انتـــ ؟؟ وبعدين معاك هتفضل كدا لامتى ..؟

[Essam Net]

السلام عليكم ورحمه الله و بركاته


ايه الاخبار ؟ يارب يكون كله تمام
طيب ايه اخبار قرايبك و جيرانك و صحابك ؟
وعمتك وعمك و خالك و ابن خالتك وابن عمك ؟
(( ايه حيلك حيلك كل دول))

اه و بنت خالك و خالتك و صاحبتك وجارتك ؟
متعرفش عنهم حاجه ياللهول (( نهارك ابيض و زي الفل ))
طب ليه كدا انت عايش لوحدك يعني ولا ايه
عايش و مش عايش

انت مسمعتش حبيبي و حبيبك النبي
((ما تصلي عليه احنا هنبداها كدا )) صلى الله عليه وسلم
لما كان بيوصينا على صله الرحم

قال رسول الله صلى الله عليه وسلم
(( من كان يؤمن بالله و اليوم الاخر فليصل رحمه))
صدق رسول الله صلى الله عليه وسلم

وقال رسول الله صلى الله عليه وسلم
((تعلموا من انسابكم ما تصلوا به ارحامكم فان صله الرحم محبه في الاهل مثراه في المال منساه في الاثر ))

وان صله الرحم معلقه بعرش الرحمن من وصلها وصله الله و من قطعها قطعه الله

هتقولي اصلك متعرفيش اللى حصل فيه شويه خلافات كدا و مشاكل و طبعا كرامتي هتنقح عليه
و مش هينفع اني اكلمهم او اسال عنهم
وايه ال يقلل نفعه ؟ احنا مش كنا اتكلمنا عن العفو قبل كدا ورفعنا شعارات و قولنا هنعفو و نسامح
و قولنا ان اوكي مش هنقدر نرجع معاهم زي الاول بس خلي بالك احنا بنعامل ربنا


وبعدين يعني ما كل عيله اكيد ليها خلافاتها و مشاكلها لان مفيش حاجه كامله وميت فل وعشره كدا على طول يعني
وبعدين بتلاقيهم اتصالحوا و اتفاهموا و الميه رجعت لمجاريها زي ما بنقول

وازاي هتقابل ربنا و انت سمعت قوله جل و على
(( والذين ينقضون عهد الله من بعد ميثقه ويقطعون مآمر الله به
ان يوصل ويفسدون في الارض اولئك لهم اللعنه ولهم سوء الدار))

قولي بعد كلام ربنا دا ازاي تقدر تقابله وانت قاطع صله رحمك
والله انا بشوف حالات بجد تخلي الانسان حزين
يعني ناس مفيش بينهم مشاكل ولا خلافات ابدا ومش بيسالوا عن بعض طب ليه كدا
قد كدا هونا على بعض

طب اقولك حديث جميل اوي بعدها بقى مش هيبقالك حجه انك متسالش عن اهلك و اقرايبك
ان صلة الرحم سبب لزيادة الرزق وطول العمر

عن علي ابن أبي طالب رضي الله عنه، عن النبي صلي الله عليه و سلم قال:
{ من سره أن يمد له في عمره، ويوسع له في رزقه، ويدفع عنه ميتة السوء، فليتق الله، وليصل رحمه }
[رواه الحاكم والبزار بسند جيد].

وعن أنس أن رسول الله صلي الله عليه و سلم قال:

{ من أحب أن يبسط له في رزقه، ينشأ له في أثره، فليصل رحمه }
[رواه البخاري ومسلم].


ايه رايك بقى عندكـ حجه تانيه ..؟

[شمس]

والله يا عصام احنا فعلا مقصرين وعارفين ان صلة الرحم متصلة بعرش الرحمان وان النبي (ص) وصى عليها لكن المشكلة اننا انشغلنا في متاعب الحياة ومشاكلها الي كل يوم بتزيد مش بتنقص وكمان بقى كل واحد في الزمن الاغبر ده قافل عليه بابو لا بيود ولا يتود بجد احنا مقصرين بس ان شاء الله مش حنعصي ربنا وحبيبنا المصطفى عليه افضل الصلوات وبعد ما شوفنا الاحاديث اكيد ما راح نتهاون على الاقل نكسب ثواب واجر لاخرتنا اما الدنيا فهي زائلة ومش حتنفعنا بشيء بارك الله فيك وجزاك عنا كل خير

[Essam Net]

جزاكى الله كل خير يا شمس ..
ويا ريت فعلا ما نتهاونش بصلة الرحم .. لان فعلا الدنيا ذائله ..

شكراً ليكى شمس ..

[Rosy magic]

ربي يجعله بميزان حسناتك ... موضوع جه بوقته لسة مروحتش لنينى ومقموصة مني ...

وفعلا صلة الرحم شئ أساسي... يارب كلنا نداوم عليه ...

جزاك الله خير

[همسة ولاء]

بارك الله فيك
طرح جميل جدا

[طيف عابر]

في ظل الوقت واضاعته في امور --للاسف --تافهة -- نسينا الاولويات واهتمينا

بالتفاهات
عالمنا اصبح كله قشور وتسليه ونت ووووووو ولسه بنقول مفيش وقت
الوقت موجود ومتوفر وكتير وهذا واجب علينا ان نقوم به مهما كانت الظروف
شخصيا ماما عامله يوم مخصوص في الاسبوع نزور فيه تيتة وكمان اجباري على كل العيله واخوالي وخالاتي

تسلم عصوم والله يبارك فيك على التذكير