انا عندى ازمه ياريت حد يقدر يساعدنى ارجوكم

[رحيل القمر]

انا اول مرة فى حياتى اعيش اللحظات اللى انا بعيشها ديه انا بجد فى ازمه كبيرة اوى اكبر ازمه مريت بيها فى حياتى كلها هيه مشكله مشكله كبيرة اوى محدش هيقدر يحلها غيرى انا
انا مش هقول ايه هيه المشكله يمكن مش هتفهموها مش بقل منكم بس هيه صعبه اوى انا مش عاوزة حل للمشكله حلها عندى
حلها انى اكون اقوى من نفسى اتحدى نفسى مضعفش انا كل ما اجى احس انى هضعف اردد دائما انا قويه انا قويه لعدة مرات بس انا خايفه مش عارفه ازاى ابقى اقوى من نفسى انا بصلى وبكثر من الاستغفار بس مش عارفه اذا كنت هقدر ابقى اقوى من نفسى ومخضعش لنفسى ولا هضعف هوة ممكن افضل اقوى من نفسى ازمتى ازمه عمرى اللى جاى كله لو محلتهاش يبقى عمرى ماهعرف اعيش هوة انا ممكن ابقى اقوى من نفسى ممكن بس ازاى ابقى اقوى من نفسى حد يقولى اعمل ايه عشان مخضعش لنفسى اقسم بالله ان قلبى طول الوقت بيبكى من حزنى على نفسى ومن اللى انا فيه انا تعبت بسبب المشكله ديه نفسيا وجسمنيا حد يقولى ازاى ابقى انا اقوى من نفسى فى ناس كتير فى المنتدى اخواتى وانا حاسه ان حد فيهم هيقدر يساعدنى

[رحيل القمر]

ربى انى لا اسألك رد القضاء ولكنى أسالك اللطف فيه

[شيري العسولة]

مالك بس ياحبيبتى فية اية والله قلقك من كلامك اوى
ان شاء الله تكونى قوية ةتقدرى تحلى اى ازمة بس خدى وقتك فى التفكير علشان مايكونش فى ندم لاقدر الله
وبجد والله مش كلام ياسارة لو فى اى حاجة انا ممكن اقدمهالك ياحبي انا موجوده واظن انتى عارفة طريقى ولو حبيتى تفضفضى او تاخدى رائى انا تحت امرك ياقمر وسرك فى بير والله
وان شاء الله تعدى الازمة دى على خير وتكونى فى احسن حال

[انسان غير كل الناس]

بصي اول حاجه ربنا معاكى و تانى حاجه لو موضوعك ده فى اى قرار انا بقولك استغفرى ربك و صلي صلاة استخاره و قررى

بجد انا لو اعرف اوصلك او اعرف اكلمك انا كنت بجد و قفت معاكى لحد اخر لحظه لان بجد انتى شكلك فى مشكله و ياريت نتكلم و ياريت اعرف اسعدك

و ربنا معاكى يارب
و خدى بالك من نفسك

[عمارطه2009]

ربنا معاكي يا سارة
وأنشالله أزمه وهتعدي وأخرتها خير أن شاء الله

[queen2010]

ربنا يحل ازمتك اية هيا مش عرفة بس يارب مشكلتك تتحل ويارب تكونى اقوى من نفسك وادعى بقلب صافى ان شاء الله ربنا هيستجيب تحياتى queen2010

[أحمد صبحى]

ربنا معاكى

[Dr: Adnan]

تذكري اختي دائما ان الخسارة الوحيدة في هذه الدنيا هي الموت فقط وما سواه كله امر هين ......إلجأي الى الله عزوجل وسوف تجدي الحل بسرعه .اليس الله هو القائل (أمن يجيب المضظر اذا دعاه ) وقال ايضا (ادعوني استجب لكم ) المشكله التي تواجهينها اعتقد انها عاطفيه تخصك انتي وحدك ..لذلك قفي مع نفسك وتذكري مواقف القوة اين هي واتبعيها ..تحياتي لكي وتمنياتي لك بالتوفيق

[iLWda3]

ايه يا ساره فيه !!
بجد قلقتيني عليكي...يارب تكوني بخير يا حبيتي
وتعدي الازمه دي على خير وتفوقي منها
بس اللي هقدر اقولهولك انك تقعدي مع نفسك كده وتفكري بهدوء
وتشوفي انتي عايزه تعملي ايه وادعي ربنا واستغفري
وانشاءالله هتوصلي لحل...وعشان تبقى اقوى من نفسك
اتقربي من ربنا وصلي واقراى قرآن وفكري بعقل.
وحاولي تستشيري حد اكبر منك في مشكلتك دي
وتخليه يساعدك او يقف جمبك
واكيد احنا هنا كلنا تحت امرك حبيبتي ولو عوزتي اي حاجه
اكيد كلنا موجودين
خدي بالك من نفسك
وابقى طمنينا عليكي وربنا معاكي يااارب وتخرجي من اللي انتي فيه

[رحيل القمر]

شكرا ليكم كلكم بس المشكله مش عاطفيه والمشكله مش محتاجه قرار محتاجه انى ابقى اقوى من نفسى هيه ازمه انا عيشاها وربنا يساعدنى بجد انا بحاول على اقد ما اقدر اتقرب من ربنا الازمه اللى انا بمر بيها مينفعش خالص اقولها لاى حد محدش خالص يعرفها انتوا اول حد اتكلم معاة فيهم
يمكن اللى انا عيشاة دة اختبار من ربنا
انا بجد اسفه انى ضايقتكم بكرة عيد كل سنه وانتم طيبين بعتذر منكم وربنا يخليكم ليا وربنا يعنى وافضل اقوى من نفسى
انا بئالى يومين بتحدى نفسى ونجحت فى دة بس يارب اقدر اكمل ومضعفش
صعب اوى ان الواحد يتحدى نفسى
شكرا كتير ليكم ربنا يخليكم ليا