الموضوع دا لكل مبقووووق و مبقوووقة متزوج ومتزوجة http://haridy.com/ib/images/smilies/giveup.gif
او موشكيين على الوقوع فى احمق قرار فى رايى http://haridy.com/ib/images/smilies/shutup22.gif
و اظرف قرار بردوا لا يبندجونا يابووى http://haridy.com/ib/images/smilies/mpr0000.gif
و خلاص هاين عليهم كل واحد يبج بطن التانى تطلع الكيلو قدام بالدم يا سكينة http://haridy.com/ib/images/smilies/...ones_nose2.gif لان رشا ووائل بعد قصة الحب الشنيعة المريعة الفزيعة اللى سقط ضحيتها الاب و الام و المأذون ذات نفسه شكلها انتهت و قطعت النفس و مبقاش نافع معاها لا انعاش و لا اى شيىء لانه مات موت جامد خالصhttp://haridy.com/ib/images/smilies/vava.gif
بس ايييييه سبحان الله يحيى العظام و هى رميييم و الله جاب الله خد الله عليه العوضhttp://haridy.com/ib/images/smilies/sheikh.gif
و العوض اوقات كتير يبقى بين ادينا بس مش حاسيين بيه
العوض يبقى قصاد عنينا من قبل الفقد حتى و بردو مبنشوفوش معلهش
اصل الحياة توهة و متاهة بعيد عنكم
بس اهو يمكن اما نفضى المتاهة ع الورق
و نوسع المسافات
و ننفض الغبار من على كل دايرة
و نسلك المتشابك
المتاهة تبقى سهلة و منبقاش عمالين نلف فيها حوالين نفسنا وبس !
معظم مشاكل الحياة الزوجية بتبقى فى الاصل حاجات صغيرة و بسيطة انما لاننا مجتمع مبيحبش المصارحة و نعانى من عدم نضج عاطفى لمراحل متأخرة فى حياتنا بنفضل ساكتين على المشكلة الصغيرة دى لحد ما تتفاقم و تفرقع فوشنا و تبقى فوق طاقة احتمالنا
دا مبيبقاش كده بس دا صبرنا عليها بياخد جزء من الجوانب الايجابية التانية اللى المفروض تبقى الحتة الحلوة فى علاقتنا ببعض فتلاقى اننا مش مضايقيين من المشكلة و بس
لاء احنا كمان خسرنا حاجة كانت بتحلى اوقاتنا و احنا فاكريين اننا متحمليين مشكلة و ناس بتضحى و شهدا بقى وكده
فى حين اننا عملنا زى اللى جه يكحل عين قام خزق الاتنينhttp://haridy.com/ib/images/smilies/11azy.gif
ف فكرت انى اتعرض لبعض سمات المشاكل الاساسية فى بيوتنا وبجانبها شوية تحابيش من المشاكل الصغننة و نشوف ايه الممكن نعمله عشان نقدر نحل جزء من المشكلات دى اونتعايش برضا اذا لم نتمكن من التغيير من باب ان نص العمى و لا العمى كلهhttp://haridy.com/ib/images/smilies/don-t_mention.gif
على فكرة انا بتعرض لمشكلات دايما زيى زى الناس كلها مبقولش انى فلتة عصرى و عايشة فى جنة لونها بمبى و فى فراشات بتطلع نور و السلم الموسيقى طالع يرن من حواليه
يمكن اكون اخيب م الخيبة انما بردو دا ميمنعش انى اشك انى عندى شوية عقل حلوين يمكنونى من عرض المشاكل بحيادية كل ده بالرغم من موقفى العدائى المعروف من الرجالة و الله انا طيبة فعلا !!http://haridy.com/ib/images/smilies/image5.gif http://haridy.com/ib/images/smilies/image5.gif
