ليــــه ؟ ( غير قابل للشكر ) !!

[Essam Net]

السلام عليكم ورحمة الله وبركاته

موضوعي ببساطة في سطور :

لماذا نطلب من الصغير أن لا يكذب و أول موقف يواجهه في حياته نقله معلش اكدب في دي بس ؟

لماذا إن سرحت يدانا على أوراقنا ترسم خطوطاً ليست مفهومه ؟ لماذا لا ترسم ما نسرح فيه ؟

بنظرك من هو الأعمى ؟
( هو من يرفض الحقيقة والواقع الذي يعيشة ، يرفض كل شيء ، ويغمض عينية عن العالم ، فيقع في هاوية لا نهاية لها )

ومن هو الأصم ؟
( هو من أصم أذنه عن كلمة حق ، وتمسك برأي جاهل لا أساس له ، هو من يرفض الإستماع للرأي الآخر ويرفض النقاش )

ومن هو الأبكم ؟
( هو الكاذب ، فلا اعترف بكلام في هذا العالم إلا كلمة الحق ، فإن لم تكن فهو ابكم ! )

لماذا نبكي في الفرح ؟ كما نبكي في الحزن ؟

هل هناك حقا ( الضمير العربي ) ؟ أم انها اغاني وهتافات لا معنى لها ؟
( بصراحة آه ، وتعبت من كترها ومليتها كلها .. اسكتوا بئى !! )

ما قلناها زمان .. الضمير مات وحضر جنازته قلب وإحساس .. ومن حسرتهم ، حصلوه !!

__________________________________________________ ________________

ليه بناخد من الوهله الأولى فكرتنا ، ليه دا بئى طبعنا ؟
( مع ان لو الواحد استنى شوية ، شويتين هيلاقي حاجات عمره ما شافها " مجرب " )

ليه بنتخانق اسهل ما بنسامح ؟
ليه بنرفض الصلح وقت الخناق ؟
ليه مش بنعرض وجهاتنا ونعرف شوية شوية فين الغلط ..؟
دا اكبر غلط ان أحد الطرفين يرفض الطرف الآخر ..
لأن كلنا بيغلط ، لكننا بنفرضها وقت ما نحب ، ونرفضها وقت ما نحب .. ( ومتلقش مش صح ، ايوا هي صح )
__________________________________________________ ________________

ليه الكدب ملوش رجلين ؟ هو مش صاحبة إنسان ؟
ولا هو الإنسان أضحى عفريت اليوم ( بيطير ) ؟؟؟
ولا لما يقلك حبل الكدب قصير ( وهو احنا بنلعب شد الحبل مع بعض ولا إيه ( إيه العلاقة بين دا ودا يعني ) ؟

دا الكدب ياما بنى .. وياما هد
ومتقليش الكدب عمره ما يبني ، لأ بيبني بس بيبني من رمل وسط بحر !!

وطبعا الرمل ضعيف وسط البحر
( برضة ، إيه دخل دا بدا !! )
__________________________________________________ _____________

طب ليه من أول الموضع ما حطتش خطوط زي دلوقتي .. ( مزاجي بئى )
أهو احنا واخدينها كدا ..

مزاجي كدا ... عاجبني كدا .. ويحلالي كدا ( يعني يعجبني ) !!

من الآخر متعملش فيها مفاوض وتقلي لأ ، مش كلنا كدا ( مش كلنا دي اعتبر انها لا تشملك ! )

وأعرف ان اول واحد يقول على نفسه انا مش كدا ( يعني هو كدا ) عشان محدش يقول على نفسه صفاته ( وإلا يجملها على راحته )
هتيجي تقولي ممكن الإنسان لو كان صادق مع نفسه ، هيعرف كتير .
لأ ، دي دقة قديمة .. هقلك ليه
عشان لو دروت في نفسك هتلاقي إنسان صغير خالص ضيييييييييييييعف وخايف يطلع بره
لحسن البني آدميين ( وحوش العصر ) ياكلوه ، فبنفضل نلبس زيهم عشان نعيش وسطهم ( ودا ما يطلق عليه " أنت لو عرفته كويس هتلاقي قلبه أبيض " )
آل يعني في قلب أبيض في الدنيا !!
هو يا أحمر يا أسود من السواد اللي بياخده صاحبنا ( كل واحد يدور على صاحبه بئى )
__________________________________________________ _____________________

من غير كلمة شكر .. وعشان نبئى واضحين
أي رد شكر على موضوعي هيحذف يا شباب ..

الموضوع مفتوح للنقاش الجاد فقط

حبيت تمسك أي نقطة وتفصفصها ( تحللها يعني ) ok
تمسك الموضوع كله .. ok

طبعا مع التقيد بالآداب العامه وإحترام الرأي من قبل الجميع للجميع .

ملاحظة : أي حد حابب يطرح نقط ( الحياة كلها نقط ، نقطها ) وحابب يضيفها ، مفيش أي مانع إنما دا يشرفني ويزيد من مقام موضوعي .

سؤالي مستفز :
ليه كتبت " ok " ومش كتبت مثلا " ماشي " .. او حتى حاضر او اي حاجة عربي ؟

عشان بطلنا الدقة دي برضة .. وهيطلع واحد بينا يقول ( قديييييييييييمة ، عتيقة )

فلو سمحت وقرأت الكام نقطة الكاتبه فيهم ok بدلها بكلمة " موافقه "
واللي عايز يقول يقول ..
قديمة قديمة ،
مهو اغلى العطور أعتقها ، وأغلى الأصول أقدمها ..

إذا فليذكر التاريخ أني قدمت لحياتي بأمور منذ القدم ..
فلن تأتي قدمٌ تدوس على قدم العصور .. فليشلها الله قبل خطوتها ..

[نجمة عسولة]

فعلا أسئلة غريبة ومفيدة

جزاك الله خيرا على الموضوع الجميل ده

[ساندرا]

اخي عصام حياتنا ملانة اشيا ما بنعرف ليش بنساويها ولاكن بنساويها ولو بقينا نسئل ليش هيكي عملنا وشو سبب كل تصرف راح نتعب وبردو ما راح بنلاقي جواب
انا ما قلت شكرا بس حتن انت ما تزعل وانا قلت راي يلي حاسه فيو
يجزيك الخير اخي عصام

[Rosy magic]

عشان لو دروت في نفسك هتلاقي إنسان صغير خالص ضيييييييييييييعف وخايف يطلع بره
لحسن البني آدميين ( وحوش العصر ) ياكلوه ، فبنفضل نلبس زيهم عشان نعيش وسطهم ( ودا ما يطلق عليه " أنت لو عرفته كويس هتلاقي قلبه أبيض " )
آل يعني في قلب أبيض في الدنيا !!
هو يا أحمر يا أسود من السواد اللي بياخده صاحبنا ( كل واحد يدور على صاحبه بئى )

عندك حق .. عن نفسي بحاول والله أتعايش مع الناس بطريقتهم ...

يا إما بزودها قوي ، يا إما يتقال ( ياااه دي طيبة ) وكمان حبة ( دي ضعيفة )

هو إحنا ماشيين بالنظام دة دلوقتي .. ومتقولش مفيش قلوب بيضاء

في كتيييير بس زي ما قولت متخبيين وبيحاولوا يقلدوا الناس ...

علشان لو بقيت ابيض متعرفش ايه ممكن يحصلك من البشر ...

مش عارفة أقولك ايه تاني ... كدة كفاية .. يارب تكون فهمت وجهة نظري ...

موضوع جاد وحلو تسلم يارب ..

[طيف عابر]

[

السلام عليكم ورحمة الله وبركاته

وعليكم السلام ورحمة الله

موضوعي ببساطة في سطور :

لماذا نطلب من الصغير أن لا يكذب و أول موقف يواجهه في حياته نقله معلش اكدب في دي بس ؟

انا قلت مرة يا عصام في موضوع ليا عن الكدب انه الكدب طبع
ومفيش حد الا وبيكدب
مع تفاوت درجات الكدب

لماذا إن سرحت يدانا على أوراقنا ترسم خطوطاً ليست مفهومه ؟ لماذا لا ترسم ما نسرح فيه ؟
لاننا سرحانين اصلا ومش حاسين بشيء حوالينا لكن بننرسم اكيد
شيء بيعبر عننا وعن شيء حاسينه جوانا

بنظرك من هو الأعمى ؟
( هو من يرفض الحقيقة والواقع الذي يعيشة ، يرفض كل شيء ، ويغمض عينية عن العالم ، فيقع في هاوية لا نهاية لها )
الاعمى يلي ما بشوف عيوبه وبشوف عيوب غيره بوضوح

ومن هو الأصم ؟
( هو من أصم أذنه عن كلمة حق ، وتمسك برأي جاهل لا أساس له ، هو من يرفض الإستماع للرأي الآخر ويرفض النقاش )

الاصم برضه يلي بيرفض يسمع الا نفسه

ومن هو الأبكم ؟
( هو الكاذب ، فلا اعترف بكلام في هذا العالم إلا كلمة الحق ، فإن لم تكن فهو ابكم ! )

لماذا نبكي في الفرح ؟ كما نبكي في الحزن ؟

هل هناك حقا ( الضمير العربي ) ؟ أم انها اغاني وهتافات لا معنى لها ؟
( بصراحة آه ، وتعبت من كترها ومليتها كلها .. اسكتوا بئى !! )

مفيش ضمير الا بندرة وتلاقيه برضه ضمير خايف

ما قلناها زمان .. الضمير مات وحضر جنازته قلب وإحساس .. ومن حسرتهم ، حصلوه !!

_____________________________الله يرحمه فعلا ويعوضنا عنه خير _____________________ ________________

ليه بناخد من الوهله الأولى فكرتنا ، ليه دا بئى طبعنا ؟
( مع ان لو الواحد استنى شوية ، شويتين هيلاقي حاجات عمره ما شافها " مجرب " )

ليه بنتخانق اسهل ما بنسامح ؟
ليه بنرفض الصلح وقت الخناق ؟
ليه مش بنعرض وجهاتنا ونعرف شوية شوية فين الغلط ..؟
دا اكبر غلط ان أحد الطرفين يرفض الطرف الآخر ..
لأن كلنا بيغلط ، لكننا بنفرضها وقت ما نحب ، ونرفضها وقت ما نحب .. ( ومتلقش مش صح ، ايوا هي صح )
___________________________طبيعتنا كبشر بننفعل بسرعه وبنحكم بسرعه وبنظلم بسرعه ومشان هيك الله ميز بينا وجعل في جنة ونار واعطانا عقل حتى نميز ونفرق بين الامور والاشياء ونحاول نقرر ونختار صح وجعل للحاكم العادل مكانة عاليه _______________________ ________________

ليه الكدب ملوش رجلين ؟ هو مش صاحبة إنسان ؟
ولا هو الإنسان أضحى عفريت اليوم ( بيطير ) ؟؟؟
ولا لما يقلك حبل الكدب قصير ( وهو احنا بنلعب شد الحبل مع بعض ولا إيه ( إيه العلاقة بين دا ودا يعني ) ؟

دا الكدب ياما بنى .. وياما هد
ومتقليش الكدب عمره ما يبني ، لأ بيبني بس بيبني من رمل وسط بحر !!

وطبعا الرمل ضعيف وسط البحر
( برضة ، إيه دخل دا بدا !! )
_______________________________الكدب تاني مقلنا الكدب يستحيل يختفي من على وجه الارض طول ما في انسان ___________________ _____________

لي عودة وتعبتنا معاك يا عم

[Essam Net]

اولا احب اشكر نجمه عسوله على ردها الجميل .. اللى ما شكرتش فيه ..

ثانيا احب اشكر ساندرا .. على كلامها الجميل .. اللى بيعجبنى بطبيعته .. وبردوا يجزيكى الخير ساندر
وكويس انكـ عرفتى توضحى رايكـ فى ناس كتير مش عرفين يقولوا رايهم ..


وبشكر كمان روز .. على ردها الجميل .. وطبعً فهمت وجهة نظركـ يا روز .. انتى ما قولتيش لغز ولا حاجه .. تسلمى يا رب ..

اما بقى طيف .. دا موضوع كبير .. دى عايزا حاجه سقعه وقاعدة عرب .. علشان نديها حقها كامل ..
وانا منتظر العوده .. بس بسرعه ..

ملحوظه انا بس االلى بقول شكرا .

[شمس]

اهلا عصام لثاني مرة بشوف الموضوع ومش عارفة اكتب ايه هي الحياة كده في كلام قريتو هنا في المنتدى وحفظتو عن ظهر قلب بيقول: تكلم حين تشتهي الصمت واصمت حين تشتهي الكلام واخر بيقول البعض نحبهم ولكن لا نقترب منهم فهم في البعد احلى وفي البعد ارقى وفي البعد اغلى يعني يا عصام طول ما في بشر على وجه البسيطة حيفضل الكذب والخناق والغش وبردو التسامح موضوع مميز يستحق المتابعة والشكر

[Essam Net]

الله على الكلام الجميل .. شمس ..

البعض نحبهم ولكن لا نقترب منهم فهم في البعد احلى وفي البعد ارقى وفي البعد اغلى

فعلا شمس .. دى حقيقه ..
واشكركـ على ردكـ الجميل .. والفكر العالى ..