مهو احنا لو هنمشي بالمبدأ ده يبقى الرد البديهي على موضوع انجازات مبارك كالتالي ..ايه مسئولية مبارك عن ضحايا حوادث الطرق فى مصر وكمان عن ضحايا الانهيارات العقارية المتكررة فى مصر وعن ضحايا حادث انهيار صخرة الدويقة ايه مسئولية مبارك بالظبط فيها
يا ترى ايه دخل البيه بسلامته في مترو الانفاق ؟؟ كان امتياز اجنبي و بعد ما مدة الانتفاع خلصت بقى من حق الدولة ..
ايه علاقته بـ مستشفى سرطان الاطفال ؟؟ ده كله من تبرعات الغلابة ..
ايه الانجاز اللي عمله في تطوير المطار ؟؟ .. جابلهم اسمنت و جبس على حسابه مثلا ؟؟
ايه الانجاز اللي عمله مبارك لما جسر اتبنى بأسمه ؟؟ كان واقف على سئالة و بيمحر الكوبري ؟؟
و بعدين هو معاليك مبتقراش جرايد ؟؟
المليارات اللي عنده دي جابها منيين ؟؟ كسبها في كيس شبسي ؟؟