اقتباس:
المشاركة الأصلية كتبت بواسطة ايسل
يهتم بمصر الغاليه علينا
مهما كتبت وقلت عليها
هي بلادي وعزتي فيها
وعمر ماكان حب البلد عار
بحبها حتي لو بيني وبنها طار
هي الوطن هي الامان هي الدار
معاكم لازم تغير وحسن اختيار
عارف بأنها محتاجه لقرار
لكني يابلادي هعزف لك الاوتار
احكي يا ايسل لإخواتي البنات
عرفيهم إن شهيد الوطن عمره مامات
كلميهم عن البطولة وأجمل زكريات
عن النصر المجيد وعن تدمير ايلات
ولا صمود الشباب وصبر الأمهات
إحكيلهم عن جمال ومواقف السادات
والنكسه لما صارت بإغراء الفاتنات
مطلوب منكم بناتي وأنتم يا أخوات
اعداد جيل مناضل زي الجيل اللي فات
جيل عنده عزيمه وإيمان وثبات
يرفع رأسك بلادي بفضل الأمهات
إحكي يا ايسل لأخواتي البنات
عرفيهم إن زمان الصمت مات
لازم نطالب بحقوقنا ونعدل المعشات
علشان نغدر نعيش مش كل يوم أزمات
ولكم مني تحية وسيل من السلامات
الروعه بفيض الكلام
والجمال كان هنا فى الحضور النقى
ياه على مصر بعيون
الرائع ابو احمد
وضى القمر ايسل
بجد محاوره رائعه
لا حرمنا الله من اقلامكم
المحبه لمصر
القادم اجمل
فى
حفظ
الرحمن
الغالي وليد الاخت ريم الاخت سندريلا الغرام الاخت اسماء حبيبي هشام ومعلمي فارس الكلمه الاخت الفاضلة منى رشدى واخي عماد والاخت أهلاوية وافتخر والاخت نور الحرف
الروعه كل الروعه في مروركم
الذي اضاء صفحتنا
أنا والفاضله المبدعه ايسل
لكم جميعا الشكر والعرفان
علي رقائق كلماتكم
التي تبعث فينا الاصرار
دمتم جميعا في صحه وعافيه
اسمحلى يا ابو احمد مش هرد على اللى طلبت منى اقوله واحكيه لانى بجد محنوقه من اللى احنا فيه ونفسى اسالهم ويردوا على اللى جوانا ومش عارفين نداريه
عايزه اقولهم
حتسوؤ ايه تانى فى الوطن اللى قطعتوه
وف شعبكو اللى كسرتم قلبه شحتوه
عفن جروحه بيساوم من دبحوه
صورته فى مرايته بتجسد عار اللى خانوه
ياللى بترسمو سياسات وملامح مصر الجايه
بكلام وحروف
وقلوبكم اسرى الخوف
علشان مش شايفين حقيقتها
ولا شامين ريحة جنتها
مصر يا اصحاب الهمه
يا قلالات الذمه
مصر اللى نتفتوا جناحتها
بتنزف من ساعات جراحاتها
مش لاحقه تدفن امواتها
نسيت اسامى ولادها
عينها مكسوره
نفسها مقهوره
ليه بتحرقو الاحلام
وبتخنقونا بالأوهام
ليه تخلطوا الحابل بالنابل
الفاعل يصبح كالمفعول
والفاضح مبنى للمجهول
هل من مخرج؟؟؟؟؟
فى المشمش ممكن
او بالصدفه ان امكن
هو وهى اولاد النيل
وبيحبوها نهار وليل
وشايفين كسير وذليل
حبهم له الف دليل ودليل
بارك الله فيكم
الاخت الفاضلة ايسل والاخ الفاضل ابو احمد رزق
ولا بد ان نتمسك بالامل فربما ياتى فى اوان المشمش او قبله او حتى بعده ولكنه قادم باذن المولى تعالى
اهداااائي الى من أسعدوني بكلماتهم...أستاذ أبو احمد..والأستاذة ايسل..
ياشاعر.. قووول وسمّعنَا..
وخلّي للكلام... معنَى..
عشقنا هواكي يابلادي..
لاكن حالِك....بيوّجعنا..
ياشاعر...قوول ولايهمّك..
همُومنا صورة من همّك..
ونفس الجرح في قلوبنا....
نزيف الجرح... من دمّك..
ياايسل...ارحمي شويّة..
تعبتي الدمع في عينيّة..
أنا العاشق تُراب بلدي..
مشوفتش منها حنيّة..
ياابو احمد.. رُدّ واتكلّم..
قلوب الناس... بتتألّم..
هنشكي لمين..؟؟
ونحكي لمين..؟؟
وامتى نفوق ..ونتعلّم..؟؟
أخوتي الأحباب....ابو احمد رزق...ايســـل..
لو لا تأثري بكلماتكم...مافاض قلمي بهذه العبارات..
تقبلوا تحياااتي.. رضا
و ما زلنا نستمتع بالحوار الشيق
رغم المراره و الألم
و لكنها الحقيقه بدون تجميل
تسلم الأيادى ايسل
و تسلم الأيادى أبو أحمد
و مازلت متااااابع
بارك الله فيكما
انا لما طلبتك تحكي
عن بطولة نصرنا
وعن عزة شعبنا
ده لان الامل فينا
علشان ولادنا
وكمان بلادنا
ولازم نعيش
رغم المرار
لازم نقول
مرار ومرار
لازم نبعث الامل
ده مش هزار
معاكي بلادي
محتاجه لقرار
علشان نبني
حلم جميل
ونحافظ
علي ماءالنيل
لازم نتحد
ونقضي علي اي عميل
باع الوطن
وخلي شعبه ذليل
رغم كرامه شعبنا
لكن اصبح ابنه عليل
لازم نحكي ونتكلم
علشان ولادنا تتعلم
صحيح قلوبنا بتتألم
وفيها زاد الهم
ده حال بلادي ياإخوانا
من هم لـ غم
والحاله فيها حاجة صعبه
ومافي حد اهتم
وما شفت في عمري وحياتي
زي ده هم
والله يا ابني وصدقني
مافي حاجه أهم
اتعلم دينك
وبوطنك يا ولدي اهتم
الورد يفتح في بلادنا
ونزيل الهم
الفاضل ابو احمد
الرائعه ايسل
ابداع لا يضاهيه ابداع
كيف لا وقد داعب المشاعر
ولامس القلوب
فانا فى امس الحاجه
لمن يسخرون الحرف
ليكون اجمل العبارات
وارق المعانى
يسعدنى ترقب هطولكما
ليتسنى لى التحليق خارج
حدود المجره
بالتوفيق
ودى