من الشعب الطارئ الى الرئيس الطارئ

[nagla fawzy]

مبروك يا جماعة احسن مفاجأة مجلس الشعب قاصدى مجلس النظام وافق يجدد قانون الطوارئ لمدة عامين .
بس اناعاوزة افهم حاجة هو يعنى ايه طوارئ ، أصل انا أخدت فىالمدرسة إن الطوارئ كلمة معناها حاجة عارضة . انا طبعا مش باعترض ، لان ده قانون كلنا اتربينا عليه و بقى عِشرة بس انا حابة افهم و بس .
عموماً انا عاوزة أسأل اسئلة بريئة جداً مش قاصدى حاجة منها خالص ، الرئيس اللى مش قادر يعيش لمدة سنة واحدة من غير طوارئ ده معناه انه عارف ان الشعب مش طايقة و انه كاتم على نفسنا ، الرئيس ده مُصْر يقعد ليه و هايفضل كاتم على نفسنا لأمتى ؟؟و بعدين احنا بقالنا 27 سنة طوارئ و مع ذلك لسه فيه تجار مخدرات و لسه فيه حرامية و الا هو القانون معمول علشان يحمى الناس دى ؟ و سؤال تانى معلش هو ليه بيسموه قانون طوارئ ما يخلوه قانون عادى ، اه انا نسيت ما هو فيه قانون اسمه قانون الارهاب اللى ان شاء الله هايطبق على نفس المعارضين .
يا عالم يا هو نفسى اعيش زى اى حد امشى فى الشارع ما أحسش ان اى ضابط ممكن يوقفنى فى الشارع و يدخلنى الحبس لمجرد اشتباه .
نفسى اقف مع اصحابى اكتر من خمس افراد و ما نبقاش مهددين بتجمهر.
نفسى اعمل مظاهرة سلمية اعرض فيها طلباتى من غير ما أخاف .
نفسى ابقى زى اى شعب فى العالم عايش من غير طوارئ .
من الآخر نفسى ابقى حرة فى بلد حر يطبق قوانين عادية .
نفسى اعيش زى كل الشعوب اللى عايشة من غير طوارئ ، الطلب ده صعب ؟؟!! ما أعتقدش .

[ايمن حسنى]

كبر خطك شويو ومتخفش من الطوارئ

[ELKHWAGA]

تسلم على التوبيك الجميل بس ياريت معلش يعنى تكبرى الخط شويه عشان نعرف نقراه اوضح من كدا شويه معلش

[بسام الصواف]

عنيا وجعتنى وانا بقرا الموضوع الله يسامحك
المهم
الكلام تمام اوى وده العادى بتاعنا والله انا عاوز اقول حاجة
الواحد طول ماهو ماشى صح ممكن يدخل فى الحيط وانا مبخافش طول ما انا براعى ربنا خلاص ودوام الحال من المحال لا داعى للقلق اعتبرها دعوة منى للتفاؤل لاننا لو فكرنا بالمنطلق اللى بتتكلمى بيه احنا ممكن نموت من الحسرة
الله
الوطن
سلاح الردع
تقرير الغردقة
بســــــــــــــــــــــ الصواف ــــــــــــــــــــــــا م

[مصطفى]

انا عرفت اتغاضى عن حكاية الخط دى ب ctrl + الماوس
بس احب اقولك ان كل مازاد الطغيان كل مازاد رفض الطغيان لنفسة وكل ما كان النظام عالى فى الفساد كل ما كان سقوطة اسهل واسرع
ربنا كريم ويخلصنا من الذل دة

[أحمد عمر]

كبر خطك شويو ومتخفش من الطوارئ

الاحطياط واجب برضه

الواحد طول ماهو ماشى صح ممكن يدخل فى الحيط

يبئه هو احول و ماشى غلط اصلا وعنيه مهيئه ليه انه ماشى حص

بس احب اقولك ان كل مازاد الطغيان كل مازاد رفض الطغيان لنفسة وكل ما كان النظام عالى فى الفساد كل ما كان سقوطة اسهل واسرع

كلام منطقى جدااا
احب اضيف
اننا فعلا كشعب مش محتاجين قوانين طوارئ لان ببساطه ما يتم صرفه ع اجهزه الامن ف ظل قانون الطوارئ وما يتبعها من اجراءات و و و و و
كفيل ببناء مدارس جديده بتعليم محسن و مستشفيات بجوده اكبر
المفيد خلق فرص افضل للحياه لان اسهل من تشديد الامن و الحبس و الاعتقال اسهل من دا كله
هو فعلا خلق فرص افضل للحياه و تحقيق امن اجتماعى ناتج من احساس المواطن بانه ف بلد تقدره و تحت رعايه نظام يقدر قيمته ..
ليست مع الحكومه او تصدها و لا احسب ع تيار بعينه لكن انا مع اهلى واخوانى اللى اغلبهم لا مع الحكومه ولا المعارضه فقط عاوز يلاقى بكره نضيف
شكرا ليك