تحياتى لكل اعضاء المنتدى
من فترة كتبت قصيدة ووضعتها فى احد المنتديات
وسرعان ما انتشرت على كل المواقع
فاحببت ان اسمع رايكم فيها

وهى قصيدة( مخلوع بالتلاتة)


الحقينى يا حماتى ****** ***********شوفى بنتك عايزة ايه

عايزه قال تخلع وتمشى*************** وعمرها بتندم عليه

لأ وإيه قالتلى اسكت ****************ولا اخلع نفسى منك

وتبقى مخلوع بالثلاثة ****************وأترحم من تقل دمك

لو عايزنى اعيش معاك*************** يبقى تبعد عنى امك

وتغسلى الهدوم وتنشر*************** وفى الطبيخ ورينى فنك

من البصل عايزاك تدمع************** وتمسح دموعك فى كمك

اما من ناحية جيرانا ***************اوعى مرة تبص ليهم

واللبن والجبنه طبعا**************** قبل ما تنام تشتريهم

والاولاد من الصبح بدرى *************يفطروا وياخدوا فى ايديهم

سندويتش محشى جبنه ***************وبص من الشباك عليهم

ولما يمشوا بالسلامة **************** تتفضل وتروح لشغلك

اوعى يوم تنسى غدانا*************** ولا يوم انا اجى قبلك

يبقى يومك زى شعرك*************** حتى لو كان غصب عنك


يلا عايز اسمع آراءكم

تحياتى حليم