عرض للطباعة
ليه نظرة الشرطه و المسئول للسياح مختلفه تمام الإختلاف عن نظرتهم لأهل البلد اللى هما إحنا ؟
كل البلدان تجد فيها تمييز فى الحقوق و المعامله بين المواطن و المقيم و طبعا التمميز بيكون لصالح المواطن
إلا بلدنا الغاليه مصر المواطن فيها بينداس و التمميز بيكون للسياح على حساب المواطن
امتى تتغير نظرة المسئول للمواطن و لو حتى تتساوى بنظرته للسايح ؟
يعنى مش بنطلب تمميز زى ما بيحصل ف باقى الدول
هانت علينا أنفسنا فهنا امام العالم بأسره
ضاعت كرامتنا بالداخل فكيف نحافظ عليها فى الخارج ؟
مممممم
نفسى ايه يتغير
نفسى فكر الناس هيا اللى فكرها يتغير
السلبيه والياس والخوف اللى بيجرى جوه دمهم
نفسى اعلام البلاد
والناس اللى مثال يحتذى به هما اللى يغيروا فكرهم للصح
زى دكاتره الجامعه
كل كلمه يقولو فيها ان حال البلد تمام وكل شئ مظبوط
على الرغم من ان المنهج اللى بيدرسوه بيثبت ان البلد حالها على وشك الانهيار
نفسى كل واحد يتقى الله حاكم كان او محكوم
كل واحد فى مكانه يراقب ربه
مش بس حاكم
ان صلح الحكام حال الحاكم هو اللى هيتصلح او يتغير
بس المهم تكاتف الفئات كلها
لكن كل كتله ليها اغراض واهداف وبيسعوا ليها
لا بالطريقه دى مفيش شئ هيتغير
الاهم التعاون بين كل الشعب والبعد عن الانهزاميه والسلبيه
ملخص كلامى
كل فرد يشوف واجباته قبل مطالبه ويقوم بيها وبالتالى الشعب كله هيكون ايد واحده
ومصر هتتغير بينا
جزاك الله خيرا يا وليد
على ترك مساحه للحوار
الغش
من اكتر الحاجات فى بلدنا الغش
طبعا لا اقصد الغش فى الامتحانات فقط رغم انه سبب كل البلاوى
لكن اصبح هناك غش فى اشياء كتيرة
بعض الاغذية مغشوشة
الادوية مغشوشة
صناعات كتيرة كان لها سمعة طيبة وفقدتها نتيجة الغش
مشاريع يصرف عليها الملايين ويتم تسليمها وبعد تسغيلها تظهر العيوب
سواء كانت مبانى او طرق او مشاريع صرف صحى وهذا كله يرجع للغش وعدم الالتزام
بالمواصفات
قلنا ياعم على حاجة فى نفسنا تتغير
تقدر
تقولى امتى الحاجة دى هتتغير فى انتظار الرد
ومشكور جدا على الموضوع
بارك الله فيك الاخ الفاضل وليد
اسلامى حياتى ( أسماء )
فى هذا الموضوع بإمكانك الدخول فى أى وقت و كتابتة ما تشائين
لكى كامل الحريه فى التعبير عما تريدين تغييره فى وطننا الحبيب
بارك الله فيكى
و ادام الله عليكى الصحه و العافيه و الستر
اقتباس:
المشاركة الأصلية كتبت بواسطة hadede
أخى الفاضل عماد
لكى نتخلص من الغش علينا محاربة الفساد و مراقبة الله فى أعمالنا
على الحكومه أن تحقق تكافؤ الفرص بين الجميع فى الوظائف و يحصل ذو الكفاءه على ما يستحقه
بإختصار ( الرجل المناسب فى المكان المناسب )
البعد عن الواسطه و المحسوبيه و الرشوه ( اصلاح ما فسد من أخلاقيات المجتمع )
معاقبة المقصر فى عمله سواء أكان وزيرا او غفيرا
اى تحقيق القانون و بعدل بين الجميع
بارك الله فيك أخى عماد
دمت بود و إحترام و تقدير
تسلم ايدك على الموضوع
انا من راى نام المعاشات محتاج تغيير
يعنى تلاقى عيلة كاملة والمعاش مش يكمل 100 جنيه
هتكفى ايه ولا ايه ولا ايه
شكرا على الموضوع
علشان اقول نفسى ايه يتغير فى البلد
هاتعب من كثرة الكتابه
لان رأيى فى التغيير ذى رأى كثير من المصريين وبيختصر فى كلمه واحده هى
النظام
لازم تغيير فى النظام العام
الحكر السياسى الغالب على الحكم المصرى
محتكر على فكر الحزب الوهمى الديموقراطى
من سنوات ليست بالقليله
علشان كده لازم الفكر يتفير
لازم النظام يتغير
ولازم الشعب يتغير ذى ما زكرت اسلامى حياتى
السلبيه والتى اصبحت من شيمات الشعب المصرى
ان الله لايغير ما بقوم
حتى يغيرو ما بأنفسهم
اقتباس:
المشاركة الأصلية كتبت بواسطة ** همسة **
عندك حق يا همسه
و مش بس المعاشات اللى محتاجه تزيد
الأجور كمان المفروض تزيد
دخل الفرد لازم يزيد
عشان المواطن يقدر يواجه غلاء الأسعار و ارتفاع المعيشه
كل السلع و كل الخدمات فى ارتفاع و ازدياد جنونى
لدرجه اصبح فيها دخل المواطن لا يغطى إحتياجاته الأساسيه و الضروريه
بارك الله فيكى أختى همسه
دمت بود
اقتباس:
المشاركة الأصلية كتبت بواسطة ميدو2
كلامك مظبوط أخى ميدو
اذا استطعنا اصلاح رأس الهرم عن طريق اختيار الشخص المناسب لتولى مسئولية قياده الدوله و الشعب
فبالإمكان أن يتم اختيار باقى المسئولين من القمه الى القاع على درجه عاليه من الكفاءه
و بالفعل تغيير شامل
تغير يطال نظام الحكم و تغيير فى ثقافة الشعب
و لكى يحدث ذلك علينا التخلى عن الخوف و الصمت و اختيار الأشخاص المناسبين الذين يمثلون الشعب بكافة طوائفه تمثيلا حقيقيا فى مجلسى الشعب و الشورى و اختيار رئيس جديد يلبى طموحات الشعب او على الأقل يسير بنا فى الطريق الصحيح
يجب تعديل المسار على كافة المستويات و الأصعده
بارك الله فيك اخى الحبيب و نورت الكافيه و القسم السياسى
دمت بود
يا مرحب يا مرحب
انت بتقول نفسك ايه يتغير في البلد؟
قول ايه اللي مش هيتغير
هي فيها ايه كويس
كل حاجة ماشية بالمشقلب
سواء الشعب الصامت ولا الحكومة المستغلة لهذا الصمت
وبلاش تفتحوني بقا يا جماعة عشان لو اتفتحت في الكلام مش هسكت
بس الخلاصة
ان البلد دي هتتعدل لو كل واحد فيها اتعامل بضميره
وراضى ربه
سواء شعب ولا حكومة
انا دايما بقول جمله
كل اصحابي بيقولوا ورايا يارب
دايما بقول
(لو يمسكوني البلد دي سنة)
ده انا هعدلها ومعنديش ياما احميني
وكفاية كده بقا طولت عليكوا