اللى نفسة فى الفراخ بطريقة جديدة يدخل

**سارة محمود ابوزيد** · 24 - 9 - 2009, 06:48 AM

جايبه لكم طريقة جديدة للفراخ انا جربتها

مش عارفه اذا كانت اتعرضت فى المنتدى قبل كدة ولا لا

بس الطريقة فعلا حلوة وجديدة وطعمها تحفة

اول حاجة مقادير دجاجه واحدة:

دجاجة منزوعة الجلدوتقطع الى 8 قطع

يعنى 4 ارباع وكل ربع يقسم نصفين

بعد كدة هاتمسكى كل قطعة مثلا الدبوس على سبيل المثال

وتحاولى تبعدي اللحم عن العظم بدون ان تفصليه تماما

مجرد ابعاد فقط وكذلك اللحم نفسة تحاولى تبعديه عن بعضة يعنى تغرزى فيه

السكين يعنى الدبوس هايكون سليم ومكانه على العظمة ولكن مقطع قليلا عليها

ياريت تكونو فهمتو النقطة هذه
بعد كدةهذه مقادير الخلطة للدجاجة الواحده

-4 بطاطس نيئة

-نصف كوب خل

-ملعقة ملح

-نصف رأس ثوم مقشرة طبعا

وممكن فلفل اسود وشطه حمرا لو بتحبيها حارة

المقادير هذه كلها هاتنضرب فى الخلاط مع بعضها بالترتيب

الاول البطاطس النيئة حتى تلين وتصبح سائلة ثم تضيفى الخل وتضربى ثم الملح

ثم الثوم والشطه لو هاتضيفيها

ثم تنقل لوعاء وتقلب قطع الدجاج بها وتغلغلى الخلطة بين قطع الدجاج كويس وبين اللحم كويس

وتترك فيها لمدة ساعة كاملة

ثم تنشل وتحاولى تصفيها بس مش كتير يعنى تنطريها بس

تاخدى كل قطعة وتحطيها على دقيق وتغطيها بدقيق كمية صغيرة

وتكونى مجهزة زيت غزيرعلى النار وسخن

تضعى الدجاج فيه وتكون النار متوسطةوتتابعيها حتى يتلون وجه باللون الذهبى الغامق

اقلبيها على الوجه الثانىوهكذا حتى تستوى

وبعدها تنشليها وبالهنا والشفا

الطريقة عجبتنى كتير جربوها هاتعجبكم ان شاء الله