مسلسل يوميات فى الجامعه 2008(الجزء الخامس)
لو مش متابع خش شوف حصل ايه قبل كده
الجزء الاول
الجزء التانى
الجزء التالت
الجزء الرابع
الجزء الخامس
هيكون معانا العضوه لوليتا فى دور الساحره بناءا على طلبها حبيت اديها فرصتها ممكن تبقى ممثله كويسه ههههههههههههه
شيكو : مالك يا حودا ... حاسس بايه .... انا عارف انه يوم اسود ..... طيب وطى صوتك ...... انا حاسس ان امى هتطلق على ايدك
شيكو اتصل بميريت يقولها ان حودا تعبان
شيكو : الووووو ميريت ..... تعالى بسرعه حودا تعبان ...... ابوه طرده من البيت وهو بات عندى النهارده .... انا مستنيكى
والد شيكو : ايه ده صوت ايه
شيكو : ده... ده .... صاحبى ...
والد شيكو : ايه ده مين حودا!!! .... انا مش قولت الواد ده ميدخلش بيتى
شيكو : يابا بيتك ايه ده مكتوب باسم امى !!
والد شيكو : بلا اسم امك بلا اسم ابوك خد الواد ده واطلع بره البيت
شيكو : ماشى يا بابا
وبعد شويه وصلت ميريت بالعربيه ..... وشيكو شال حودا وهو على السلالم
شيكو : يالهوى انت بتاكل ايه ... الى يشوفك يقول عليك 2 كيلو بالكتير
نزلو لميريت وركبوا العربيه
ميريت : هو بيشتكى من ايه
شيكو : مش عارف هو طول الليل بيتالم ومش عارف اعمله ايه
وصلوا المستشفى ودخلوا عند الدكتور
شيكو : يادكتور فيه واحد تعبان جداا هنا
هارى بوتر : مين ده ... مش ده حودا
ميريت : اه هو ياريت تشوف فيه ايه
هارى بوتر : طيب سبوه علشان نعمله الازم
ميريت : انا هتصل بنونا تيجى تشوف فيه ايه
شيكو : مش لازم تيجى هى كلها نصف ساعه ونروح
ميريت : خلاص ماشى
شيكو : هى الساعه كام دلوقتى
ميريت : الساعه 2:30 ممكن منلحقش الكليه
شيكو : لا هنلحق ان شاء الله
وطلع الدكتور
شيكو : طمنى يا دكتور ايه الى حصل
هارى بوتر : كل الى حصل الم شديد فى الدماغ والحمد لله عدى على خير
ميريت : والوجع ده سببه ايه
هارى بوتر : اى حاجه هتحصل دلوقتى لحودا هيكون سببها الحادثه الى فاتت
شيكو : اه طيب وسندس اخبارها ايه
هارى بوتر : سندس صحتها كويسه جدااا بس مش هينفع تشوفوها دلوقتى لانها نايمه
شيكو : الساعه دلوقتى 3 وانت موجود فى المستشفى انت مش بتروح
هارى بوتر : كل يوم ويوم بفضل فى المستشفى طول الليل علشان الحالات الى بتحصل بلليل
ميريت : شكرا يا دكتور بس كنا عايزين نطمن عليه قبل ما نروح
هارى بوتر : لا انتوا هتروحوا مع بعض دى حاجه بسيطه وبخصوص سندس هتخرج بكره ان شاء الله
واثناء الكلام خرج حودا
شيكو : اهلا يا حودا خضتنى عليك
حودا : الثلا .. الثلا ... ايه ده دى لثه الثاء عندى ؟؟؟!!!!
هارى بوتر : اه هى مش هتروح بسهوله بس اطمن
حودا : لا انا مطمن خالث اوى جداااا
ميريت : يلا علشان نروح ونيجى نشوف سندس بكرا
حودا : ماثى بث انا هنام عندك النهارده يا شيكو
شيكو : ادعى ربنا ابويا يوافق
ميريت : يلا علشان انا عايزه انااااام
حودا : يلا بينا .... بث اثتنوا انا عايز ادخل الحمام
شيكو : بقولك ايه ماتيجى نروح لواحده دجاله ونقولها على حالتك
ميريت : ساحره لالالالا مش هينفع
حودا : اتفقوا لحد ما اروح الحمام
واتفق شيكو وميريت انهم يرحوا بعد المحاضره عند الساحره
شيكو : حودا اتاخر تعالى نشوفه
ميريت : حودا ..... انتا يابنى
حودا بصوت مخنوق : ايووووه مين عايزنى
شيكو : انت بتعمل ايه:-/
حودا : ايه السؤال الذكى ده ;;)
شيكو : خلاص اطلع بقى اتاخرنا قوى
حودا خرج من الحمام والبنطلون مبلول
ميريت ايه ده البنطلون مبلول
حودا : هقول تانى مث بعرف اثغل البتاع الى جوه ده
شيكو : اخلص يلا وتعال علشان نروح
ووصلوا عند بيت شيكو وميريت روحت بيتها
حودا بصوت واطى : بقولك ايه احنا نطلع براحه علثان ابوك
شيكو : ماشى براحه بقى
وطلعوا البيت وعدى اليوم على خير .... وتانى يوم الصبح خرج حودا وشيكو .... وعلى باب الجامعه
شيكو : ازيك يا اسلام
اسلام : اهلا
حودا : ايه وث الابلكاث ده
اسلام : ابلكاث يعنى ايه
شيكو : ابلكاش ياعم مش عارف يعنى ايه ابلكاش
اسلام : ااااااه خلاص عرفت
شيكو : بقولك ايه انت متعرفش واحده دجاله ساحره يعنى
حودا : ياعم انثى بقى مث مهم
شيكو : اسكت انت دلوقتى قول يا اسلام
اسلام : فيه واحده على اول الشارع انتوا عايزينها امته
شيكو : النهادره بعد المحاضره
اسلام خلاص مستنيكم بعد المحاضره نروحلها مع بعض
حودا : ثكرا ثكرا الف ثكرا ياعم اسلام ...... عايز اروح الحمام بثرعه
شيكو : انتا مش عارف السكه روح ومستنيك فى المحاضره
وسابهم حودا وراح على الحمام
شيكو ساب اسلام وراح عند ميريت ونونا
شيكو : السلام عليكم
نونا وميريت : وعليكم السلام
نونا : فين حودا مش شيفاه معاك يعنى
شيكو : هيكون فين يعنى
ميريت : فى الحمام ؟؟؟؟
نونا : اااااااااااه طبعا انا مش عارفه ماله كده
شيكو : احنا هنروح عند ساحره بعد ما المحاضره تخلص
نونا : بجد عايزه اجى معاكم اتفرج والنبى
شيكو : هو ماتش كوره ولا ايه
نونا : بقولك ايه انا جايه معاكم
ميريت : يلا علشان المحاضره بدات
وراحوا المحاضره وبعد شويه دخل عليهم حودا المحاضره بدون اذن .. وكان موجود الدكتور تريكه والدكتوره انجى مع بعض
حودا : ثلامو عليكم ... ايه ده محاضره دوبل الدكتور تريكه والدكتوره انجى
تريكه : ايه الى انت عملته ده
انجى : فيه حد عاقل يدخل مكان زى ده كده
حودا : معلث غصب عنى
تريكه : اطلع بره المحاضره
حودا : حضرتك انا من يوم مادخلت بيت الاثباح ده وانا مكتبتث محاضره واحده
انجى : اطلع بره يا حودا
حودا : حاضر يا دكتور
وخرج حودا وراح لاسلام
حودا : خد يابنى هنا هاتلى واحد ثاى على الريحه
اسلام : مفيش شاى على الريحه
حودا : ياراجل هى اتغيرت
اسلام : لا فيه قهوه على الريحه
حودا : شوف يا ازكى اخواتك انا عايز ثاى وقهوه فبقول يعنى بدل ما تجيبلى الطلبين يبقى طلب واحد وهو ثاى على الريحه
اسلام : ااااااااااااااااه اتنين فى واحد
حودا : بالظبط كده روح بقى هات الطلب
وبعد دقايق
اسلام : اتفضل طلبك ... انتوا كنتوا بتسئلوا على دجاله ليه
حودا :انا عارف عايزين يودونى لدجاله
اسلام : ليه
حودا :انا عارف ....وبعدين انتا مث عندك ثغل
اسلام : اه واسكت بقى علشان اعرف اشوفه
حودا بصوت واطى : ثوفه دا انت هتثوف اللى محدث ثافه
وفى الوقت ده كانت المحاضره خلصت وشيكو وميريت ونونا راحوا لحودا
شيكو : السلام عليكم
حودا : وعليكم الثلام
نونا : يلا بقى علشان نروح
حودا : نروح فين
ميريت : نروح للدجاله
شيكو : يا اسلام يلا علشان تيجى معانا
حودا : طيب ادخل الحمام الاول
اسلام : لالالا يلا علشان بتقفل بدرى
وراحوا عند الدجاله وفى غرفه مليئه بالاشكال المرعبه
نونا : ايه ده انا خايفه اوى ده فيه جماجم وحجات بتخوف
شيكو : انتى داخله هنا على اساس هتلاقى مراجيح مولد النبى مش كده
حودا : ههههههههههههههه
نونا : بتضحك على ايه
حودا على مراجيح مولد النبى
اسلام : اسكتوا بقى اهى جات اهيه
لوليتا : السلام عليكم
شيكو ونونا واسلام وميريت وحودا بصوت مرعوب : وعليكم السلام
لوليتا : ها عايزين ايه
شيكو : حضرتك ليه واحد صاحبى كل ما المحاضره تبدا يبقى عاوز يدخل الحمام
لوليتا بصوت قوى : هو موجود معانا
حودا : لالالا اه اه معانا انا الى بيبقى فى الحمام وغثب عنى يعنى (حودا لشيكو : قوم بينا نمشى انا خايف:-S )
لوليتا : مالك فيه ايه خايف ؟؟
حودا : انا لالالالا خالث هو فيه حاجه تخوف .... حد فيكم خايف ياجماعه
ميريت : لا محدش خايف
لوليتا : اسكتوا .... انت معمولك عمل
حودا : على طول كده مث بتقولى حبثتكوث برتقوث مثربوث محبوث ملبثوث حجات كده يعنى
لوليتا : انت فيه حاجه عندك
حودا : لا دى اثابه بثيطه هتفضل بتاع تثع ثنين
نونا : اسكت يا شيكو .... كملى
شيكو : وربنا انا ساكت حودا هو الى اتكلم اسكت يا حودا
حودا : ماثى هثكت .... يارب خرجنا من هنا على خير
لوليتا : روحوا دلوقتى وتعالو بعد اسبوع
ميريت : يلا بينا نروح المستشفى
وخرجوا من عند الدجاله وراحوا على المستشفى
حودا : ايه الى احنا اثتفدناه دلوقتى
شيكو : هى مش قالتلك تعالوا الاسبوع الجاى
نونا : انا كنت مرعوبه شوفتوا الهيكل العظمى الى كان موجود
ميريت : اسكتو بقى انا كنت خايفه اوى والحمد لله خرجنا على خير
وصلوا المستشفى وكان هناك العميد والدكتور تريكه والدكتوره انجى
ميريت : السلام عليكم
كل الموجودين : وعليكم السلام
نونا : ايه الاخبار
العميد : الحمد لله هتخرج معانا دلوقتى
شيكو : كويس الحمد لله
حودا : الحمد لله يعنى مفيث حاجه دلوقتى
مستر مودى : اه هى بس مع الدكتور وهتخرج دلوقتى وعلشان المناسبه الحلوه دى انا قررت اعمل رحله لمده 3 ايام لشرم الشيخ
حودا : ياثلام حلو اوى وامته ان شاء الله
العميد : بكره او بعده بالكتير بس هيا توافق
شيكو : ماشى هنكون جاهزين
اسلام : وانا معاكم طبعا؟؟
العميد : طبعا طبعا كلنا هنكون مع بعض
وبعد لحظات كان الدكتور وسندس خرجوا
كل الموجودين : حمد الله على السلامه
سندس : قبل اى حاجه عرفتوا مين الى خبطنى
حودا : لالالا معرفناش انا لو عرفته هقتله
اسلام : لا يا حودا انت اللى خبطها بعربيه ميريت
سندس : انت يا حودا
حودا : ايوه انا بث انتى احمدى ربنا انا كنت ممكن اثيبك فى الثارع بث انا جبتك المثتثفى
العميد : خلاص ياجماعه محصلش حاجه ... سندس احنا هنعمل رحله بالمناسبه دى ايه رايك نعملها بكره
سندس : ماشى بس فين
العميد : شرم الشيخ
سندس : ماشى وانا موافقه
وبكده يكون انتهى الجزء الخامس انتظروا الجزء السادس
ياترى هتكون رحله عاديه ولا هيحصل فيها مشاكل وهل ابو شيكو هيوافق يناموا عنده اليوم ده ولا لاء كل ده هنعرفوا فى الجزء السادس
