ماما ( انا بحب )

[شمس الأصيل]

السلام عليكم ورحمة الله وبركاته

أختي الفاضلة ساجدة

والبنات الحلوة كمان

طبعا فكرة الموضوع مهمة جداااااااااا

لكن فيه أساس مهم لو بدأنا بيه مع أولادنا من الأول هيحل مشاكل كتيرة جدا

مفهوم العلاقة بين الولد والبنت

حدودها فين وشكلها لازم يكون ازاي من البداية

من والبنت لسه صغيرة

ماينفعش لما تكبر أبدأ الكلام معاها وأقول ده ينفع وده ماينفعش

وطبعا وقبل كل شئ لازم نعلم بناتنا مفهوم العلاقة بين البنت والولد من خلال الأساس الاسلامي

بالشرح والمناقشة والتفاهم

نيجي بأه لموضوع صداقة الأم لبنتها موضوع مفروغ منه

لو الصداقة دي مش موجودة هنا المشكلة

وان كانت التجربة لا تتعدى حدود النت او التلفون فلتجعلها تخوضها برقابة على كل التفاصيل صغيرة وكبيرة ولتبقى على اتصال تام مع ابنتها ومع الطرف الاخر

لو كانت البنت اتربت على مفهوم العلاقة بين الولد والبنت من الأول صح

هي نفسها هتفكر ألف مرة قبل ما تتجاوب مع أي علاقة على النت أو بره النت

التجربة في حد ذاتها حتى لو كان فيه رقابة فيها خطورة

لكن نرجع للوضع الراهن والأسلوب اللي عايشين بيه في بلادنا العربية

محتاج ان الأم تكون مرنة طبعا وصاحية أربعة وعشرين قيراط

نيجي لكلام البنوتات

نيجب أصحابنا الولاد البيت يذاكروا معانا ولا لأ

همه ممكن يكونوا فاهمين حاجات احنا مش فاهمنها يفهموها لنا

وبعدين مااحنا بنشوفهم كل يوم في الكلية

طيب ليه الموضوع مايبأش في البيت تحت عنين ماما وبابا

الأول ياترى اللي انتي مش فاهماه كل البنات معاكي في دفعتك في قسمك مش فاهمينوه

يعني مفيش ولا بنت ممكن تشرحك الجزء اللي انتي مش فاهماه

أرد مكانك

آه مفيش

لأ مش عارفه يمكن فيه

أصل مش كل البنات في دفعتي أعرفهم

تيجي كده ناخدها بشكل تاني

انتي رايحة حفلة ياترى هتفتحي دولابك تدوري فيه على فستان مناسب

ولا هتروحي مباشرة على دولاب أختك تدوري فيه

بالتأكيد هتفتحي دولابك الأول

لو مالاأتيش اللى انتي عايزاه ساعتها بس هتدوري عند أختك

لازم الأول نفكر خطوة خطوة

طيب مالاأتيش بنت فاهمه وممكن تفهمك

اللي فاهم في الدفعة كلها همه الولاد

يبأى هشوف ولد محترم طبعا ومع مجموعة من البنات معايا هطلب منه انه يشرح لي الدرس

اللي مش فاهماه في حدود التعامل اللي اتربينا عليها في ديننا واللي فهمنا من أهالينا

كده حدود الكلية

نيجي للبيت

ياترى هتكوني على راحتك مع مجموعة بنات وولاد في البيت وانتي بتذاكري

ولا هتكوني بتاخدي بالك من كل تصرف انتي بتعمليه أو أهلك بيعملوه ؟

ولا مافيش فرق بين البنات والولاد في التعامل ؟

اللي ممكن أتصرفه مع بنت زيي ممكن يكون مع ولد؟

مش معقول طبعا

لاحظي في الكلية هتلاقي فيه بعض من الحرص والتكلف في تصرفات البنت أو الولد

لما يجي كل واحد فيهم يعامل التاني

طبعا لو بنت زيك هتكوني طبيعية في تصرفاتك

كمان أهلك في البيت مش هيبقوا قلقين

طيب همه قلقين ليه مااحنا في البيت أدام عنيهم

معنى كده ان يااما..ماما.. يااما.. بابا هيسيبوا اللي وراهم ويعدوا معاكم

أظن المذاكرة هتبأى تجنن ساعتها

ولا هتفهموا حاجة

وهتعملوا حساب كل كلمة وكل تصرف

طيب بابا ولا ماما يفضلوا قاعدين على نفسنا ليه

مااحنا مع بعض في الكلية هو ايه يعني اللي اتغير

اللي اتغير ان الكلية مكان مفتوح عام

كل واحد بيعمل حساب ان مليون عين شيفاه

كمان انتي الرقيبة فيه على نفسك ساعتها هتحسي بمنتهى المسئولية

في البيت مكان محدود محتاج رقيب
والمسئولية اترمت بالكامل على ماما وبابا
لو حصل أي مشكلة هترمي عليهم المسئولية الكاملة وهتنسي انك انتي مسئولة معاهم

وبعدين نرجع لأساس المشكلة

للأسف بيوتنا العربية نسيت ان فيه أصول في الدين الاسلامي

دينا ماسابش جزئية في حياتنا الا ووضعها قوانين

لكن للأسف بدلناه والدنيا اتلخبطت وعشان كده الشباب تايه

والأهل مش عارفين يعملوا ايه

[ساجدة]

بوركتِ اخيتي شمس الاصيل ولا تعقيب على ردك المجزي بإذن الله

[بسام الصواف]

اولا الموضوع جامد جدا وكمان موضوع عصرى لانه بيحصل وبيدق باب اى بيت فيه بنت

انا متفق مع حضرتك فى معظم ارائك

لكن بالنسبة لموضوع ان اختى تجيب اولا يذاكروا معاها فى البيت الموضوع ده ممكن يحصل فى حالة واحدة


على جثتى طبعا


انا خريج جامعة طبعا وفاهم ان مهما حصل لابد يكون فيه اختلاط لكن فى فرق بين بنت عندها استعداد تتكلم فى حدود الدراسة وفى بنت تاخد موضوع الدراسة سبب عشان العلاقة توصل لمجالاات ابعد ( انا لا اقصد اهانة )


وبالنسبة لفكرة ان ممكن يكون ايام الامتحانات سبب للمذاكرة مع اولاد احب اقول انا مثلا اتعرضت لموقف زى ده لكن اللى كنت بعمله انى اتكلم مع بنات زمايلى فى الجامعة مثلا واقولهم ان انا بذاكر بالطريق 1 2 3 والمهم كذا والملغى كذا .................... الى اخره حتى ايام الامتحانات نفسها المفروض كل واحد يذاكر لوحده المجموعة بتساعد على الرغى والتشتيت مش المذاكرة



ده رايى

[m_hilal]

توبيك جميل و مش دايما تجارب الحب بتنتهى بفشل

[ساجدة]

اولا الموضوع جامد جدا وكمان موضوع عصرى لانه بيحصل وبيدق باب اى بيت فيه بنت

انا متفق مع حضرتك فى معظم ارائك

لكن بالنسبة لموضوع ان اختى تجيب اولا يذاكروا معاها فى البيت الموضوع ده ممكن يحصل فى حالة واحدة


على جثتى طبعا


انا خريج جامعة طبعا وفاهم ان مهما حصل لابد يكون فيه اختلاط لكن فى فرق بين بنت عندها استعداد تتكلم فى حدود الدراسة وفى بنت تاخد موضوع الدراسة سبب عشان العلاقة توصل لمجالاات ابعد ( انا لا اقصد اهانة )


وبالنسبة لفكرة ان ممكن يكون ايام الامتحانات سبب للمذاكرة مع اولاد احب اقول انا مثلا اتعرضت لموقف زى ده لكن اللى كنت بعمله انى اتكلم مع بنات زمايلى فى الجامعة مثلا واقولهم ان انا بذاكر بالطريق 1 2 3 والمهم كذا والملغى كذا .................... الى اخره حتى ايام الامتحانات نفسها المفروض كل واحد يذاكر لوحده المجموعة بتساعد على الرغى والتشتيت مش المذاكرة



ده رايى

تسلم عينك ابني
بوركت
وهذا رأيي مثل رأيك اوافقك تماماً

[ساجدة]

توبيك جميل و مش دايما تجارب الحب بتنتهى بفشل

بوركت ابني
تسلم عينك

[شمس]

بصراحة يا مدام ساجدة عندك حق في كل كلمة قلتيها
والمفروض ده يكون واجبنا احنا أولياء الأمور
وبسام قال رد يشكر عليه ونا متفقة معاه
كل لي نقوله ان ربنا يهديهم ويوفقهم
ويبعد عنهم كل شر
بجد موضوع رائع والأروع هو المشاركة لي فيه
تسلميييييييييييييييي

[ساجدة]

بصراحة يا مدام ساجدة عندك حق في كل كلمة قلتيها
والمفروض ده يكون واجبنا احنا أولياء الأمور
وبسام قال رد يشكر عليه ونا متفقة معاه
كل لي نقوله ان ربنا يهديهم ويوفقهم
ويبعد عنهم كل شر
بجد موضوع رائع والأروع هو المشاركة لي فيه
تسلميييييييييييييييي

الغالية شمس
اعجز عن شكرك بما يليق فهل يكفي الدعاء
وفقك الله وزوجك واولادك وكل من تحبين

[ابو تريكه]

طبعا كلامك كله صح

بس الحب كده كده موجود بس لازم تكون الام عارفه

تسلمى وبالتوفيق

[salama10]

اعتقد من وجهة نظرى المتواضعه ان الاستاذه ساجده عندها حق

يعنى ايه فاهمين حاجه انتم مش فاهمينها

مفيش ولا بنت فاهماها!!!!!!! صعب اووووووووووووى