مصراوي مفيش منه
للكوسه ف بلادي شئون
للكوسه ف بلادي شئون بتخلي المسنود فرعون
يتفرعن فين مهما يكون وتخلي الجاهل أستاذ
والأعرج لاعب جمباز
وتخلي الأحول هداف والكوره الآوت ف الجون
للكوسه ف بلادي شئون
لو تعرف واحد ف الشرطه راح تخرج من أجدع ورطه
والراجل اللي انت ظلمته تلاقيه متلقح مسجون
أو تعرف شخصيه كبيره شغاله ف البنك مديره
راح تاخد من غير ضمانات كام قرض بمليون مليون
وهروبك طبعا مضمون
ويا عيني لو تعرف نايب ف المجلس مش نايب خايب
راح تبني أبراج وهميه أوراقها مظبوطه أكيد
وفلوس الناس المهريه حتجيلك م الجيب للإيد
بعديها تروح المستشفى وتقيد نفسك مجنون
أحكامك تسقط ف ساعتها بعديها ترجع موزون
وإذا ساكن ف عماره جديده
وحبيبك راجل مسئول فسيادتك من غير ما تقول
يركب لك فورا تليفون
ولو انت عندك عربيه ونمرها سوده بنسرين
حتعدي أجدعها كمين وحتكسر أوضحها إشاره
ماهو نمرك سوده جباره
ولا تعرف أيتها قانون
ولو انت بتعرف فران أو واحد بياع جرنان
راح تاخد طلبك وحتمشي من غير ولا دوشه ولا دور
والناس الغلبانه حتاخد طلباتها بعدك وتغور
ماهو كله غيرك بيهون
ولو انت زميل الحلاق راح تحلق اولها زبون
وإذا كنت بتعرف دكتور حتعيش متطمن مسرور
وحتسلك ف لجان الشفوي ومجال تعيينك موفور
وحتطلع فالتليفزيون بالبدله وفيها الببيون
تتكلم وبكل بساطه عن شرف المهنه المدفون
لكن لو شاعر غلبان قلت اللي ف نفسك علطول
حيقولو مين قال لك قول
ويهاجمك مليون إنسان والتهمه أنك فنان
مش برضه كلامي يا جدعان حسينه.. ولا أنا غلطان
**
مش معنى كلامي يا أحبابنا إن إحنا خلاص اتغربنا
فيه فينا أشراف وكتير إتربوا على حب الخير
وإحترموا ولادهم والغير والناس إحترمتهم ولله
الفاتحه على روحهم يلله
الكوسه في كل مكان
لانه الانسان اصبح همه مصلحته وبس وصار المبدأ --انا ومن بعدي الطوفان
تسلم الايادي وفعلا موضوع صعب التعليق عليه اكتر لانه واضح وانتشر بكثرة للاسف
مش معنى كلامي يا أحبابنا إن إحنا خلاص اتغربنا
فيه فينا أشراف وكتير إتربوا على حب الخير
وإحترموا ولادهم والغير والناس إحترمتهم ولله
الفاتحه على روحهم يلله
نجم مصراوي
هههههههههههههههه موضوع جامد والله تسلم اخى
E L K H W A G A
{ V . I . P }ليه كل حاجه حلوه عمرها قصير ليه كل شى فى عيونا دايما بيتغيرالبحث على جميع مواضيع العضو ELKHWAGA
نجم مصراوي
انت عارف انا مسمى الكوسة ايه
الخضار الرسمى للدولة ( والله بجد )
انما حلو الكلام وكويس وبرضه انا معاك ان فيه ناس كتير شرفاء
ودول طبعا اللى هما ميعرفوش نايب مجلس ولا حلاق ولا دكتور ولا الكلام ده
عامة تسلم مصر لسة بخير ومتقلقش
تقرير الغردقة المحتلة
بســـــــــــــــــ الصواف ـــــــــــــــام
عضو متميز
(لو تعرف واحد ف الشرطه راح تخرج من أجدع ورطه)
مش معنى كلامي يا أحبابنا إن إحنا خلاص اتغربنا
فيه فينا أشراف وكتير إتربوا على حب الخير
وإحترموا ولادهم والغير والناس إحترمتهم ولله
الفاتحه على روحهم يلله
موضوع رائع وجميل بس انت لو حصلت لك مشكله وانت مظلوم مش بتروح للشرطه على شان تشتكي[/quote]
واجمل ما الموضوع الجمله الاخيره لانه الاشراف في بلادنا كثير وهمه فعلا كثير .. ودائما الشر اقصر عمر من الخير
تسلم ايديك على الموضوع الرائع
التعديل الأخير تم بواسطة Dr: Adnan ; 4 - 6 - 2008 الساعة 12:20 PM
شاعر مصراوي كافيه
تسلم اخي علي الموضوع الجميل دة
بصراحة الخاطرة دي جميلة جداااا لشاعر مميز اسمة محمد السيد
التعديل الأخير تم بواسطة hotta ; 4 - 6 - 2008 الساعة 01:53 PM
مصراوي شغال
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
