:: صحيح القرد في عين أمه غزال ::

[Rosy magic]

كل يوم بيمر عليا بتأكد من صحة المقولة الشعبية الأثيرة دي القرد في عين امه غزال

هو صحيح انا مش قرد اوي بس برده مش غزال ...اكتشفت ان ماما بالرغم اني عايشه

معاها 13 سنه لسه لحد دلوقتي مش عرافاني كويس و شيفاني غزال بالرغم من جميع حركاتي القرداتيه لإقناعها بغير كدا إلا انها مصممه..

حبيبتي يا مامتي دايما رافعة معنوياتي بس المره دي وسعت منها يلا بقى قلب الأم .

بعد حدث مش ظريف كدا حصلي مؤخرا تاني يوم الصبح من حصوله لقيت مامتي حبيبتي و صديقة عمري كاتبالي الكلام دا, كل الي قدرت اعمله اني اعيط , معقول يا ماما انتي شايفاني كدا !!! عارفه ان كل حد شايف و لاده احسن حد في الدنيا بس بجد انا بستمتع بالشعور دا اني عارفه ماما بتحبني قدايه و عارفه انا بمثل ايه في حياتي ... ربنا مايحرمنيش منك يا حبيبتي .

و برغم محاولاتي المستميته اني اخليها ترجع في كلامها اوانها تقول دا كلام مجامله لرفع روحي المعدنية المدمرة فقرقرت الاستسلام و قلت خلاص ماشيها يا بنتي غزال غزال ,, الصيت و لا الغنى برده *

من اليوم دا و انا قرقرت اني اعوض شحنة الحب و العواطف الي جوايا فيها ,هيا اولى برده

أصل سألت نفسي هو احنا ليه مش بنعبر للناس الي بنحبهم عن الجوانا بكلمة بحبك على طول زي ما بيحصل مع الخطيب او الزوج او الحبيب هي الناس دي برده مش ناس بنحبها و تحبنا و يمكن بتحبنا اكتر كمان و ليه دايما ما بنبذلش مجهود لتوضيح دا زي ما بيحصل في علاقات الحب التانية , هل عشان دي امور مسلم بيها و الأم معروف انها بتحب بنتها و العكس , و مش محتاجين نعمل الحاجات الصغيره دي عشان نقول بحبك بكل الطرق ؟؟

مش عارفه بس زمان كنت بحس انها تقيله قوي بالرغم اني كنت هموت و قول لماما بحبك او اروح و احضنها بس مش عارفه ليه دايما كنت بتكسف اعمل كدا مع ان مافيش حدود بيني و بينها ( قدام الناس يعني ) و كنت دايما بأجل دا اقول مره تانيه , ماهي اكيد عارفه اني بحبها
بس قررت بعد الحدث الي حصلي في حياتي انها احق واحده بكلمة بحبك دي كل شوية

ماما بحبــــــــــــــــــــــ ك

[Essam Net]

ههههههههههههههههههههههه

طبعا يا روز .. فى حد يتكسف من مامتوا حتى لو كان قدام الناس .. دى الام ..
بس انا عايز اعرف حاجه .. انتى قولتيها كتايه ولا قولتيهلها حقيقي ..
ولو ما قولتهاش حقيقي يبقى المفروض تقوليهلها .. وحتى من غير ما يحصلكـ الحادث الاخير .. هى الام تستاهل كل كلمه طيبه من ابنئها ..
تسلمى روز على الموضوع الجميل دهـ ..
دمتى بتمام الصحه ..

[Rosy magic]

ههههههههههههههههههههههه

طبعا يا روز .. فى حد يتكسف من مامتوا حتى لو كان قدام الناس .. دى الام ..
بس انا عايز اعرف حاجه .. انتى قولتيها كتايه ولا قولتيهلها حقيقي ..
ولو ما قولتهاش حقيقي يبقى المفروض تقوليهلها .. وحتى من غير ما يحصلكـ الحادث الاخير .. هى الام تستاهل كل كلمه طيبه من ابنئها ..
تسلمى روز على الموضوع الجميل دهـ ..
دمتى بتمام الصحه ..

لا طبعا الموضوع عادي ...

بس أنا حبيت أوصل فكرتي بطريقة مسلية شوية ...

تسلم عصام للمرور .. ودوم الابتسامة

[نجمة عسولة]

فكرة جميلة والله
وفى ملحوظة تانية كمان
طب هو ليه دايما الناس بيقولو لمامتهم بحبك قدام الناس ومن غيرهم لما بيجيبولهم حاجة جميله كهدية من ام لبنتها؟؟؟؟؟

[Rosy magic]

فكرة جميلة والله
وفى ملحوظة تانية كمان
طب هو ليه دايما الناس بيقولو لمامتهم بحبك قدام الناس ومن غيرهم لما بيجيبولهم حاجة جميله كهدية من ام لبنتها؟؟؟؟؟

مش فاهماكي يا ياسمين والله

تسلمي للمرور وهستفهم منك هنا أنا ...

[همسة ولاء]

حبيبتي يا مامتي دايما رافعة معنوياتي بس المره دي وسعت منها يلا بقى قلب الأم .
وكمان هي الانسان الوحيد الي بتلاقيه جنبك دايما في الحلو والمر
انتي معاك حق يا روزي مع ان تصرفاتنا بتوضح حبنا الشديد الها بس ما بنقولها بشكل صريح
السبب بقا مش عارفة ممكن لاننا بنقول هي عارفة سلفا اننا بنحبها
تسلمي احلى روزي على الموضوع الجميل

[Rosy magic]

وكمان هي الانسان الوحيد الي بتلاقيه جنبك دايما في الحلو والمر
انتي معاك حق يا روزي مع ان تصرفاتنا بتوضح حبنا الشديد الها بس ما بنقولها بشكل صريح
السبب بقا مش عارفة ممكن لاننا بنقول هي عارفة سلفا اننا بنحبها
تسلمي احلى روزي على الموضوع الجميل

العفو يا قمرايا ... وتسلمي للمرور يارب ..

[شمس]

ربنا سبحانه وتعالى عظمها وقدرها وقال ان الجنة تحت اقدامها يعني اسمى المشاعر وارقى الاحاسيس والحب والحنان هي الام فلو بقينا نقول لها كلمة بحبك في كل دقيقة وفي كل سانية مش حنوفيها حقها ولا لحظة الم اتالمتها عشانا ولا ساعة سهر سهرت فيها معانا الام دايما محتاجة كلمة حب من ابناءها فلدة اكبادها بتبق سعيدة بيها يعني ما نتردد اننا نقولهالها تسلمي يا قمر

[Rosy magic]

ربنا سبحانه وتعالى عظمها وقدرها وقال ان الجنة تحت اقدامها يعني اسمى المشاعر وارقى الاحاسيس والحب والحنان هي الام فلو بقينا نقول لها كلمة بحبك في كل دقيقة وفي كل سانية مش حنوفيها حقها ولا لحظة الم اتالمتها عشانا ولا ساعة سهر سهرت فيها معانا الام دايما محتاجة كلمة حب من ابناءها فلدة اكبادها بتبق سعيدة بيها يعني ما نتردد اننا نقولهالها تسلمي يا قمر

طبعا يا سكر ... وتعظيم الله لها أكبر من كل شئ وأي شئ نقولو

تسلمي للمرور حبيبتي

[شمس الأصيل]

السلام عليكم ورحمة الله

بحبها قوي مش بنوتي

بنوتاتي أحلى من شموس الدنيا كلها

وخاصة الكبيرة لها معزة خاصة مش الكبيرة