مسلسل يوميات فى الجامعه 2008

[x×x 7o0odA x×x]

هاااى عليكوا يا احلى اعضاء
انا جبت مسلسل جديد يارب يعجبكم
اعرفكم بالشخصيات الاول
حودا: طالب فى الجامعه
شيكو: طالب فى الجامعه
نونا: طالبه فى الجامعه
ميريت: طالبه فى الجامعه
مستر مودى : عميد الكليه
تريكه: دكتور فى الكليه
انجى: دكتوره فى الجامعه
اسلام(مصرى ولو قتلونى): عامل فى الكافيتريا الجامعه وبواب (اوعه تزعل يا مان لو مش عاجبك هغير الشخصيه)
ونبدا مع اول جزء فى المسلسل
فى اول يوم من العام الدراسى وفى فناء الكليه وبما ان مستر مودى عميد الكليه دار هذا الحوار بينه وبين الطلاب
مستر مودى : احبائى طلاب الجامعه مرحبا بكم فى اول ايام العام الدراسى الجديد اتمنى ان يكون عام سعيد على الجميع
حودا بصوت واطى جداا : لخص ياعم انا عايز ادخل الحمام
مستر مودى : الطلاب الى فى سنه اولى ياريت يتعرفوا على بعض ويتعرفوا على الجامعه كويس
حودا : ابوس ايدك الشمس اكلت وشى يلا لخص الحوار انت بتعذبنا ولا ايه
مستر مودى : دلوقتى هتروحوا على محاضرتكم واتمنى ليكم سنه سعيده
حودا : وربنا لهنروح بس انت لخص حوارك
شيكو : يلا علشان نحضر المحاضره
دخلوا المحاضره وبعدين دخل الدكتور تريكه
حودا بيتكلم مع شيكو : عايز ادخل الحمام مش قادر دقيقتين واعملها على روحى
شيكو : يابنى استحمل كلها 3 او 4 ساعات
حودا بصوت عالى جداااا: ايه 3 او 4 ساعات لالالالالالالالالالالالا انا لازم ادخل الحمام
تريكه : انت يابنى ايه صوتك عالى ليه
حودا : انا عايز اروح ..... ولو مرحتش مش هيبقى كويس على صحتكم
تريكه : تروح فين يابنى
حودا : على فكره مش لازم تعرف سيبنى وانا اروح لوحدى
تريكه: طيب تعال معايا اوديك للعميد
الدكتور تريكه اخد حودا وراحوا للعميد ودار هذا الحوار

تريكه: ياحضره العميد الطالب ده من ساعه ما دخل المحاضره وهو عامل شغب من اول يوم
مستر مودى : روح يا اسلام شوف محاضرتك
تريكه : حاضر ياحضره العميد
مستر مودى : ايه يابنى عامل مشاكل ليه
حودا : حضرتك انا لما يعنى وبعدين قمت وروحت وقولتله كتير وهو يعنى مش راضى وانا فضلت وبعدين كده
مستر مودى : ايه يابنى مش فاهم منك حاجه
حودا : حضرتك لو يعنى وركزت والله هتفهم يعنى وان شاء الله خلاص
مستر مودى: روح على المحاضره بتاعتك انا مش فاهم منك حاجه
حودا وهو خارج : ايه الراجل ده شكله مبيفهمش عربى
اثناء المحاضره دخل حودا بدون اذن
تريكه : انت ياحيوان ايه ده انت داخل فين
حودا : داخل المحاضره يادكتور
تريكه : والى يدخل محاضره يدخل بالطريقه دى امشى اطع بره
حودا : اروح فين حضرتك
تريكه : امشى اطلع بره مش هتحضر المحاضره دى
وخرج حودا من المحاضره وراح على الحمام وبعدين راح على الكافيتريا
حودا : انت يالى هنا عايز اشرب حاجه
اسلام : ايه ياعم انت ايه الدوشه دى انت فاكر نفسك فى مدرسه ولا ايه
حودا : وبعدين بقى فى اليوم ده بص ياعم انا عايز شاى فيه ؟
اسلام : للاسف فيه شاى
حودا : طيب روح هات قهوه وياريت تكون سكر خفيف وعلى الريحه وسكر تقيل
اسلام : وده اسمه ايه ده القهوه ياسكر تقيل يا سكر خفيف
حودا : هات اى حاجه وخلى يومك يعدى على خير
اثناء تجهيز الطلب كانت المحاضره خلصت و شيكو وميريت ونونا راحوا لحودا
نونا : ايه الى انت عملته ده
حودا : عملت ايه ؟
ميريت : صوتك كان عالى جدا علشان كده الدكتور طردك من المحاضره
حودا : ياجماعه الى حصل بقى هعمل ايه يعنى
شيكو : ها دخلت الحمام ولا عملتها على روحك
حودا : ليه شايفنى عيل صغير احترم نفسك فيه آنسات سامعينك
شيكو :ياعم انت كنت هتعيط من شويه
اسلام : خد ياعم الشاى بتاعك
حودا : ايه ده الشاى ده مش على الريحه
اسلام :هو فيه شاى على الريحه ....... انت يااااد اشرب وانت ساكت والله لو اتكلمت تانى لهضربك
وسابه حودا علشان يشوف شغله
حودا : ايه الراجل ده دراعه فى وشه وكتفه فى قفاه بنى ادم غريب
شيكو : وطى صوتك لو سمعك مش هتطلع من تحت ايده سليم انت مش شايف جسمه
ميريت : انا لازم امشى دلوقتى
نونا : اه وانا كمان خدينى ومعاكى
شيكو : خلاص نشوفكم بكره
حودا : مع السلامه
وحودا خلص شرب الشاى ومشى هو وشيكو علشان يروحوا وعلى البوابه
حودا: ايه ده مش ده بتاع الكافيتريا ايه الى مقعده على البوابه
شيكو : زمانه البواب ياعم
حودا : بواب وشغال فى كافيتريا ربنا يعينه
اسلام : بتقول ايه يابنى انت وهو
شيكو : مفيش مبنقولش حاجه
اسلام : لا انا سامعك بتقول اسمى
حودا : ايه عايز ايه اه بنجيب اسمك فيه حاجه
اسلام : وبتقولوا اسمى ليه
حودا: على اساس ان اسمك محرم دوليا مش كده
وفى اثناء المشاجره كان يمر مستر مودى وسمع الحوار
مستر مودى : فى ايه انت وهوا
اسلام : يافندم الاتنين دول وهما ماشيين كانوا بيقولوا اسمى وكانوا بيشتمونى
حودا : لالالالالالا كذاب
مستر مودى : انت مش الواد الى مكنش عارف يتكلم
حودا : لا حضرتك انا كنت متوتر شويه
شيكو : خلاص يا حضره العميد مفيش حاجه حصلت
حودا : اه هو سوء تفاهم
اسلام بصوت واطى : ناس تخاف متختشيش
مستر مودى : خلاص يلا كل واحد يروح على بيته
اسلام : خلاص يافندم اتفضل انت وهما هيمشوا دلوقتى
شيكو : يلا يا حودا مش عايزين مشاكل
ولما اسلام مشى وسابهم
حودا : بقولك ايه يا اسلام انا بقى طول ما هعدى هنا هقول اسمك
شيكو : اسكت يا حودا بدل ما يضربك
حودا : اسكت يا شيكو انا هوريه .... وحودا واسلام بدأو ضرب فى بعض
وحصلت مشكله كبيره فى اول ايام الدراسه
ونكمل فى الجزء التانى ونشوف ايه الى حصل فى المشكله

اتمنى الجزء الاول يكون عجبكم علشان اكمل بقي الاجزاء

[jewel_lowis]

لاء حلوه كمل
فى الانتظار

بس عندى سؤال
هو تريكه غير اسمه من مصطفى لاسلام
ولا دى غلطه مطبعيه

[Young DeviL]

انا برده حسيت نفس الاحساس ما علينا تسلم ايدك يا حودا ومستنينك اهو

[-Nona-]

جامده يا حودا بس ابقى اعمل حمام فى بيتكم بعد كده
منتظره الجزء التانى

[x×x 7o0odA x×x]

لاء حلوه كمل
فى الانتظار

بس عندى سؤال
هو تريكه غير اسمه من مصطفى لاسلام
ولا دى غلطه مطبعيه

لا يا انجى اسلام ده اللى هو مصرى لو قتلونى وهو عامل فى الكافتيريهه دى احداث تانى

[x×x 7o0odA x×x]

لاء حلوه كمل
فى الانتظار

بس عندى سؤال
هو تريكه غير اسمه من مصطفى لاسلام
ولا دى غلطه مطبعيه

شكرا لمرورك يا انجى

[x×x 7o0odA x×x]

انا برده حسيت نفس الاحساس ما علينا تسلم ايدك يا حودا ومستنينك اهو

مرسى يا ساره
وشكرا لمرورك العسل

[x×x 7o0odA x×x]

جامده يا حودا بس ابقى اعمل حمام فى بيتكم بعد كده
منتظره الجزء التانى

ثانكس نونا وشكرا لمرورك
نورتى المسلسل والله

[-love-]

واللهى انت عثل
وتوبيك روعه و مستيه بقيت الحلقات

[x×x 7o0odA x×x]

واللهى انت عثل
وتوبيك روعه و مستيه بقيت الحلقات

ربنا يخليكى يا جميل
وشكرا لمرورك العسل