http://www.boswtol.com/mastaba/images/224/kamar_01.jpg
بصراحة ومن غير مقدمات طويلة انا حبيت اجبلكم شوية معلومات خفيفة كده
عن اختيارك لهدوم البيت
تعالوا نشوف مع بعض
قبل ما تشتري هدوم البيت خدي بالك
http://www.boswtol.com/mastaba/images/224/kamar_02.jpg
قبل ما نتكلم عن الموضة عايزاكي تاخدي بالك من شوية الحاجات البسيطة دي وهي...
1. إنك وأنت بتختاري هدوم البيت إنك تجيبيها واسعة شوية وده لسببين: السبب الأول إن بعض الأقمشة لما بتتغسل النسيج بتاعها بيكشّ وبتلاقيها بقت صغيرة.. السبب التاني إن هدوم البيت لما بتكون واسعة بتخليكي تتحركي براحتك في البيت.
2. حاولي إنك تنوّعي في نوعية الملابس اللي بتشتريها للبيت، وده علشان ما تحسيش بالملل بسرعة خصوصا لو كنتِ من الناس اللي بتقعد في البيت لفترات طويلة.. يعني من الآخر كده: لازم تكون هدومك متنوعة بين "جلابية" و"بيجامة" و"ترنج".
3. بلاش تلبسي ألوان غامقة وإنت قاعدة في البيت وحاولي على قدّ ما تقدري إن معظم هدومك في البيت تكون ألوانها فاتحة؛ وده لأن الألوان الغامقة بتدي إحساس بالكآبة على عكس الألوان الفاتحة اللي بتدّي إحساس بالمرح والحيوية داخل المنزل.
4. لو كنتِ من الناس اللي جلدها حساس وعندها حساسية من الأقمشة الصوف أو القطيفة يبقى ممكن تلبسي ملابس قطنية خفيفة تحت ملابسك اللي هتلبسيها وأهو منها تدفيكي وفي نفس الوقت تكون بمثابة عازل بين جلدك وهدومك وتقدري تلبسي اللي إنت عايزاه من غير ما تتضايقي.
اتكلمنا كتير صح؟!
ماتخافيش دلوقتي حالا هنتعرف على الموضة
• بالنسبة للخامات:
هتلاقي إن "الصوف" و"القطيفة" و"الكستور" و"الموهير" من أكتر الخامات اللي ممكن تديكي إحساس بالدفء في الشتاء.
• بالنسبة للتصميمات والأشكال:
فيه تصميمات وأشكال كتير قوي فهتلاقي:
http://www.boswtol.com/mastaba/images/224/kamar_03.jpg
الجلابية الكروهات والبيجامة الكروهات هما الموضة في شتاء 2009
http://http//www.boswtol.com/mastaba...4/kamar_04.jpg
كمان الجلابية القطيفة السادة بألوانها المتعددة موضة
http://www.boswtol.com/mastaba/images/224/kamar_05.jpg
الترينجات القطيفة متربعة على عرش الموضة في كل شتاء
http://www.boswtol.com/mastaba/images/224/kamar_07.jpg
والبيجامة اللي فيها رسومات بسيطة هي كمان موضة
لو كانت الدنيا برد قوي يبقى لازم يكون عندك:
http://www.boswtol.com/mastaba/images/224/kamar_08.jpg
روب طويل قطيفة أو روب قماش علشان تلبسيه على الترنج أو البيجامة أو الجلابية وإنت قاعدة في البيت
http://www.boswtol.com/mastaba/images/224/kamar_09.jpg
شال صوف تحطيه على كتفك وإنت قاعدة بتتفرجي على التليفزيون في الشتاء
لو عايزة تدلعي نفسك
لو كنت عايزة تدلعي نفسك في الشتاء وفي نفس الوقت تدفي نفسك يبقى لازم يكون عندك شباشب شتوية زي دي تلبسيها وإنت قاعدة في البيت... وعلى فكرة الشباشب دي سهلة التنظيف كل اللي عليكي إنك تغسليها في مية مضاف إليها أي مسحوق غسيل وهي هتنظف وهتبقى زي الفل.
http://www.boswtol.com/mastaba/images/224/kamar_10.jpg
