للمخنوقين فقط !!!!!

[Mr.Mo0ody]

و الله هدا منتدى رائع اعجبت به كتيرا و قرات مشاكل المطروحة فيه و الحلول المقترحة و حبيت اني اشارك معاكم بمشكلتي لاني فعلا مخنوقة كتير وارجو معرفة رايكم فيه

مشكلتي يا جماعة اني متزوجة بشخص حبيته من كل قلبي و وقفت بجنبه علاقتنا قبل الزواج دامت 4 سنين و تجوزنا السنة دي
لكن هو تغير كتير و جار عدواني و لا يهتم في كما عهدته و عاى طول يخلق مشاكل و يخاصمني لمدة ممكن تطول لشهر او اكتروكل هان
لكت المشكلة الكبيرة انه يحاول يبعدني عن والداي و اتى الى مكان قريب من بيتهم و لم يشا زيارتهم و يقول لي انه حتى لو كان بقربهم لن يدهب الى بيتهم الا ادا كان هناك موت لا قدر الله
هل يرضي الله هدا يا جماعة .انا رديت عليه و قلت له من لم يحب والداي لن احبه حتى لو كلفني الامى الطلاق فالامر لا يحتمل مع العلم ان اهلي طيبون جدا و يحسنون معاملته
والله محتارة و انا عند اهلي الان و لا اكلمه

غلط انتى كده مايا

كان لازم تهدي معاه وتسايسيى وتهدي اعصابه
جايز هو كان مخنوق من حاجه
وانتى خننقتيه اكتر بردك

ياماما لازم تتفاهمو مع بعض
هو جوزك وانتى مراته

يعنى مالكوش غير بعض فى الدنيا دي

كان لازم تقعدي معاه وتقوليله مالك يا حبيبي
ايه اللى مضايقك
خلاص ما عديت الرة دي تعدي عليهم المرة الجايه

وكده

جايز يكون حصل موقف من اهلك ضايقه غصب عنهم
انتى توضحي الامور وتصلحي بينهم

انتى لازم تررجعي بيتك الآن
وتتحدثوا ع بعض
وتتأسفيله انك سبتي بيته وتركتيه لواحده

اياكي مايا يحصل تاني
ده من اكتر الأشياء اللى بتغضب ربنا

زوجك ليه عليكي حق وكلمه
ولازم تراعيه وتكونى جمبه فى الشده قبل الفرح

وربنا يوفقك يارب
بالذريه الصالحه

واسف جدا جدا على التأخير

[Mr.Mo0ody]

انشاء الله المشاكل دى كلها هتتحل بس اهم حاجه تراعى ربنا في اللى بتحبها

اكيد دينا عندك حق
شكرا لمرورك

علي فكره الموضوع ده هايل
كان نفسي اعمل موضوع القي فيه اقبال شديد
بس ليه لمحه عن الموضوع ده كان لازم يكون في الركن العام
(تقدر تتكلم عن كل حاجه فيه )
المهم انا راضي عن نفسي كده
اخش في الموضوع
انا بكلرليوس زراعه عين شمس
كان نفسي الاقي شغل
الموضوع ده مش تتسورو خنقني اد ايه
انا عارف ان البلد تعبانه
بس اعمل ايه
انا بدعي رنا يوفقني و يوفاكم
شكرا

احمد

انا هتكلم معاك بكل صراحه
لأن ده طبعي وخصوصا فى الموضوع ده
بص يا احمد ..... ربنا قال اسعي يا عبد وانا اسعي معاك

يعني عمر مالشغل هيجيلك لحد عندك يا احمد
لازم تدور وتتعب وتجتهد لحد ما تلاقي اللى انت عايزة
مش شرط يا احمد تشتغل فى مجال دراستك
او تشتغل الشغلانه اللى انت عايزها
لا طبعا

الشغل يا احمد بيجيب شغل
يا سيدي حتى لو اشتغلت فى مطعم
مش عيب يا بنى

لكن العيب انك تستنى وتاخد مصروف من حد
انت راجل ولازم تعتمد على نفسك
تصدق وتأمن بايه يا احمد
انا بشتغل من وانا عندي 15 سنه
وانل الحمد لله نش محتاج لشغل لحد دلوقتى
واقدر اصرف على نفسي

لكن قلت لأ انا لازم اعتمد على نفسي من صغر
وما اخد حاجه من حد
حتى ولو ابويا

ويمكن الناس القريبين منى يعرفوا الكلام ده كويس

الشغل مش عيب يااحمد
مسيرك هتشتغل فى مطعم ولا تشتغل فى حاجه
وتتعرف على حد ينقلك لمستوي تانى
وواحده واحده شغلك هيكبر
لحد ما توصل للى انت عايزة

خد السلم خطوة خطوة

ما تبص للقمه مرة واحده

وربنا معاك ويوفقك
وخليك واثق فربنا وفنفسك

واسف على التأخير

[Mr.Mo0ody]

ازيك يا مودى وازيكم كلكم
انا بقى مخنوقة جدااااااااااا
طبعا يا مودى انت عارف حكايتى من الاول والحمدلله انا دلوقتى مخطوبة من الانسان الى بحبه
بس المشكلة دلوقتى فى ماما كل يوم تخلينى اقعد اعيط بسبب كلامها عنه
يعنى مثلا هى راحت مع خالى ع يجيب شبكته ولما رجعت قالتلى انتى مش بتفكرى فى مصلحتك انتى عايزة تبقى فى مستوى تانى تعالى شوفى خالك والى عمله فى خطيبته يقولها نقى الى انتى عايزاها وكل اسبوع يديها فلوس دة غير الفلوس الى ادهلها عشان تجيب ملابس
وانتى ربنا رزقك بواحد بخيل مع انه والله مابخيل هو العيب فيا لانى بتكسف اقوله انا عايزة كذا وكذا
وكمان العيب فى لانه المفروض يدينى من غير ما اقول ولكنه عايزنى انا الى اطلب وهو يجيب
هى بقى دلوقتى بيتضايق لما يكلمنى فى التليفون وتقولى هو اخره معايا اول رمضان لو ماجبش الموسم يبقى هنديله حاجته لانهم ناس ميعرفوش الاصول وكل دة ع ما جبش موسم رجب
ماما دلوقتى عماله تقارن بين معاملة خالى لخطيبته ومعاملة خطيبى ليا
وانا بجد مش عارفة اعمل اى وهى كمان عايزانى الاسبوع دة اقوله يجيبلى طقم ع فرح خالى
قولولى بقى اعمل اى هل اقوله على الى هى قالته ولا اى الحل
بس خايفة لو قولتله ان ماما بتقول عليك كذ وكذا يكره ماما
ساعدوووووووووونى

بصي يا هدير

مشكلتك ممكن تكون فريده من نوعها معايا هنا
لكن بصراحه شدتني جدا جدا

وحبيت اقري كلام الناس اللى معانا قبل ما ارد

انتي لازم تتكلمي معاه في الموضوع ده بس بشطارتك انتي تجيبهالوا بطريقه تانيه خالص

ممكن يكون كلام ريهام صح
لكن انتى لازم تفتكري انه خطييييييييييبك مش جوزك يعنى لو بيجيبلك حاجه فدي كادو او هديه

اسكتي قال ايه ماما واخدة على خاطرها منك ،،،، انتي هتقولى ليه ياحبيبي ده انا حتى مش حاسة خالص من ناحيتها انهازعلانة مني ابدا وبعدين هيقولك لا اسكتي مش هى قالتي امبارح !! والله ،،،،وياتري زعلانة مني في ايه ــــ زعلانة منك قال ايه بتقول انك سمنتي وقال ايه ماما عرفت حاجة اسمها ريجيم وعيزاكي تحطي منه في الاكل اهو منها تجربه ومنها علشان جسمك يرجع زي ما كان

عجبنة جدا رد الغطاس
لكن مكانه الصحيح للأزواج مش للمخطوبين
اي نعم هو مسؤول عنك وكل حاجه
لكن بردو

جاب حاجه دي هديه منه مش ملزم انه يجيبها والمفروض انك ترديله الهديه وبعدين انتي مش عارفه ظروفه يمكن يكون مش عنده فلوس وده مش عيب

ممكن اكون معا نور فالموضوع ده

لازم يا هدير يكون الموضوع ده بينكم وبين بعض
ممكن تكون مام خايفه عليكي

لكن عمرها ما توصل لكده
انتى لازم تقعدي مع مام
وتفهميها يا ماما الأمور مش كده
هو لو معاه مش هيبخل عليا
يا مام
انا ماقدرش اطلب منه كده
مهما كان ده برضي خطيبي مش جوزي يعني

فاهمانى ؟

وبرضه تتكلمى معاه

لكن اوعى يا هدير تطلبي منه حاجه ... صدقيني مش هيبقى فى مصلحتك بجد

ممكن يفهمك غلط
ممكن يقول هى من اولها كده واحنا يادوبك لسه مخطوبين ؟

فاهمه ؟


بس لو الموضوع ده مضايق مام قوي كده
انتى ممكن تقولي لخطيبك

تصدق يا حبيبي
ده خالو النهارده جب لخطيبته حته فستاان
ماشاء الله تحفه

فاهمه

وكده

يمكن يكون الراجل ما يفهمش فالكلام ده
والموضوع عادي بالنسباله
لان ده كلام ستات


ونصيحه اخيرة هدير


اوعى تدخلو حد ما بينكم حتى ولو اهلك

وربنا يوفقك يارب

واسف على التأخير

[الكتكوتة]

بص يامودى هو كان معايا النهاردة ع اجيب النتيجة وكان قالى ان لو نجحت هيجبلى طقم
المهم هو النهاردة حس انى مضيقة قعد يلح عليا ع يعرف مالى
قولتله ماما كانت عايزانى اقولك تجيبلى طقم ع الفرح وانا قولتلها لا
قالى وانتى تقولى لا لى ما انا قايلك انى هجيبلك
رحت قولتله ع موضوع الموسم راح قالى ياهدير انا والله ماعرفش لان الحاجات دى شغل ستات وامى ما قالتليش حاجة
قالى وبعدين هو دة الى مزعلك ليكى عليا اجيبلك كل يوم طقم قلت له مش للدرجة دى
راح قالى انتى شايفة انى مقصر معاكى قلتله لا
قالى انا كل اما اقولك عايزة حاجة نفسك فى حاجة اجيبهالك تقولى لا
بس المهم الحمدلله نجحت
راح جابلى طقمين وادانى فلوس
ولما روحنا عندنا البيت حسيت ان ماما مش طيقاةومش عايزة تقعد معاه ولو قعدت ما تتكلمش خالص
ولما مشى هى سالتنى انتى قولتيله حاجة رحت كدبت عليها وقولتلها لا
دة هو كان قايلى لما تنجحى هجيبلك...
بس
شكرا لاهتمامك يا موووودى

[Mr.Mo0ody]

ازيك يا مووودى انت عامل ايه انا معيا مشكله بس مش ليا لبنت خالى سبب المشكله بتاعتى بس هقلتلى ان هى عندها مشكله وانا قولت اقولهالك علشان تشوفلها حل انا قولتلها الحل بس برده عوزه رايك انت الاستاذ الكبير



هى بتحب اخو المدرس بتاعها هو كمان مدرس بس هو مش كبير ولا خاطب ولا مجوز وهى بتحبه وهى كمان فى تانيه ثانوى وهى بتحس حاجات غريبه من نحيته بس هى مش عرفه تعمل ايه هى بتحبه اوى اوى وهى نفسه تعرف اذاكان هو بيحبها ولا لالا بس هى مش عرفه تعمل ايه يعنى تقدر تقول ان ده من حب من طرف واحد هو مجرد حاجات بسيطه عاديه من يا نحيته بس ممكن تكون هي فهمتها غلط بس انا بفهمها ان هى تقدر تحدد موقفه من نظراته علشان تعرف اى حاجه تحس بها بس هى بتقول انا عادى سعات بحسس بهتمام من نحيته بس اهتمام زياده بس شويه بس انا مش عرفه والله يمودى وهى بتحبه وانا بقولها انسى ومينفهش تحبى مدرس بس هى بتقول بحبه مش عرف حب ايه ده قولى رايك وهى عندى وهى الحمد الله يعنى تقدر تقول بدات تقتنع بموضوعى انا وتعمل الحل الانت قولتى عليه ربنا يهدى ونتمنى الرد يا مودى

انتى كلامك صح طبعا

هو ممكن يكون وقت مراهقه ويعدي
واعجاب وكده وهو فالسن ده هتلاقيها بتتشد لأى حد يهتم بيها او يحاول يقرب منها

وخللى بالك ده اخطر سن فالعمر كله

هو ممكن يكون قرب منك
لكن انتى ابعدي أنى ماعتقدش ان الفرق بينكم صغير
وايش ضمنك ان انتى الوحيده اللى هوبيعمل معاها

صح ولا غلط


فهميها يا نونا وخليها ما تستعجلش على رزقها مسيرها هتحب وهتكرة اليوم اللى حبت فيه
ههههههههههههههههههه
وربنا معاها ومعاكي يارب
وبجد والله انا مش عارف اقولك ايه على مجاملتك ليا دي بجد

بس انا مش مطمن من موضوع قربيتك ده

ههههههههههههههههههههههههه هههههه

[سمسمه النونه العسوله]

شكرا جد يا مودى على اهتمامك والله هى مقعدانى قدام الجهاز علشان اشوف انت هترد تقول ايه ودى والله مش مجامله ولا حاجه دى الحقيقه والله انت استاذ الكل والله وتاج الناس كلها انت الملك وبجد والله انا برتاح من كلامك وردك الانك كلامك مقنع وهى بتقول مش قدره انا بحبه بس انا بقول بلاش بس مفيش فايده اعمل ايه هى بتقول هو مؤدب ومحترم وبقولها مش بلاش تقولى بحبه يا ابا قولى بقى

[Mr.Mo0ody]

بص يامودى هو كان معايا النهاردة ع اجيب النتيجة وكان قالى ان لو نجحت هيجبلى طقم
المهم هو النهاردة حس انى مضيقة قعد يلح عليا ع يعرف مالى
قولتله ماما كانت عايزانى اقولك تجيبلى طقم ع الفرح وانا قولتلها لا
قالى وانتى تقولى لا لى ما انا قايلك انى هجيبلك
رحت قولتله ع موضوع الموسم راح قالى ياهدير انا والله ماعرفش لان الحاجات دى شغل ستات وامى ما قالتليش حاجة
قالى وبعدين هو دة الى مزعلك ليكى عليا اجيبلك كل يوم طقم قلت له مش للدرجة دى
راح قالى انتى شايفة انى مقصر معاكى قلتله لا
قالى انا كل اما اقولك عايزة حاجة نفسك فى حاجة اجيبهالك تقولى لا
بس المهم الحمدلله نجحت
راح جابلى طقمين وادانى فلوس
ولما روحنا عندنا البيت حسيت ان ماما مش طيقاةومش عايزة تقعد معاه ولو قعدت ما تتكلمش خالص
ولما مشى هى سالتنى انتى قولتيله حاجة رحت كدبت عليها وقولتلها لا
دة هو كان قايلى لما تنجحى هجيبلك...
بس
شكرا لاهتمامك يا موووودى

ههههههههههههههههههه

طب بزمتك مش انا قلتلك كده

يمكن يكون الراجل ما يفهمش فالكلام ده
والموضوع عادي بالنسباله
لان ده كلام ستات

شفتى انى عبقري
ههههههههههههههههههههههههه هه

واهو يا ستى طلع الراجل خيب ظن كل واحد قال عليه اي كلمه

وطلاما بتحبيه وبيحبك يا هدير
الحب اقوي من اي شئ صدقيني

ويارب بقى تكون الست الوالده رضيت على الراجل
هههههههههههههههههه

بس برضه اوعى تطلب منه حاجه علشان عمرك ما تقلي فنظرة
الا بعد الزواج ان شاء الله

وربنا معاكي ويوفقك ياااااااااااااااااارب
اخوكي / مودي

[Mr.Mo0ody]

شكرا جد يا مودى على اهتمامك والله هى مقعدانى قدام الجهاز علشان اشوف انت هترد تقول ايه ودى والله مش مجامله ولا حاجه دى الحقيقه والله انت استاذ الكل والله وتاج الناس كلها انت الملك وبجد والله انا برتاح من كلامك وردك الانك كلامك مقنع وهى بتقول مش قدره انا بحبه بس انا بقول بلاش بس مفيش فايده اعمل ايه هى بتقول هو مؤدب ومحترم وبقولها مش بلاش تقولى بحبه يا ابا قولى بقى

يا سمسمة والله انتى بتحرجيني جدا بكلامك ده
وفعلا كتير جدا عليا
ربن يخليكي يارب ويقدرني واساعدكم على طول

لكن انا هقولك على حاجه يا بنت خالتها
مش هقولك ابعدي

لان انتى مش هتصدقى الا لما تشوفي بعينك

حطيه فاختبار
واحضري مواعيد غير مواعيدك
غيبي مرة واتنين وتلاته
وشوفى هيسأل عليكي ولا لأ

هيتطمن عن طريق اصحابك ولا لا

فاهمه

وكده بقى

وفالاخر انتى اللى تحددي انتى عايزة ايه
بس انا بفكرك انك فى فترة مراهقه
ومشاعرك بتتغير كل وقت والتاني

وربنا يوفقك يارب انتى وسمسم

[سمسمه النونه العسوله]

شكرا يا مودى على اهتمامك وبنت خالى مش خالتى انت خليت خالى يقلب ولا ايه هههههههههههههه بنت خالى بتشكرك خالص على اهتمامك وهى بتقول ان هى هتعمل كده ان شاء الله اختك الصغيره اوى المن كتر صغرها مش بينه والمراهقه بسمله

[Mr.Mo0ody]

شكرا يا مودى على اهتمامك وبنت خالى مش خالتى انت خليت خالى يقلب ولا ايه هههههههههههههه بنت خالى بتشكرك خالص على اهتمامك وهى بتقول ان هى هتعمل كده ان شاء الله اختك الصغيره اوى المن كتر صغرها مش بينه والمراهقه بسمله

ماتتريقيش عليها قوى كده
ماتحسسنيش انك عندك 30 سنه

وبجد منورانا يا بسمله
وفكرى بدل المرة 1000 واهم حاجه عندك دلوقتى

تركزي فدراستك وبس

وكل حاجه هتيجي بعد كده

وييلا بقي ادخلو نامو الساعه 3.40 دقيقه

علشان تعرفوا تصحوا تذاكرو

وياريت تفضلي معانا بالكافيه على طول