مسلسل يوميات فى الجامعه2008 (الحلقه الاخيره )

السلام عليكم ورحمه الله وبركاته
لو مش متابع خش شوف حصل ايه قبل كده
الجزء الاول
الجزء التانى
الجزء التالت
الجزء الرابع
الجزء الخامس
الجزء السادس
الجزء السابع
الجزء التامن
الحلقه التاسعه
الحلقه العاشره والاخيره
بعد ما اسلام وشيكو قدروا يهربوا من شوشو ولسه محدش يعرف حودا راح فين
وبعد ما اسلام وشيكو راحوا ودخلوا غرفه شوشو كان شوشو لسه بيتفق مع الراجل
شيكو : تعال ندور على اى حاجه ضده
اسلام : استنه هنا الراجل ده بيقولك ان حودا كان واقف مع شوشو قبل كده واخد منه كارت
شيكو : وفيها ايه اكيد عايز يتعرف عليه ولا حاجه
اسلام : يا سلام
شيكو : ياعم دور بس معايا وبعدين هتلاقى حودا داخل علينا دلوقتى
وبعد فتره من البحث عن اى شئ ضد شوشو
اسلام : شيكو تعال فيه اوراق موجود هنا
شيكو : فين .... تمام هاتها بقى نقراها ونشوف فيها ايه
وبعد قراءه الورق
شيكو : تمام اووى الورق ده فيه حجات ضده
اسلام : يا سلام ولو فيه حجات ضده هيسيبها كده للى رايح والى جاى
شيكو : ومين اصلا يقدر يدخل هنا غيره هو
اسلام : ما احنا دلخنا بكل سهوله اهو
شيكو : لا احنا دخلنا لما عامل الاستعلامات شاف حودا واقف مع شوشو ففكر ان احنا نعرفه
اسلام : تعال نروح الغرفه بتاعتنا قبل ما شوشو يجى
وراحوا على الغرفه ونزل اسلام علشان يودى المفاتيح لعامله الاستعلامات
اسلام : بقولك ايه يااااا لما روحنا غرفه شوشو ملقناش فيها الحاجه الى عايزها شوشو فروحنا ندور عليها فى غرفتنا لقناها هناك فياريت متقولش لشوشو ان احنا اخدنا مفاتيحه
ساره : ماشى ياباشا المهم انكوا لقيتوا الى بتدوروا عليه
اسلام : اه الحمد لله لقناه وهنوديه السجن ان شاء الله
ساره : سجن ايه
اسلام : ايه .. سجن ايه ياعم انا بهزر
وسابها اسلام وراح على غرفتهم
اسلام : يا شيكوووو
شيكو : نعم ياعم
اسلام : حودا ده طلع ازكى مننا كلنا
شيكو : هههههههه انت سخن ولا حاجه
اسلام : يابنى اسمع .. حودا اتفق مع شوشو انه يشترك معاه وعلشان منشكش فيه راح عامل حركه دى مع شوشو
شيكو : حركه ايه ؟؟
اسلام : ان السواق بتاع شوشو يجرى ورانا وهو يهرب من طريق واحنا من طريق وبكده يبان قدامنا انه تاه
شيكو : لالا ياعم حودا ميعملش كده
اسلام : لا يعمل اكتر من كده
شيكو : وبعدين هنعمل ايه
اسلام : نروح للعميد ونقوله على الى حصل ونديله الورق
شيكو : يلا بينا
وراحوا على العميد
اسلام : ازيك يا حضره العميد
مودى : اهلا يا شباب ايه الاخبار
شيكو : معانا ورق يودى شوشو السجن
مودى : ايه!!! بجد؟؟؟
اسلام : واحنا من امته بنهزر معاك ياعم انت ؟؟
مودى بتقول ايه ؟
اسلام : بهزر والله يافندم اصلى بقلد حودا
مودى : صحيح هو فين حودا
شيكو : حودا تاه مننا لما شوشو ورجالته كانوا عايزين يمسكنوا
اسلام : لالالا حودا اتفق مع شوشو انه يهرب معاه اثار وعمل الحكايه دى علشان منشكش فيه
مودى : لا اصبروا احتمال يكون تاه فعلا ... هوا بقاله كام ساعه تايه
شيكو : تقريبا نص ساعه
العميد : اصبروا كمان نص ساعه يمكن يرجع ... الساعه دلوقتى 8 ونص لما تيجى 9 ومجاش نودى الورق ده للبوليس ونقوله انه على حودا كمان
اسلام : ماشى احنا دلوقتى هنروح على الغرفه بتاعتنا
وراحوا على الغرفه ينتظروا رجوع حودا
وبعد نص ساعه
اسلام : كده عدت النص ساعه
شيكو : ياعم اصبر شويه
وبعد ساعه .. الباب خبط
شيكو : اخير حودا وصل انا رايح افتح
وفتح الباب وفعلا حودا الى كان بيخبط
حودا : ثلامو عليكو
اسلام : اهلا
حودا : ايه المقابله الناثفه دى
شيكو : كنت فين يا حودا
حودا : اثكت دا انا ثوفت يوم اطول من الثنه الثوده
اسلام : احكى
حودا : اثمع يا سيدى .. انا فضلت اجرى اجرى اجرى لحد ما لقيت طريق وفيه اتوبيث جاى رحت راكب فيه ثويه لقيت مكان فاضى رحت قاعد لقيت راجل كبير جمبى فقولت ......وبدا حودا يحكيلهم الحكايه
هو دلوقتى فى الاتوبيس وقعد جمب الراجل
حودا : ثلامو عليكو
الراجل : مساء النور
حودا : لالا انا بقول ثلامو عليكوا
الراجل : وانا بقول مساء الخير
حودا : طيب ثباح النور
الراجل : وعليكم السلام
حودا : لا ياراجل !!! على فكره انت عندك حاجه غلط
الراجل : وايه دلوقتى صح يابنى
حودا : عندك حق والله دا حتى الاتوبيث ده ماثى غلط .......
اسلام وهو بيخبط حودا على كتفه: لالا فكره جميله
حودا : ايه ياعم ثيبنى اكمل
اسلام : تكمل ايه يا عم مخلاص اتكشفت
شيكو : ايه يا اسلام ما حودا قالك هو كان فين
اسلام : وانت بردوا بتصدق الكلام ده
حودا : فيه ايه مالكوا بتقولوا كلام مث فاهمه ليه
اسلام : انت اتفقت مع شوشو على انك تشتغل معاه صح
حودا : ايه الى انت بتقوله ده لا طبعا مث ثح
شيكو : امال ليه كنت واقف مع شوشو وبتاخد منه كرت
حودا : ده قبل ما اعرف انه ثغال فى الاثار قولت اروح اتعرف عليه يمكن يثاعدنى لما اتخرج واثوف ثغلانه بدل ما انا لثه باخد المثروف من ابويا وانا فى الثن ده
اسلام : المفرض انى اعيط صح
حودا : لا مث تعيط على الاقل تثدق .. وانت يا شيكوو يا ثديق عمرى تثك فيا فى لحظه
شيكو : ما انت ....
حودا : خلاص متتكلمث كده بانت
اسلام : انا مش عارف اصدق
حودا : اثبتلكوا بايه انى معملتث حاجه
شيكو : طيب انت جيت ازاى
حودا : ما هو لما انا اضربت
اسلام : اضرب ؟
حودا : اه ونزلت ركبت تاكسى فضل يلف بيا لحد ما جينا هنا
اسلام : تمام .....احنا لقينا اورق ضد شوشو وودناه للعميد والعميد هيوديه للبوليث
حودا : تمام بث بثرعه علثان يقبضوا عليه
اسلام : تعالوا نروح للعميد
وراحوا للعميد
مودى : اهلا يا ولاد على فكره انا وديت الورق للبوليس دلوقتى
اسلام : قبل ما تعرف ان حودا مظلوم ولا لاء
مودى : انا عارف ان حودا مظلوم ومش هيعمل حاجه زى كده
حودا : ربنا يخليك ياعم بث انت عرفت منين مكان البوليث
مودى : ركبت تاكسى وقولتله ودينى على البوليس مش صعبه يعنى
شيكو : وقالوا ايه
مودى : الظابط كان مبسوط جدا بالورق وقال انهم يعروفوا انه مهرب اثار بس مكنش موجود دليل عليه
اسلام : ايه ده شوشو راجع هناك اهه
شيكو : اه ده هو تعالوا نروح للبوليس
العميد : البوليس هناك اهه الظاهر كانوا مرقبينه
اسلام : اخيرا هيقبضوا عليه
وفعلا تم القبض على شوشو وهو فى غرفته
البوليس اخد شوشو وهما نازلين من السلالم بتاع الفندق راح حودا عليه
اسلام : خد يا حودا رايح فين
حودا وصل عند شوشو
حودا : رجل الاعمال شوشو ازيك ياباشا ..... كنت مفكرك رجل اعمال محترم تقدر تثاعدنى بس للاثف .. خد ده الكارت بتاعك مث محتاجه
وراح شوشو مع البوليس
وحودا بيرجع لمودى وشيكو واسلام وهو بيعبر الشارع جات عربيه خبطته
وفجاه فى غرفه صغيره وعلى سرير صغير وقع حودا من عليه
حودا : ايه ده ياساتر يارب ... يالهوى حلم ده ولا كابوس ومين شيكو واسلام ومودى والجامعه ومين شوشو ده كمان وتهريب اثار وايه حكايه السين الى كل شويه تروح وتيجى دى ... انا اساسا مبروحش الجامعه اساسا واروح جامعه ايه الهبل ده
يااااااااااااه كل ده حلم الله يخربيتك يا مسعد يا صاحبى قولتلك بلاش ناكل كوارع الساعه 2 بلليل
والدت حودا من وراء الباب : يا حودا يا حبيبى
حودا: ياما بلاش حكايه حبيبى دى ابويا هيزعل
والدت حودا : يلا يابنى الامتحان بدا من نص ساعه وانت متاخر كده
حودا : امتحاااااااااااااان ايه انا عايز ارووووووووووح الحماااااااااااااااام
وبكده يكون انتهى المسلسل
اتمنى انه يكون عجبكم