شابين مهيسين وناجحين

[ريماs]

الام : الو

هشام : الو..... ازيك يا طنط عامله ايه

الام : الحمد لله و انته عامل ايه يا ابنى

هشام: تمام الحمد لله ممكن اكلم على

الام : و الله على نايم دلوقتى بس لو فى حاجه ضرورى ممكن اقولهالو .....

و لا تحب اصحيهولك؟؟

هشام : ياريت يا طنط تصحيه معلش يعنى


الام : حاضر يا بنى

يا علىىىىىىىىىىىى يا علىىىىىىىىى كلم صحبك هشام على التليفون

على : حاضر يا امى انا كونت قايم اصلا


على : الو ........... مين معايا

هشام : كونداليزا رايس


على : يا بنت الايه و مال صوتك احلو كده ليه

هشام : يا عم انا هشام انته هاتستظرف على الصبح


على : بس احنا المغرب دلوقتى يا اتش

هشام : تصدق يلا انا جزمه اصلا ان انا اتصلت بيك علشان اقولك انك اتزفت نجحت


على : طيب ما انا عارف


هشام : عارف ايه ..... عارف انك نجحت


على : لا ...عارف انك جزمه tongue.gif


هشام : ايوه يا عم هزر هزر ما هو الناجح يرفع ايدو


على: اشمعنه

هشام : انته هاتخشلى قافيه


على :خلاص يا عم .... المهم التقدير ....هاه التقدير ايه


هشام : مش فاهمك الحقيقه ....ممكن توضحلى النقطه دى


على : بقولك التقدير انا جبت تقدير ايه

هشام : يا عم انته هاتعيش دا انته لولا درجات الرافه كانت بقت تالت سنه ليك فى رابعه


على : يا عم انته هاتزلنى

هشام : عم ايه انته شايفنى واقف تحت بيتكم مشلح الجلابيه و بقول مسكره يا جوافه


على : مكنتش اعرف ياد ان كليتنا بطلع ناس بالمرح و الخفه دى كلها


هشام : يلا معلش عيد الام بقه


على : بلا عيد الام بلا عيد العمال المهم انت عملت ايه


هشام : انا الحمد لله طلعت بجيد


على : و هو احنا عندنا ماده اسمها جيد...لا حول و لا قوه الا بالله ..يلا ربنا معاك يا اتش


هشام : يخرب بيت الزفت الى بتشربو ومطينلك دماغك ده انا جبت تقدير جيد ياض


على : طيب كويس ربنا يوفقك و مقبول من جيد مش هاتفرق


هشام : على رايك


على : هاه هانعمل ايه دلوقتى


هشام : الحقيقه مش عارف ....محتار بين بيض بالبسطرمه و فول بالسجق

على : يا راجل .... مش تقول انك محتار كده

انا اقولك بص انته تعمل عبيط


هشام : خلااااااااااص يا عم انا اسف


على : اسفك مش مقبول .. اسفك جيد جدا

.بس بجد هانعمل ايه بعد ما اخدنا البكالوريوس

هشام : هانبدا بقه رحلت البحث على شغل كويس علشان ناكل عيش


على :و انتو معندكوش عيش فى البيت و لا ايه

هشام :لا معندناش و مين قالك ان احنا معندناش

على : لا ابدا جالى هاتف

هشام : و جبتو على كام


على : لا هو اتمختر و جالى لوحدو

هشام : بس انا بجد مخنوق اوى من حكايه الشغل دى يا على


على : هـــــــه .....يارب


هشام : يارب ياعم .. بس انته عارف الوسايط و الكلام ده مالى البلد


على: تحيا جمهوريه مصر العربيه يا عم

ماتخفش يا عم ربنا هايفرجها انشاء الله

هشام : و الله يا على ان لولا كلامنا و تهريجنا مع بعض فى بلدنا دى كان الحال رسى بينا على حاجتين

يا اما كنا ولعنا فى نفسنا

[نور الايمان 82]

ولا تولعوا فى نفسكم ولا حاجه

خليها عليا انا المرادى

شوفوا حتنزلوا امتى عشان انزل ادور معاكم يمكن ربنا يكرم فى الايام المفترجه دى

دمكم عسل يا ولاد بلدى

[iLWda3]

ودقني اهي ان لقوا شغل.
ميرسي ياجميل على المكالمه الهاتفيه العثل دي.

[love_egy]

تهييس بس تماااااااااااام ياسكره

تقبلي مروري

[سسم]

انا اكترحاجة شدتني ليكي هواسمك هوده بجد

[ياسمين14]

this conversation is beautiiful lodged on tiired you

[قمر الليالى]

ههههههههههههههههههههههههه هههههههههههههه
العيال دية مهيسة لانهم قالو هترسى على حجتين ومقلش غير وحدة

[عاشقة للرومانسية]

كامدة كيك

[مونه]

ههههههههههههههههههههههههه
بارك الله لكى قمرايه

[اميره بلا وطن]

طيب والله فعلا لولا الهزار كنا اتخنقنا وجالنا امراض الدنيا كلها
بس على فكره حوار ظريف اوى
تسلمى