مصراوي مفيش منه
أنا مبخافشى وحفضل أقول
أنا مبخافشى وحفضل أقول
كلمـة حــق عليها مسئـول
إن الريس راجــل طيــب
وبشعبه دايما مشغـــــول
مشغول انه يلم فلوسنا
بره سويسرا يحوشهالنا
وف حسابات سريه يشيلها
نفسه يأمن مستقبلنا
شفتو ازاى بقى قلبه رحيم
عنده ايمان وضميره سليم
بيجوعكوا لجل تخسوا
آه ياشعب يا محتاج لرجيم
من جهلكوا بتقولوا بطاله
وان الاحوال مش شغّاله
دا الراجل نفسه يريحكم
هى الراحه تبقى عواله؟
أما حكاية المنتجعات
ليه تسموها المعتقلات؟
ليه الظن
وسوء النيّه
نفسه يفسحكوا يا بهوات
أما الكرسى واللى اتقال
دا كلام مش محتاج لسؤال
الغلطه دى غلطتنا يا عالم
إن مجبناش كرسى تيفال
والله انتم ظالمين الراجل
ضيّع عمره ومين يستاهل
حتى الاكل بياكله بدالنا
طالع واكل نازل واكل
بعد دا كلّه........ماله الريس؟؟؟؟؟
والله يا اخى كتر خيروا .. يكفى انوا بيحوشلنا فلسنا برا فى سويسرا ..
دا حبيبنا الريس يا اخى .. ولو مش مصدقنى اسال على مدكور ..
على بيعزوا اوى .. لدرجة انوا هيحط صورة الريس فى السيبر .. لا مش كده وبس ..وكمان وهو بيسلم على عمكـ حسنى ..
تسلم يا عبدوا يا جامد .. ربنا يرحمكـ يا عبده .. كنمت راجل كويس .. وبتحب الريس
التعديل الأخير تم بواسطة Essam Net ; 1 - 6 - 2008 الساعة 04:18 PM
التعديل الأخير تم بواسطة طيف عابر ; 6 - 6 - 2008 الساعة 05:29 PM
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
