عرض للطباعة
انت عارف يا عمار ان حكايتك دي فيها شبه من حكايتي بس الفرق الوحيد انك خطبتها ان لسه ده الفرق الوحيد وزيك برده مش عارف اعمل ايه وبقعد اصبرنفسي واقول اللي فيه الخير يقدمه ربنا بس مش قادر اوصفلك مشاعري والخوف اللي جوايا لو هي سبتني انا تقريبا حياتي بتدمر معنتش عارف اركز في الشغل ولا في اي حاجه ربنا يستر وفي الاخر احب اقولك كل اللي يجيبه ربنا كويس
وعسي ان تكرهوا شي وهو خير لكم وعسي ان تحبوا شي وهو شر لكم
ربنا معاك ياكيمو وانشالله هتبقو مع بعض ومحدش هيفرقو بس أنتا أعمل اللي عليك يا كيمو وسيب الباقي علي ربنا علشان ما تقوليش ياريتني وتندم في وقت لا ينفع فيه الندم _ويارب محدش يتحط في الظروف الي كنت فيها علشان بجد كانت صعبه عليا أوي لاننا عملنا اللي علينا رغم أحنا بعدنا في النهايه وعاشت ولا زلت الذكريات الجميله بينا _حتي هي كانت صعب عليها أوي أكتر مني لدرجه اني بعد ما أتجوزت وخلفت لازالت بتسأل عليا كل كم شهر وتطمن عليا رغم ان انا بعتبر دي خيانه لزوجها بس هي في النهايه كان غصب عنها _وكفايه كدة تعبت
انا اسفه يا عمار لو كلامي ضايقك وان شاء الله تحب خطبيتك وربنا يوفقك معاها ويساعدك تنسي انا بكرر اسفي
ميرسي جدا لكي يا روكي ومفيش أسف ولا حاجه لأننا هنا كلنا أخوات وبنفضفض مع بعض ونتطلع اللي في قلبنا _وشكرا ليكي مرة أخري يا روكي _
بص فالبداية احب اقولك انك غلطان عشان المفروض ان حبك ااقوى من اي حاجة وبعدين مدام انتو بتحبو بعض ع ايه الاختلافات العائلية مدام هيا كويسة
بدون مطول عليك اللي حصل حصل يا صاحبي زمان انتا خسرتها ودلوقتي انتا بتخسر نفسك مش حرام عليك!!؟؟
انتا راجل ومش صغير اكيد عندك عزيمة واراده قوية زي اي انسان بس انتا طلعها وقرر انك تنقذ نفسك من الطريق اللي انتا رايح فيه ده
وحلك سهل اوي عارف ليه!!؟؟؟ عشان انتا معندكش خيارات خالص يعني مفيش ادامك الا انك تنساها
بص يا ريس انتا غير جو فاي مكان لحد ماعصابك تهدى خالص ومتخليش اي حد يفكرك باللحظات دي تاني ومتفكرش فيها ولو بتعيط او بتبكي كتير دا هيكون كويس بجد علشانك وربنا يقويك ع الي انتا فيه احنا رجالة
وعايز ااقولك اني زيك بس مش بالظبط يعني بس الحمدلله لسه عايش اهوه ومع الوقت هنسى واحب تاني وهنعيش احلي ايا منا تاني
متنساش ان ليك رب رحيم بعباده وهوه حاسس بينا
احمد الصقر
[email protected]
;);););););););););););););););););););)
شكرا جدا ليك يا أحمد علي نصايحك لي وعايز أقولك اني خلاص نسيت وبفكر في مستقبلي وقريبا كم شهر وأتجوز وأنا الحمدلله عندي عزيمه وأرادة ومفيش حاجه في الدنيا تستاهل أني أبكي عليها تاني لاني عمري ما أخسر قد ما خسرت _بالمناسبه يا أحمد في أول رد تكتبه خالفت قوانين الكافيه وكتبت أميلك _وممنوع وضع أميلات أو أرقام هواتف
خلاص يا جماعه مشكلتي خلاص أتحلت وبقيت دلوقتي بحب خطيبتي وقريب أنشاء الله كم شهر وهنتجوز وأحنا أسعد أتنين في الدنيا مع أني كنت فاكر مستحيل أحب تاني بس أكتشفت ان مفيش حاجه أسمها مستحيل لان المستحيل كلمه في قاموس الحمقي _وبا الارادة والايمان بالله وحب خطيبتي ليا خلتني أنسي أي حد حبيته قبل كدة _ونصيحه أخيرة للاعضاء اللي القدر فرق بينهم وبين اللي حبوهم ان يكون عندهم أيمان بالله ويحبو تاني لان الدنيا بدون حب مش بتقبي دنيا _وأدعو لي ربنا يوفقني في النهايه _أخوكم Emad
ربنا يوفقكم ويسعدكم ف حياتكم مع بعض
عمار حكايتك دى غريبة قوى بس انت لازم تنساها وتكمل حياتك والدنيا مبتقفش على حاجة وهى بقى ليها حياتها مش ممكن هترجعلك فى يوم من الايام ربنا خلق لنا نعمة جميلة اسمها النسيان يعنى لازم تنساوربنا معاك
ميرسي جدا ليكي يا ست الستات _وأنا خلاص نسيت وعايش دلوقتي قصه حب كبيرة بجد مع خطيبيتي وربنايقدرني وأسعدها زي ما قدرت تنسيني أحزاني قبل ما أعرفها _وشكرا جدا ليكي يا ست ستات وعلي فكرة توقعيك حلو أوي لانه لي اليسا_جواي ليك