المذاكرة و الامتحانات و احنا (الطلبه)

[!!silent]

انا بصبح* بمسى

على احلى اعضاء شباب مصراوي كافيه وكل الدنيا الحلوة

اللى بتسعدنا

الايام دى ايام امتحانات
ومذاكره
والدنيا ملخبطه مع الطلبه
والليل نهار والنهار ليل
والفطار بقى عشاء
والغداء اتلغى
والدنيا ظلمت

والدماغ تربست

الله طيب وعايزين مننا ايه بقى

اولا ربنا يا رب يوفقنا جميعا كل واحد
اللى يتمناه يا رب وفقه ليه
بس طبعا لازم يكون خير

ودايما يا رب يسعدكم ويجعل التفوق
حليفكم


ندخل فى الموضوع


لماذا يرسب الطلاب فى الامتحانات







.

وقت الأمتحان مالوش لجام

والمعلومات بطير زي الحمام

ووقتها يكون التعليق بدون كلام

ويبدأ التفكير في أمر هاااااام

هو النجاح ف الماده دي من كام؟؟؟؟؟؟

صح ولا انا غلطان ردو عليا....؟

اللى متضايق من الامتحانات يعبر ويقول

اللى فى نفسه.......

واخيرا



احنا نختار عضو و يحكي عن المذاكرة و عمايلها السوده معانا
و كده بيذاكر ازاي
و الكلام ده

و بعد ما يخلص يختار عضو بعدي


اول عضوة

دريم

يلا يا قمر مستنينك

[لبنى مصر]

ايه الافتكاسات دى يا نور
وحشانى وربنا
توبيك جامد بجد
بس الحمدلله انا مش هكون معاكم
انا خلصت
ربنا يوفقكم يارب شدو حيلكم عشان تبقو دكاترة ومهندسين مصراوى كافيه

[~ NORA ~]

بجد موضوع روعة
وفي انتظار دريم

[اسيرة الاحزان]

السلام عليكم
موضوع جميل جدا جدا
لو سمحتى ممكن حد يقول اى مقدمة بحث ممكن

[اسيرة الاحزان]

من فضلك يانور قولى اى مقدمة بحث

[نسيم الذكريات]

يا رب تنجح يا تتح
لا عنجد الله ينجحكم
يا رب

[~DREAM~]

ايه يا نورتى الافكار الجامدة دى

جيتى على الجرح والنيعمة يا بنتى

اااااااه المزاكرة والمرمطة والشقى والدروس والبهدلة

ولا بقى الامتحان ويومه

ولنا شعار واحد الا وهو يوم الامتحان يهان المرء او يهان

شوفى بقى يا ستى

انا مزاكرتى نيلة حاجة كده الله لا يوريكم

اولا ما بحب اتقيد بكرسات ولا حاجة لا احب اوى اكتب فى ورق فلوسكاب ويا حبذا لو كان مسطر

وافضل اكتب فى الورقة وش وظهر وما اسيب فيها مكان نقطة ما انكتب فيه ياما يجيلى حالة نفسية واحس انى ما زاكرت

وطبعا لازم اكتب فى ورق كتيييييييييييييييير اوى مرة واتنين وثلاثة لحد ما احفظ واحب افهم نفسى بالخطط والعلامات و تحليل جزء جزء

والاقلام بقى لو ما كتبت بقلم جاف احس انى مخنوقة ولو كنت بزاكر برصاص بحس انى فاشلة وكانى ما زاكرت ولا كلمة وكله يضيع من دماغى ولازم اكتب بالقلم لحد ما اخلصه بيفش غليلى بجد

نيجى بقى لمرحلة الكتاب اهو الكتاب ده الناس بتقول ده رفيق الانسان انا بقى بعذبه لازم علشان الكلام يثبت فى دماغى اقعد اسطر واحط دواير ومربعات واخلى منظر الكتاب عار ويمكن دى العلامة الى بتفكرنى انى زاكرت الجزء ده علشان انا زاكرتى ضعيفة الى حد ما

المهم بقى انى ايام الامتحانات ببقى زى المجانين ولما ازاكر ما حد يقرب منى

انا معقداهم فى عيشتهم بسبب موضوع المزاكرة ده اولا لازم اكون قاعدة على المكتب القاعدة الصحيحة النور يبقى عالى و ما اسمع صوت جنبى يعنى بمعنى اصح لو ترمى جنبى ابره تسمعى رنتها

كل ده واحنا بنحكى مغامراتنا مع الكتب والمزاكرة نيجى بقى مثلا علشان احفظ اى حاجة

يكفى انى احكيلك على موقف وانا فى سنة 6 ابتدائى كان عندنا نشيد اسمه تسلمى يا مصر السلامة

النشيد ده حبيت احفظه قمت عاملة على هيئة موسيقى وانا لسه عيلة

وبقى اى حد يدايقنى اقعد اصوت فى وشه واقوله لكى يا مصر السلامة وسلاما يا بلادى ان رمى الدهر سهاما التقيها بفؤادى

ودلوقت بقى الكلام غريب الى بحفظة فبيبقوا حيتجنوا منى فى البيت

اجى احب ادايق اى حد اقوم قيلاله اى حاجة انا حفظاها

لا ولا بقى الى يحب يتفلسف عليا والله يا بنتى اجنهولك

اقعد بقى اقوله

هل غادر الشعراء من متردم ام هل عرفت الديار بعد توهم

ولا عفت الديار محلها فمقامها بمنى تابد غولها فرجامها

وكلام كتييييييييييير من الهيروغليفى دهون

بتلاقى يا عينى الفليسوف الى قدامك ده بقى عامل زى عم عبده البواب وهو بيتفرج على المسلسل الكورى وبؤه يبقى قدامه مترين الواحد بيبقى عامل زى ريختر الشعر ده واقف كانى لسه مكهربه الايد دى متبهدلة قلم جاف كانى لسه خارجة من مصارعة مع القلم

احكيلك ايه ولا ايه ولا ايه يا بنتى دى مهازل

بس بجد موضوع جاااااااااااااااااااامد وبجد فرحت بيه جداااا

ميرسى يا اجمل نور فى الدنيا

[ياسمين14]

موضوع جامد اوى يانور
واجاباتك جامدة موت
معظمها زى يابت يادريم
بس انتى مخترتيش عضو
بعدك

[لبنى مصر]

هههههههههههههههههههههههه
ضحكتينى يا دريم الله يجازيك
اعتقد ان كل الشعب المصرى بيذاكر زيك كده
ربنا يوفقكم كلكم يارب وومنتظرين العضو اللى بعدك

[~eyo~]

موضوع تحفة يا نور
واجابات اتحف يا دودي
واظاهر كلنا بنذاكر كدا