قصة حب جميله...بليييز عايزه اسمع رأيكم لاني متردده

بداية أقول لكى ان تقريبا لا يوجد شخص على وجه الأرض تقريبا الا وكان له بدل القصة 2و3 مع اختلاف الوقت والمكان وكذلك الأسباب التى جعلته يظن ان هذا هو الحب الحقيقى وكنت طبعا من احد هؤلاء الأشخاص (اسمحى لى ان اقول للأسف) فأنا قد مررت بأكثر من قصة من قبل سواء اثناء الثانوية او حتى الكلية (المراهقة)منها ماهوتسلية ومنها ما كنت أظنه حقيقى ومنها ماوصل الى شبه خطوبة ولكن لم نوفق (طبعا بعد كل هذا الكلام اول حاجة هتقولها ان هذا الامر قد أثر عليا بالسلب )طبعا هذا الطبيعى وهذه القاعدة العامة ولكن لكل قاعدة شواذ وأنا كنت من شواذ هذه القاعدة والحمد لله بل غيرت منى بالأيجاب كثيرا.
طيب ايه هو اللى اتغير ياعم M اقولك انا يا(اللى صحيح اسمك ايه براحتك)عموما انا هناديكى بأمة الله (مع فتح الهمزة والميم)بصى يأمة الله اللى اتغير هو انى بدأت أبحث ماهو الحب وعن معناه الحقيقى ومعقول هل الحب الذى يحدث الأن هو المعنى كما يحدث فى الأفلام ام فيه حب أخر والحمد لله بعد بحث تجاوز ال7سنين تقريبا وجدت أن مايحدث الأن مابين الشاب والفتاة اسمه الحقيقى فى اللغة (عشق)طبعا فيه كثير من الأعضاء الذين أبدو برأيهم فى قصتك سوف يزعلون أو يكذبوننى بل ممكن يقذفونى بالمعقد وأحتمال كبير انتى أيضا . طيب قبل ان أرد على كل هذا انا سأليك سؤال انتى حكمتى عليا بعقلك ام بقلبك وما يحب ويهوى ؟.
عموما ردى لكى ومن يتطلع الى ردى ولم يعجبه هسألكم كم سؤال وأترك الردود والأجابة عليها لكم
والأسئلة هى: 1- هلتحبون الله؟
2-هل تحبون النبى صلى الله عليه وسلم؟
3-هل تحبون دينكم؟
4-هل تحبون أبويكم؟
هل تحبون أخوانكم من المسلمين؟
عموما الأجابة المتوقعة وبدون أدنى تفكير (طبعا ياعم أنت بتقول ايه الشخص ده مجنون ولا أيه )طيب ياعم المتفذلك ياعم الحبيب لو نودى للصلاة وأنت مع من تدعى حبه فمن تجيب طبعا هتقولى الصلاة ماشى ياعم أول متيجى تنام وتصحا من النوم ايه هى أول حاجة بتفكر فيها (الجواب عندك) لو أنت فى احلى نومة وجاءك هاتف من العشيق(الحبيب) وطلبك فى الحال فماذا تفعل طبعا هتنط من على السرير فورا طيب ماربنا بيناديك كل يوم الفجر (ايه ظروفك)عموما هذا هو الحب الحقيقى ليس الذى يحدث الأن من فحش وكذب على الأهل .ولكن هذا لايعنى ان الحب موقوف على هذا وواحد يقول طيب والجواز والأرتباط هيبقى كده من غير حب .بص أصدق مع الله فى الشخص الذى تحب أن ترتبط به وصدقنى عن تجربة هتجد حلاوة فى الحب لم تجده من قبل.
أنا اسف يأمة الله انى حولت دفة الرد بصيغة الجمع حتى تكون الفائدة أعم .وبالنسبة للشخص الذى تحبه لماذا لايتقدم لخطبتك اليس هذا أفضل للجميع وخاصة انتى اليس البنت ماهى الا سمعة صدقينى مأردت الامصلحتك والله على مأقول شهيد (الردود والاعذار المتوقعة من الحبيب معروفة ولكن كما قلت أصدق مع الله يصدقك)وأسف على الأطالة.
ولكى منى جميل الشكر>:D<>:D<

كلامك كله جميل وصح، بس انا فهمت من الاخر يعني ان رايك انه يتقدم لي(انت نسيت انا عندي كام سنه ولا ايه)؟؟ لسه بدري شويه على الموضوع ده.

وعلى فكره الي بينا مش مقتصر عليا انا وهو بس لا والدته عارفه و والدتي انا كمان وناس من اهلنا يعني احنا مش بنعمل حاجه من ورا حد خااالص و والدتي انا مش بخبي عليها اي حاجه وهي عارفه عني كل حاجه وكل اللي بينا وهو بيتكلم معاها كتير وكده يعني، من الاخر مفيش حاجه مستخبيه لان الموضوع بجد مش لعب عيال يعني. واحنا نفسنا نكون لبعض في النهاية وانشااااااااءالله ده هيحصل.


بس ميرسي اوي اوي يا ..؟؟..انت اسمك ايه لاني بصراحه كل مره ببقى عايزه اسألك،ياريت تقولي عشان اعرف اناديلك بس بيه.
وانا حبيت اسمع اجابتك اوي لاني كنت حاسه انك هتفيدني وحكمت بعقلي.

اه كنت هنسى انا اسمي ( ايمي).

يا بنتى اسمعى كلام مامتك دى عايزه مصلحتك وبعدين خليه يحس بقيمتك اكتر وهو لو بيحبك بجد هيفضل باقى عليكى طول حياته

اولا يا استاذ محمد ممنوع كتابة ايميل في المنتدى ثانيا لو عايز تقول حاجه يكون احسن تقولها هنا.
ثالثا انا مش فاهمه ازاي يعني يدخل من بابه قصدك ايه يعني؟؟
وبعدين انت بتقولي بلاش حكاية الكدبة البيضة دي،انا مكدبتش في حاجه وصريحه جدا جدا لان مفيش حاجه تستدعي اني اكدب فيها فا ياريت توضحلي بردو انت ليه قولت كده؟؟

وانا لما عملت الموضوع كان قاصدي اني اشوف رأيكم ايه ، عايزه اشوف هتقولوا نفس الكلام اللي والدتي واصحابي قالوه ولا ليكم رأي تاني.!!

وانا في تالته اعدادي بس المشكله ان الدوله اللي انا فيها فيها رابعه اعدادي يلا مش مهم ده مش موضوعنا..

اقتباس:

---

المشاركة الأصلية كتبت بواسطة دودى دينا

يا بنتى اسمعى كلام مامتك دى عايزه مصلحتك وبعدين خليه يحس بقيمتك اكتر وهو لو بيحبك بجد هيفضل باقى عليكى طول حياته

---

اهلا بيكي يا دودي في المنتدى.
واسمع كلام مامتي في ايه يعني....ياااا جمااعه كل الموضوع اني والدتي مش ممنعه اني احب ولا حاجه بس بتقولي اني بلاش اعلق نفسي بحاجه مش هتكمل لان مفيش قصة حب بتكمل على خير الايام دي، لازم هتبعدوا في الاخر وانكم مش لبعض وخالي واصحابي قالو نفس الكلام.
انا بقى عايزه اشوف رأيكم انتو ايه يا ترى من وجهة نظركم الموضوع هيستمر ولا ايه؟؟

وعلى فكره انا مش بقولكوا كده عشان تقولولي ابعد عنه ولا لأ، ده شىء فوق المستحيل انا عمري ما هبعد عنه مهما حصل ، مفيش حد يعرف يعيش من غير روحه يا ناس وهو رووووحي.

انا اسفه عشان الخط صغير فا انا نقلت الموضوع تاني وبخط كبير عشان تشوفوه كويس.

ـــــــــــــــــــــــــ ـــــــــــــــــــــــــ ـــــــــــــــــــــــــ ـــ

انا عايزه احكيلكو عن قصة حب بجد جميله ... كلها مشاعر واحاسيس صادقه... والموضوع عني.
انا حبيت واحد من وانا لسه عندي تسع سنين..طبعا ممكن مش تصدقوا بس بجد انا مش بهزر ،اسمعوني وانتم تعرفوا.
من اول مره شوفتوا فيها وانا حسيت نحيته بحاجه..في الاول قلت دا عبط وانا لسه صغيره وبعمل زي البنات وبقلدهم وخلاص.المهم اني فضلت احبه بردو وكان دايما في بالي ومكنتش بنساه لحظه..قاعدت في حبه ده لوحدي سنيييين ومن غير ما احكي لحد حاجه ولا لمحت له باي حاجه ..مع اننا نعرف بعض وكنا بنتقابل كتير بس انا عمري ما بينت قدامه حاجه لاني كنت شايفاه عادي جداا معايا..في الفتره اللي فضلت احبه فيها مع نفسي اتحبيت مرتين من ولاد تانين ...كانوا ظراف اوي وحبوني بجد وانا كنت مصدقه مشاعرهم نحيتي...بس لاني قلبي مش بيفكر في حد غير (m) فا كنت رافضه اني احب اي حد تاني حتى لو مقلتلوش لـ(m) اي حاجه وفضلت ساكته ...كنت مخلصه له اوي في حبي ليه..لدرجه اني خسرت اعز صديق عندي عشانه.المهم اني قعدت فتره كبيره متلعقه بيه رغم اني مكنتش بشوفه كتير لانه كان دايما بيسافر.. وحتى لما كان يرجع كنت انا اللي ابقى مسافره...بس بردو كان عقلي وقلبي مش شايفين غيره.
وبعد فتره عرف اني بحبه..وانا اللي رحت قلتله..بعد ما كنت تعبت من الفراغ اللي انا عايشه فيه ده..وهو سمعني وصدقني وحس بكل كلمه قلتها..وطلع هو كمان حاسس من نحيتي حاجه..ويوم بعد يوم من كلامنا مع بعض بدأ يحبني وكل يوم يفوت يحبني فيه اكتر من الاول...وعشنا مع بعض اجمل قصه حب في الدنيا..الحب الصادق المخلص اللي بجد اللي انعدم الايام دي ومبقاش موجود..احنا رجعناه تاني..وحبينا بعض اوي اوي فوق ما تتخيلو ...بقيت بخاف عليه اكتر من نفسي ومستعديه اضحي باي حاجه في الدنيا عشان حبي ليه..ومكنتش عايزه اي حاجه غير اني اكون معاه وبس ...حلمنا نكون مع بعض لحد اخر يوم في عمرنا وعمر ما في اي حاجه تحاول تفرق بينا..كانت كل ثانيه بتعدي كان هو بيبقى معايا فيها بقلبه وروحه..كل حلم حلمته هو شاركني فيه..باختصار بقينا ملناش غير بعض.
ولاني مصدقه ده حاولت اني اعترف لوالدتي بكل شىء ..وقلت لها وهي فهمتني وقدرت مشاعري انا وهو ..بس قالتلي بلاش تعيشي نفسك في حلم انتي عارفه انك هتصحي منه..انتي لسه صغيره ومفيش حب للي في سنك ده...واتاكدي انك بكره نظرتك في الحب هتتغير وانك ممكن تقابلي حد تاني وتعجبي بيه ..وبكره تقولي ان كل ده كان لعب عيال وهزار مش حب..انتم مش لبعض ولازم تفهمي كده..في الاخر كل واحد هيشوف حياته ..مفيش حب بيستمر للاخر ويعيش كتير لازم هينتهي يا إما منكم يا إما من اهلكم..بس لازم تتاكدي ان دي فتره وهتعدي.
الكلام ده بردو سمعتو من خالي ومن كل صحابي..كلهم قالو نفس الكلام....بس انا حاسه من جوايا ان عمري ما هتغير من نحيته ولا هنساه لاني بجد بحبه.. ومش شايفه حد غيره لا دلوقتي ولا بعدين...انا واثقه في حبينا ده اوي عمرى ما هتخلى عنه مهما حصل..لاني لو ضيعته صعب الاقي زيه تاني.
فا كنت حابه اسمع رايكم في الموضوع ده .. وكل واحد يقولي وجهة نظره..واي حاجه عايزين تقولوها يااااريت تقولوها...حتى لو كان نفس رايهم بس انا عايزه اعرف ردكم ايه.

لأ لأ ماكنتش اعرف عنك انك عصبية كده واذا كنتى زعلتى منى فأنا ماقدرش على زعل احد من الأعضاء.وعموما مش هازعلك تانى وهارد على كل استفساراتك .
اولا:أنا اعلم انه ماينفعش نحط الاميل على المنتدى وانا ماطلبتش كده ويأبلة ايمى أحسن حاجة نكلم بعض على المنتدى.
ثانيا:اما بالنسبة لموضوع الباب فهو كناية عن الأب أو ولى الأمر .
ثالثا:اما موضوع الكدبة البيضة ماهو الا فخ (اسف)حتى اعلم كيف يكون رد فعلك وماهو مقدار غضبك وقد علمت:">.
رابعا:الله يوفقك فى دراستك .


.
ولكى منى جميل الشكر>:D<>:D<

شــوفى يا قمر اقولكـ على حاجة :
إنتى تتمسكى ب الحب ده مهما إن حصل وخصوصا انكـ زي
ما قولتى ان حبكوا ده حب بجد * حقيقى * وزي ماقولتى كمان اللى بقى منعدم
ومش موجود خااااالص ..
وحكاية أن خالكـ أو صحابكـ أو مامتكـ معارضين وبتقولكـ
أن ده نهايته الفشل وإن دى فترة وهتعدى ف أنا اقولكـ
سيبكـ م الكلام ده كله وسوري يعني مش بعصيكى على اهلكـ لالالا خالص
بس أنا عايزة أقولكـ حاجة الأهل كده بصورة عامة مش أهلكـ بس
شور طبعا بيكونوا رافضين العلاقات اللى م النوع ده
عشان بيشوفوا ان احنا لسه ضغيرين ع الكلام ده وكده مع ان
الحب ملهوش عمر بييجى كده فى اى وقت .. ما علينا
المهم .. ف ب التالى هما بقى بيخافوا علينا خايفين ف بيحاولوا
يبعدونا عن الشخص ده ب أى طريقة بقى
بصى يا قمر ف انتي متزعليش ولا تضايقى م الكلام ده
حتى لو الدنيا كلها قالتلكـ \ه حب فاشل
طول م انتى متأكدة و واثقة من مشاعركم انتوا الاتنين خلاص ..
بس انتي يا حبيبة قلبي بصى حاولى تصاحبى مامتكـ اكتر
وتحكيلها كل حاجة وصدقينى هى لما تلاقى كده هتفرح وهتساعدكـ
وهتنزل لعقلكـ وهتحاول تفهمكـ اكتر
عشان مش ممكن المراهق اللى فى سننا يطلع لعقل الكبير ونفهمه
بس ممكن جداااااا ينزل العاقل والكبير لسن المراهق ويفهمه
عشان يكسبه ويعرف هو بيفكر ف ايه وب التالى يساعده ..

بس يا قمر ده كل اللى انا عايزة اقولهولكـ يعني م الاخر
كده متضيعيش الحب ده من ايديكى ..

ويارب ما اكونش طولت عليكى واكون خفيفة عليكى






ا ليس للاهل ان يمنعوا اولادهم من حب المراهقه
بل يجب ان يصاحبوهم وينزلوا لعقولهم
فمن المستحيل ان يطلع المراهق لسن الكبير
ولكن من الممكن ان ينزل العاقل
لسن المراهق حتي يكسب ثقته ويتقرب له

ويعرف ما الذي يفكر فيه

سامحينى بل يسامحنى كل من رد على هذا الموضوع (انا كنت قررت ان لاأتكلم فى هذا الموضوع تانى بس اعمل ايه)المهم يأيمى احترسى مين بعض الردود وحكمى عقلك واله العظيم دول مش عايزين غير جنازة ويشبعوا فيها خاصة الرد من المشرفين وبعض الاعضاء ومنهم الرد اللى فوقى مباشرة .انا اعلم ان ممكن هذا الكلام يكون سبب فى الغاء عضويتى من المنتدى ولكن هذه هى الحقيقة الذى يجب ان تشوفها بعقلك قبل عينك وعينك قبل قلبك واعلم ايضا ان قليلا فقط مين الاعضاء الذين ردوا يؤيدون هذا الكلام ولكن الامر ليس بكثرة المؤيد اوبقلة الرافض ولكن ماهى مبرارت كل فريق وايهما اقرب الى الصواب.وصدقينى انا مش رافض الامر كليا ولكن اريد الامر يأخذ الشكل الرسمى وبعدين حبوا فى بعض زاى مأنتى عايزة وقتها هأكون بأذن من أول المهنئين. وفى احب اتأسف على هذه العصبية فى الكلام ولكن انا متابع للموضوع وشايف ان فيه اراء بتسحب( ان صح التعبير)الى حفرة عميقة من باب اه رأى والسلام لكنى اقول لهم اتقوا الله فيكى .ولكى منى جميل جميل جميل الشكر>:D<>:D<

انا رائى متسبهوش لان مستحيل تلاقى حب حقيقى فى الزمن دة:x:x
الموضوع هايل حبيبة قلبىB-)B-)