم اجازه

امتى هتمشى يا لبنى

كل شويه تنطى

لما بتيجى بتعملى دوشه

بس من ورايا معرفش ايه بيحصل

المهم ان وزنى تقييييييييييل فى البيت

زى ما انتو شايفين

ماذا عن اول مقابله لخطيبك .. ورأيك بها ؟

اصلا مشوفتوش ساعتها لمحته لمح كده

وباقى القعده باصه ف الارض اول ما لقيت ابويا خرج من الاوضه جريت وراه

ساعتها موافقتش واتخنقت بس بعدين

صليت استخاره ووافقت

والحياه مستقره والحمدلله

عقبالكم كلكم يااااارب

هل اكتسبتى اى صفه او ميزه من شخص ما .. او من الحياه بعد فهمك للواقع .. ؟ او لم تكتسيبى .. ام انتى كما انتى ؟

اكتسبت حاجات كتير

عرفت معنى الصداقه الحقيقيه

عرفت معنى السعاده

عرفت ان الانسان هو اللى بيجيب الهم لنفسه

عرفت ان الكدب ملوش رجلين

عرفت ان الدنيا دى ملهاش لزمه

فاوعى تديلها اهتمام واديها بالجزمه

ماذا تتمنين لمستقبلك ومستقبل اسرتك فيما بعد .. وكيف ترينها ؟

زى ما قولت قبل كده

اتمنى اعيش سعيده طول عمرى

اشوف كل اللى بحبهم حواليا

متحرمش من حد ابدا

انا كان حلمى وانا وصغيره اصلا

ابنى بيوت كتير فى مكان كبيره اعملها مدينه يكون فيها كل الناس اللى قابلتهم فى حياتى يارب يكون معايا فلوس كتير عشان احقق احلامى

وانتو معايا طبعا ف المدينه دى

مدينة الاحلام

اتمنى لاسرتى يفضلو بخير دايما ربنا يخليهم ليا

ويحققو اللى بيتمنوه وكل حاجه حلوه يارب

دول ما انجزتهم الجمجمه فى الوقت الحيالى

الوقت الحالى

هو فى وقت تانى ولا ايه

عموما تسلم الجمجمه يا نجم الجيل

بجد اسئله هايله

العضو ده فيه وفيه فسرلينا الاسئله

بالنسبه للسؤالين بتوع التوبيك

لو قصدك كده

هجيلكم بيها بعد ثوانى

ههههههههههههههههههههههههه ههه .. حلوه المعامله بتاع البيت دى .. بلاش اقول هيا ايه ......

اجاباتك رائعه .. وانا ما قصديش حاجه باخر جزء .. ده تشبيهاً لستار ميكر سمعنا صوتك

طبعاً لسه ما خلصتش .. خذى عندك ..

ما رؤيتك للواقع فى مصر بعد الثوره .. بما انك زى ماهما بيقولوا مصريه ؟

هلى من احد معين فى بالك يومياً .. بعيد عن خطيبك " صديقتك مثلاً " وليه بتفكرى فيها كل يوم لحد ما خلتيها جالها الكحه ..

؟

لو حد مؤذى انتى عارفه وجه قال الدور عليك وعملها

.. هتعملى ايه ؟

لو حصل لقدر الله يوم فرحك .. والدنيا حر موت

.. والمطره مطرت وقامت عواصف واعاصير وبرق ورعد ورعب

ازاى ما تعرفيش " هو كده بقى ".. هيبقى ايه اول رده فعل ليكى ؟
يا عينى عليك يا معلم .. اوعى تكون صاحب النصيب

لو مامتك زى ما انتى عرفتينا انها بتحبك كده

جاتلك يوم الصابحيه بالحاجات والمحتاجات .. وراحت رمياهم فى وشك .. وقالتلك خذى ما بيجيش من وراكى غير وجع القلب .. هتعملى ايه ؟؟

كفايه كده احسن صاحبى بينادى عليا

ارجو ان تكون الاسئله سهله .. وتسلمى يا جمجمتى

الموضوع: العضو ده فيه وفيه

أدوات الموضوع

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة