قلبى على قلبك نخلق حمامة وطير
ونطير انا وانتى .. نطير
حبيت ابكى فوق انامل قسوتك
ملقيتش ليها مكان
حبيت اكون تاجك ونبراسك
حبيت اكون لعنيكى امان
ملقيتش ليا مكان
انا اللى عاشق
انا اللى دايب فى رموشك
انا اللى مزروع على صدرك دفا والحان
انا الولهان
انا اللى بيحبك كطير هيمان
كيف اقولِّك بحبِّك ؟
http://up.g4z4.com/uploads/8b58b09e1f.jpg
وانا اللي فعلا بحبك بس مش طايق ..
تبقي انتي ويّايا ف سفينة حبنا الطارح ورق اخضر..
وريحة البحر الوحيدة اللي تدوّخ رِقِتِك
تنزل عنيكي من الكسوف واللى فيها يبان
خايفة لاشوف في عنيكي حاجة من اللي جوّا
وإيدك المرمر على رجلك ليِتْشَاقَى الهوا من فرحته يخطف طراطيف الجونلّة ..
بضحكة هالّلة
محمّلة براكين وشوق ..
ومخطّية كل الشقوق ..
ويادوب افوق ..
القى السفينة بتمشي بينا تهزنا ..والقاني مش سايق..
فارجع كما الاول .. نفسي اقولك بحبك .. بس مش طايق ..
الاربع اللي فات
صِحْيِت حيطان البيت م الفجر صَحِّتْني ..
كان القمر كسلان والصبح معرفنيش
عيِّل ماليه الطيش ..
بجري على ميعادك ..
وانا جاي في قلبي حكاوي
ولما تمشي... بلاوي ف جِتِّتي قايدة
حاولت احاول اقولها رجعت بلا فايدة
حسيت بإيدِك ونفسِك وصدرِك غيَّروا لوني
نعسان يا جِفْنِك ..
كما شلال وكوم حبال دَلُّوني وعَلّوني
لِسَّاني شَعري اسود
ودراعي قادر يشِيلك
بس العِلَل في الوطن هما اللي علُّوني
كان نفسي اقولك بحبك
خفت اكون كداب يا ام الهوى حقايق
كان نفسي اقولك بحبك بس مش طايق
رتبى شعرى واحفظيه
وان لقيتى شذوذ عدليه
ما انتى اللى بإديكى الدهب كتبتيه
خفت احبك اكتر من حبى اللى مش رايق
كان نفسى اقولك بحبك بس مش طايق
انا اللي عمري ما اشتكيت هجرِك ولا بُعدِك
ولا اشتكيت من وجع صدك ولا ردك
بستسمحك وحدك
خايف عليكي من القصايد تدهنك اسود بلوني
كل كوني قِيلة .. كوني ف كوني ضِلّة
خايف عليكي من الكلام .. اصل الكلام في بلادنا عِلَّة
تحت البيوت عسكر
فوق اللسان عسكر
بين الضلوع عسكر
http://img13.imageshack.us/img13/857...1238844379.jpg
طب كيف اقولّك بحبك وضلوعي مُحتلّة
انتي اللي من يومِك طريقي
وريقك السيّال كما شلال يا دوبك بلّ ريقي
الليلة بتمرد على ريقي وطريقي وبرفض البلّة
سامحيني يا وحدك
بكرة اما اجيب ارضي حِمْلاها ليكي طيوب
مقدرش اسيب حبي بذرة ف وطن مسلوب
انعس في حضنك كيف ؟؟ ورجولتي مش ملكي
كل اللي رايح روايح اما اللي جايلك فضايح
سُكِّي البيبان سُكِّى
http://i44.tinypic.com/nq8lk7.gif
واسمعى صوتى .. اللى نفسى يقولك بحبك
نفسى اقولك بحبك ببال رايق
نفسى اقولك بحبك .. بس مش طايق
