يوميات ميريت وحودا (الحلقه الرابعه)

**~~x×x 7o0odA x×x~~** · 26 - 11 - 2008, 01:33 PM

السلام عليكم ورحمه الله وبركاته

اسف جداا على التاخير

اللى مش متابع

رجعتلكم ومعايا الحلقه الرابعه
ومعايا بلوه ومصيبه جديده من مصايب الست ميريت
يا عينى عليك يا حودااا اهئ اهئ

والله صعبان عليا
يلا ربنا يقويك ويصبرك

نبـــــــــــــــــــــــ ــدأ
بسم الله الرحمن الرحيم

(ميريت)

اه يانى اروح فين واجى منين يا ربى المنتدى بسم الله ما شاء الله كبير جداااااا
اللهم لا حسد يعنى لتكون طيف سامعانى تقول بنق والا بحسد
والواحد مش ناقص يشبك مع حد بقا كفايه كده
والله الواحد تعب من كتر المشاكل عاوز يرتاح شويه
اااااااااه ارتاح شويه ... انا كده عرفت هبدأ منين
امممممممممممممممممم
قسم الافلام العربى
اهو منه اريح اعصابى واتفرجلى على كام فيلم كده
ومنه برده اشوفلى مراقب حلو كده يملى عنيا واشوفلى سكه معاه
يلا استعنا على الشقا بالله
ميريت تاخد جوله صغيره جداا جوه القسم ومفيش اى حاجه عاجباها
وتخرج تقول
ايه التهريج ده افلام ايه وكلام فارغ ايه ومش لاقيه حد موجود... اكيد هرجع تانى اما حد ييجى .
والا حاجه تملى عنيا ... اخ يا خرررررررررابى
احسن تكون انا الى عنيا واسعه اوى ومفيش اى حاجه راضيه تملااها
لالالالالالالالالالالا اكيد العيب مش فيا
طب عندى فكره جميله
انا هبدأ من اول الاقسام خالص ابدأ بالقسم الاسلامى
لالا اسلامى ايه الاستعباط بتاعى ده لا طبعا انا هروح انزل هناك كام موضوع كده يمكن ربنا يهدينى
ميريت داخل القسم
تقابل مين ..........تقابل حودااا
ميريت وبكل ادب واحترام : السلام عليكم ورحمه الله وبركاته .
حودااا وهو مش طايقها : وعليكم السلام ورحمه الله وبركاته .
نعم اى خدمه
ميريت : لالا انا جايه بس انزل موضوعين كده واخرج
حودااا : لا مع السلامه القسم مش واقف يعنى على مواضيعك
: ايه يا جماعه استهدوا كده بالله فى ايه يا ميريت فى ايه يا حودااا
حودااا : لا مفيش حاجه سوء تفاهم كده وهيتحل
بنت الاسلام : يا هلا يا هلا ميريت عندنا فى قسم الاسلامى العام ايه الانوار دى بجد مش مصدقه نفسى
حودااا : لا صدقى للاسف هى بس ميريت خلاص مبقتش نافعه
عماله تمثل روايات على ده وتحب ده وتسيب ده يرضيكى كده يا بنت الاسلام
ميريت هتخلى سمعه المنتدى فى الحضيض لالالالا متسكتيش على كده
انا لو منك اتبرى منها
وفضل حوداااا يسخن فى بنت الاسلام لحد م حصل الاتى
بنت الاسلام : انتى يا بتاعه يا الى اسمك ميريت اطلعى بره القسم مش عاوزه اشوف وشك تانى
انتى جايه تمسحى ذنوبك عندنا لا كفايه بقا لحد كده انا مش هسكت.......... بره
ميريت مشيت وخيبه الامل ركباها وعماله تزعق
ميريت : ماشى يا ست بنت الاسلام انا همشى مع ان مش من حقك فاكره نفسك والا ايه عشان تطردينى ماشى ماشى مع ان انا زيى زيك
هو انت يا حودااا سبب المصايب دى كلها عارفه انك بتغير بس هعمل ايه بقا حقود
بتحقد على العظماء اللى زيى
لازم اى شخص ناجح يكون عنده اعداء احم احم وده طبيعى يعنى
ميريت وهى بتتمشى فى المنتدى قابلت منى رشدى
منى رشدى : اهلا اهلا اهلا اذيك يا ميريت مبروك يا جميل الترقيه وحمد الله على سلامتك
ميريت : انا الحمد لله والله يبارك فيكى
اما بالنسبه لاخبارى فهى زفت
منى: ليه يا جميل مالك بس فى ايه هو الولد حودااا مدايقك قوليلى بس
ميريت: حوداا ايه بس دا طلع حقنه
دا سخن بنت الاسلام عليا وطردونى اشر طردة من القسم الاسلامى
منى : معلش يا ميريت قلبك ابيض
ميريت: خليكى انتى كدة طيبه وعلى نياتك
(دا انا هعمل فيهم عمايل سووووووودة)
وضحكه طويله تمتلئ بالشر
(هاهاهاهاهاهاهاهاهاااااا)
ميريت : ودلوقتى انا همشى بعد اذنك عشان اشوف هعمل ايه .
منى : طيب ماشى روحى انتى عشان معطلكيش
ميريت : دلوقتى حودااا انا نهيت معاه كل حاجه
وشيكو مجتهد جدااا ومش هنسلك مع بعض

الولد مجتهد ووراة مذاكرة وكدة
المهم اروح فين واجى منين ياربى
ميريت ماشية عماله تلف فى المنتدى كدة وكدة
وهى ماشيه افتكرت
ان الجهاز بتاعها ناقص العاب كتير وعاوز يتظبط
وفكرت كدة فى حبة توقيعات كمان تكون حلوه اظهر بيهم بشكل جديد فى المنتدى عشان الكل يبقى بيحبنى
وانا بقا الى اخد الى على مذاجى
فجأة وهى بتفكر
شافت مين
تريكه مشرف الالعاب
يا عينى عليك يا تريكه ... وعلى الى هيجرالك
استر يارب
تريكه : ميريت عامله اية واية الاخبار واخبار حودااا معاكى مش كويسين الحمد لله
ميريت : انا الحمد لله تمام
( وفى عنيها باين ان نيتها مش سليمه )
انما اخبار حوداا فا انا اديته صابونه اصله اتريق عليا لما عرف انى اترقيت بقيت مصراوى جامد
حسيت من ناحيته بالغيرة وهيغير من نشطاتى اللى طبعا الكل شايفه فى المنتدى
قمت عملت اية
سبته انا مقدرش افضل مع واحد مبيحبليش الخير وكمان بيحقد عليا .. وغير كده و كده من اعداء نجاحى
المهم يا تريكه فكك من حودااا
ميريت تتكلم برقه زياده عن اللزوم
(طبعا على غير العاده )
انت اخبارك ايه...
تصدق كنت واحشنى

تريكه : انا الحمد لله
ويكمل حديثه بأستغراب..... وحشتك ازاى يعنى
ميريت : كنت بفكر فيك قبل ما اشوفك على طول
تريكه : بتفكرى فيا انا !!!
تقريبا ميريت لسعت لما هى وحودااا سابوا بعض
( الف سلامه على مخك يا ميريت)
ميريت : اة انت مش مصدقنى
اصلى بدأت احس انى مكنتش بحب حوداا من الاول
ولاقتنى مشدودة ليك بسرعة ومش عارفة اعمل ايه
تريكه :حرام عليكى يا ميريت انا لسة خارج من قصة حب صعبة سيبينى فى حالى .. وحرام برده انك تكونى بتحبينى ازاى .. طب وحوداا .. انا بجد مش عاوز اسببلك جرح
ميريت : حرام عليك لية تكسر قلبين
انا بحبك وانت بتحبنى مش كدة
تريكه : انا مقولتش انى بحبك يا ميريت انا يمكن كان فى اعجاب من ناحيتك بس ده كان من فتره وعدت خلاص
ميريت : وليه منرجعش الفتره دى تانى بجد يا تريكه

انا معنديش اى حاجه تشغلنى عنك والا انت كمان
تريكه : طب توعدينى انك تفضلى جمبى على طول وتستحملينى فى ظروفى
ميريت : انت مش محتاج انى اوعدك الايام هى الى هتثبتلك حُسن نيتى من ناحيتك
(ههههههههه ال اوعدك ال خلاص عبيطه انا )
ومن بعيد مين واقف وسامع الحوااااااااااااار
ســـــــــــــــــــــــو ســــــــــــــــــــــة هانم
قوام نونا قالت لازم اسلم ده حتى واجب يعنى
نونا : اذيكم عاملين ايه
شكلكم كدة فى حاجه
تريكه :تعالى اشهدى على احسن قصة حب هيشوفها المنتدى الايام الجاية
تصدقى انا حسيت انى بحب ميريت مش عارف ليه حسيت الاحساس دة وخفت لاتضيع منى
وخايف اكتر من اللى جاى
ميريت : طول ما احنا مع بعض متخفش من حاجه
ميريت :نونا اللى سمعتية دا سر ماااااااااااشى
مش عاوزة حد يعرف حاجه يا نونا
نونا : لا عيب عليكى سركم فى بير وبير غويط اوى اوى
( بس مسرب على المنتدى كله هاهاهاهاها )

ميريت : طب بعد اذنك يا نونا هنمشى احنا بقا وزى م قولتلك .. دا سر بينا .. باى باى

ميريت تتكلم مع تريكه : تريكه .... انا ممكن اطلب منك طلب
تريكه : طبعا يا ميريت انتى تطلبى الى انتى عاوزاه الا عنيا طبعا عشان اقدر اشوفك بيهم
ميريت وال ايه عامله نفسها مكسوفه

: ممكن يا تريكه تقابلنى النهارده بليل الساعه 9 فى خمسه فرفشه .... بليز لان عندى كلام كتير عاوزه اقوله
تريكه : خلاص يا ميريت ان شاء الله معادنا بليل . ومش هتاخر ...
( واقع واقع يعنى مستعجل على ايه )
ميريت : ماشى يا تريكه وانا هكون هناك من الساعه 4 بانتظارك ... باى باى

وتنتهى لحد كده حلقتنا .. ونقفل لحد كده مع مصايب ميريت
ياترى ايه الى هيحصل بكره بينها وبين تريكه
ياترى هتتعدل وربنا يهديها وتطلع مبتكدبش المره دى
وياترى نونا برده ربنا هيهديها وتحافظ على السر
وياترى تريكه فعلا كان معجب بيها والا كان بياخدها على قد عقلها
كل ده هنعرفه فى الحلقه الجديده
ومعانا اعضاء كتيررررررررررررر
وده طبعا لاسباب هتعرفوها فى الحلقه الجايه .