المنجؤنة البورسعيدى وصلت يا بنـــــــــــــــــــــــ ـــــــــــــات
السلام عليكم ورحمة الله وبركاتة
حبيت اقولكم من بدرى مقادير المنجؤنة البورسعيدى علشان اللى يحب يجرب فى كيلو يبقى قدامة وقت علشان تظبط معاة
اولا المقادير
كيلو دقيق حلويات طبعا +ذرة ملح
2 بيضة + فانليا + نقطة خل
كوب سكر
كوب زيت او ( 1/2 كوب زيت و 1/2 كوب سمنة )
1 زبادى كبير
كيس خميرة فورية
كيس بيكنج بودر او ملعقة محسن لو متوفر
ماء دافىء للعجن او لبن للى يحب
ثانيا بقى الطريقة
بصوا بقى يا بنات اهم حاجة كل المقادير تكون فى درجة حرارة المطبخ يعنى ماتكونش طالعة من التلاجة ودة شىء مهم جدا
حننخل الدقيق وعلية ذرة ملح والخميرة الفورية وكيس بيكنج باودر
وحانضرب البيض والفانليا والزيت والزبادى فى الخلاط او بامضرب السلك لغاية ماتبقى زى الكريمة
حنعم حفرة فى قلب الدقيق وطبعا اللى حابب يضيف زبيب يحطة الاول مع الدقيق وبعدين نبداء نعجن بالخليط السابق والماية الدافية زى ماتحتاج العجينة
لغاية العجينة ماتسيب ايدينا وتسيب الطبق طبعا
ندهن الترابيزة شوية زيت خفيف وننزل العجينة ونعجن تانى لغاية ناتحسيها بتمط وتلمع
حتدهنى الطبق تانى شوية زيت وتحطى العجينة
وتغطيها كويس وتسيبيها فى مكان دافىء من 4 اى 6 ساعات
وبعدين تبدئى تشكليها بقى زى ما انتى عايزة
وتدهنى الساجات كويس وتحطيها فى اكياس بلاستيك نضيفة وتسيبيها تخمر تانى حوالى ساعتين
وبعدين تسخنى الفرن كويس
وتدهنى الوش طبعا بالبيض واللبن وممكن رشة سكر وقرفة
وتخبزيها
عى فكرة كمان ممكن ماتضيفوش ازبيب مع اعجينة وتحشو بية مع السكر والقرفة
وممكن عجوة او شيكولاتة
ان شاء الله تجربوها وتعجبكم وتدعولى
