العضو ده فيه وفيه

[(كريم)]

هههههههههههه
وانا زي ما تكون استاذ
مسعد هههههه
ربنا يكون في عون طلابك

[لبنى مصر]

منورين يا جماعه كلكم
اجابات جامده يا مستر
طالعه من انسان بجد انسان حقيقى مش مزيف زى معظم النسانيس
بس انا سعلانه عشان مكاوبتش على اسئلتى
لا سعلانه بكد بكد
ايه ده مالى قلبت على سولى كده
وحشتنى وربنا البت دى
المهم لو مجتش جاوبت على اسئلتى هقول مين اللى سرق فلوس مصر يا جميل الصوره

[ابو تريكه]

اسئلتى بقى يا كابو هتتصدم من كتر حلاوتها

ممممممممممممممم

ربنا يستر
1_ انت مين؟؟

انسان راغب ف رحمه الله بحب كل الناس بجد نفسى اشوف رايه الاسلام ترفرف فوق كل انحاء الارض
عاشق للرسول وللصحابه عارف انى مخطئ ومقصر ولكن
يارب ان عظمت ذنوبى كثره *** فلقد علمت بأن عفوك اعظم
ان كان لا يرجوك الا محسن *** فبمن يلوذ ويستجير المذنب
مالى اليك وسيله الا الرجا *** وجميل عفوك ثم انى مسلم

بحب الكوره جدا اهلاوى صميم بعشق ابو تريكه
بلعب شطرنج جامد اوى وكمان بلعب كره طائره وبلياردو وتنس طاوله

مدرس لغه عربيه وتربيه اسلاميه بحاول انى ازرع ف تلاميذى حب الرسول
وانه صلى الله عليه وسلم يكون القدوه والمثل الاعلى ليهم

الحمد لله راضى دايما باللى ربنا كتبولى وده سبب من اسباب سعادتى

اذا كنت ذا قلب قنوع **** فأنت ومالك الدنيا سواء


2_ انت ليه؟؟

فعلا بسأل نفسى كتير ليه مش بحاول اكون افضل
ليه مش بيكون الرسول قدوتى ف كلف فعل او قول
ليه ساعات بقصر ف حقوق الله او ف حقوق الاخرين

بس برجع واقول
جل من لا يخطئ
العصمه دفنت مع الرسول
خير الخطائين التوابين
ورحمتى وسعت كل شئ

اللهم انت القائل ف قرآنك الكريم

ان الله لا يغفر ان يشرك به ويغفر ما دون ذلك لمن يشاء

فأجعلنى فيمن تشاء فأجعلنى فيمن تشاء ان تغفر له

3_ انت فين؟؟

بحاول اكون دايما ف المكان المناسب

بحب اكون متواجد حيث يريدنى الله

بحب اكون دايما ثابت ف مكانى

الحمد لله حققت كتير من احلامى

بس حلمى الكبير انى اكون اهل لدخول الجنه

اللهم ارحمنا فوق الارض وتحت الارض ويوم العرض عليك




4_ انت ايه؟؟

عارف انى مقصر عارف انى مذنب
عارف انى لازم اجتهد اكتر واشتغل اكتر

بس بجد انا بحاول اكون افضل دايما
بطلع كتير اوى وبستمع اكتر
علشان اقدر افيد اكتر

عمرى ما افتى ف حاجه مش عارفها
عمرى ما بتكلم الا بالقرأن الكريم والحديث الشريف

بموت ف الشعر والحمد لله حافظ شعر ملهوش عدد
مع انى عمرى ما فكرت اكتبه مش عارف ليه
بس اوعدكم انى هحاول اكتب


بس بكتب مذكراتى باستمرار
وعندى اجنده كبيييره اوى فيها كل حاجه
محدش شافها وان شاء الله محدش هيشوفها




5_ انت امتى؟؟

هخطب قريب
ف فرحك زى ما اتفقنا
ولا نسيتى

عايزه اجابه من الاخر يا حودا ومفيش هزار ممنوع
معلش كان لازم حتى هزار ف الاخر كده مبقاش محمود
ومش عايزه اجابه مختصره تجاوب بالتفصيل

كده اوكيه قشطه
هو ممكن تكون الاسئله ملهاش معنى بالنسبه لاى حد
بس انت معنها براحتك افهمها بطريقتك وجاوب
وعايزه اجابه طوييييييييييييييييييييييي له

بجد اسئله
بتاعه لوووووبى
هقول ايه بس
ههههههههههههه
وبجد هزعل لو مجتش جاوبت وانا زعلى وحش اوى

وانا مقدرش ع زعلك

حد يزعل الجميل ده

ده حتى يبقى معندوش زوق

وانتى عارفه اخوكى بقى
بالتوفيق يا كابو



ميرسى ع الاستضافه
ميرسى ع الاسئله
ميرسى ع العروسه
قشطه بالهبل

[لبنى مصر]

ههههههههههههههههههههههههه ههههههههههههههه
لسه العروسه يا كابو لما تيجى ورينى الميرسى بتاعتك
بجد مرسى ع الاجابات
اقنعتنى باجاباتك انك شخص غير
معنها انت بطريقتك بقى انا مش محتاجه اقول فى حقك اكتر من كده
اللى عايز يسال يلا يا جماعه محمود فاتح اوكازيون الايام دى وبقى بيجاوب
منور يا مستر

[~eyo~]

بجد يا حظ اهلك وطلابك بيك كلامك
بجد يجنن 
ربنا ييسر لك طريق الخيير

[wad_moshkala]

مافيش ضحيه تاني

[ابو تريكه]

هههههههههههههه

ضحيه

يبقى انت لسه متعرفنيش

ف انتظار اسئلتكم ع تليفون البرنامج 06666666

[ياسمين14]

هههههههههههههههههههههه
لا كفاية عليك كدة
عيزين حد تانى باه