عايــز تمــوت إزاي ..؟؟

**Essam Net** · 9 - 7 - 2008, 09:51 PM

عايــز تمــوت إزاي ..؟؟

عاوز تموت شهيد ؟

ياتركب طياره............... ياتركب عباره..

عاوز تموت م الجوع ؟
.. ياتشترى شقه................ياتشترى عربيه بالقسط

عاوز تموت م الحسره ؟
ياتتفرج ع الفاترينات فى ستى ستارز.....ياتروح زياره لمارينا..

عاوز تموت م الغيظ ؟
ياتتفرج ع القنوات المحليه......... ياتتفرج ع النشره الجويه ..

عاوز تموت م الزهق ؟
ياتستنى الأشاره لما تفتح .... ياتستنى دورك فى الطابور فى
..التأمين الصحى

عاوز تموت م الهبل ؟
..يا تخش ع النت .......... ياتسمع نجوم الأف أم

عاوز تموت مخنوق ؟
.. ياتروح مصلحه حكوميه ......... ياتقرا الجريده اليومية

عاوز تموت مفروووس ؟
..ياتركب تاكسى ............ ياتركب دش

عاوز تموت مرعوووووب ؟
.. ياتستنى نتيجه الثانويه العامه ....... ياتستنى نتيجه التحاليل عند الدكتور

عاوز تموت مشهور ؟

.. ياتتجوز رقاصه ............ ياتنصب على بنك

عاوز تموت مليونير ؟
ياتعمل فيديو كليب............. ياتلعب كوره..

عاوز تموت ورا الشمس؟
ياتشغل مخك ............ ياتفتح بؤك..

عاوز تموت منكاد ؟

ياترشح نفسك فى الأنتخابات ....... ياتخش ف أتفاقيه الجات..

عاوز تموت م الحزن ؟
ياتفكر دايما ف أحوالك .......... ياتحط الحكومه ف بالك..

عاوز تموت م الضحك ؟
ياتتجوز أتنين ......... ياتشتغل مع المجانين..

عاوز تموت ف حالك ؟
أعمل نفسك دايما مش واخد بالك

منقـــوـول

**Rosy magic** · 9 - 7 - 2008, 09:57 PM

كله موت مأسواي كدة

بس احلى جملة عجبتني

عاوز تموت ف حالك ؟
أعمل نفسك دايما مش واخد بالك

ثانكس

**Essam Net** · 9 - 7 - 2008, 10:03 PM

عاوز تموت ف حالك ؟
أعمل نفسك دايما مش واخد بالك

شكراً ليكى روز على المشاركه الجميله ..

يا روز تفتكرى دا صح ..
لو كل واحد عمل نفسوا مش واخد بالوا كان هيبقى ايه الوضع ..

**Rosy magic** · 9 - 7 - 2008, 10:07 PM

يا روز تفتكرى دا صح ..
لو كل واحد عمل نفسوا مش واخد بالوا كان هيبقى ايه الوضع ..

هو مش صح بس دي احسن الحالات في اللي فوق

وانا أخدتها على انو ميتدخلش في حاجات توديه في داهية ( مينتحرش يعني )

سو سوري على المداخلة الطويلة

**Essam Net** · 9 - 7 - 2008, 10:13 PM

اوكـ روز .. يعنى انتى اخدتيها
قضى اخف من قضى ..

لا سورى على واجب يا روز ..

**ساندرا** · 9 - 7 - 2008, 11:10 PM

جزاك الله خيرا اخى عصام والله انا مرعوبه ويمكن اموت من الرعبه كمان

عاوز تموت مرعوووووب ؟
.. ياتستنى نتيجه الثانويه العامه ....... ياتستنى نتيجه التحاليل عند الدكتور

**sahar** · 10 - 7 - 2008, 12:11 AM

موضوع جميل
ومثل ما قالت روزي كله موت مأساوي
مرسي عصام

لكن اكثرهم
-------------
عاوز تموت مخنوق ؟
.. ياتروح مصلحه حكوميه ......... ياتقرا الجريده اليومية