ومابين الاحمر والاسود
http://4.bp.blogspot.com/_fTJQGEbjES...0/IMG0167A.jpg
وما بين الأحمر والأسود
قلب الغلبان .
والنسر اللابد على قوته
أصبح تعبان
بيحاوط حلمه وأفكاره
وبيرمي همومه على النسيان !!
وما بين الأحمر والأسود
كان حلمي زمان ..
أيام مدرستي
والنجمة الحمرا فـ كراستي
إني أبقي أديب
أو حتى أكون ...
وسط اصحابي
وأنا بلعب وياهم بالدوم
يتقال لعيب
مش عارف ليه ؟!
كل ما بكبر..
أحلامي تخيب ؟!!
كان ياما كان
كان عندي أحلام بالهبل
كان أصغر الأحلام ما بينهم
أعلى من قمة علم
كان ياما كان
كام حلم مات ….
من غير كفن ؟
كام حلم مات عافية ؟
كام حلم مات م الخوف
وجنب أصحابه إندفن ؟
كان ياما كان
كان في زمان إنسان غبي
كان فاكر إنه عشان بيستحمل عذاب
يبقى نبي !!
كان ياما كان
كان في زمان إنسان ذكي
باع المبادئ قال نعم
خلوه نبي !!!
