طريقة الاكل و انت خارج مع خطيبتك..

نصايح لما تعزم خطيبتك علي الغدا .........

http://i3.tinypic.com/6aoufer.jpg

انا عارفة دا طبعا علي حبة عينك انك هتعزمها برة بس اهو للضرورة احكام بقي ......... ]

بص يا سيدي انت لازم تعزمها في محل محترم عشان البنات بتاخد بالها اوي من الموضوع ده عشان بعد كده لما تتخانقو ان شاء الله هتعيرك وتفضحك قدام اللي يسوا واللي ميسواش وتقولك يابخيل يا ايحه عزمتني فين ؟ وجبتلي ايه ؟ وانت عارف الستات ... فمن الاخر كده وديها محل محترم متجبش لنفسك الكلام ... ماشي
وانت ماشي معاها وداخلين المطعم متسحبهاش وراك زي المعزة التايهه قولها اتفضلي ياحبيبتي ادخلي ياقمر كده يعني

http://i8.tinypic.com/2yypms3.jpg

بعد كده ياسيدي حرمها تشتري ساندوتش فول من برة بس فوت العزومة دي
اسألها بقي علي رائيها في المطعم انا عارفة هتبصله بأرف كده

http://i34.tinypic.com/30bz5ky.jpg

وتقولك مش بطال وهي هتلاقيها عمرها ما دخلت المطاعم ولا عتبت بابها .......
اول حاجة تسحب كرسي وتقعدها الاول الاتيكيت بيقول كده متفضحناش تقول عليك مبتفهمش مش رايحين نقعد في مترو امصدقت لاقيت كرسي فاضي اول حاجة تسحب الكرسي وتقولها اتفضلي يا حبيبتي ...
بعد كده امسك المينيو وتقولها تاكلي ايه ؟ طبعا انت باصص في المنيو مش فاهم حاجة لا لاقي محشي ولا ملوخية ولا حتي رز وبطاطس فمن الاخر كده اللي هي تاخده خده انت كمان متجبش لنفسك الكلام انا عارفه هي اما تصدق وتطلب بقي وتستكشف هي كمان الاصناف دي فانت خليك ناصح وربط مع الجارسون اي صنف يزيد علي 50 جنيه يقولها خلص وانت ابقي شوفه بعدين دا الحل الوحيد امال هتقضيها يا باشا غسيل صحون او مسح بلاط !!!

http://i35.tinypic.com/11j28sj.jpg

الاكل جه ..... هتلاقي حاجات منتش عارف بتتاكل منين ...ّّ!! ولا يهمك
هتلاقي شوكة وسكينة اتصرف بيهم انا بقولك اتصرف مش اتخانق خلي بالك ... الاكل كده يكون بشويش ومن غير صوت متفضحناش

http://i33.tinypic.com/4vqvwi.jpg

انا عارفة هتلاقي عينات دول مش هيكفوك بس مسح زور بس دي حالة طارئة مش عايزين ننشر غسيلنا اللي مش نضيف برة قدام الناس هتقولي العيش دول جايبين بداله" قرص " ياسيدي اعتبر نفسك بتفطر بس
المهم خلصتو اكل .... قبل ماتفكر هي انها تطلب حاجة تاني اققعد كلمها واشغلها واتكلمو عن الحياة السعيييييييييييييييييدة اللي جاية ...
الحساب جه ...

http://i18.tinypic.com/2zdrjvd.jpg

حطها في بطنك بقي وادفع من سكات ومتنسااااااااااااااااااش تدي للجرسون بقشيش ..... هو الخراب مجاش علي البقشيش

توصل خطيبتك لحد البيت وبعد كده تليفون لمامتك
يا ماما حضري الغدا عقبال ماجي هتقولك ياحبيبي انت مش هتتغدي برة انت وخطيبتك هتقولها ايوة ياماما بس انتي عارفة اني مبعرفش اكل حاجة برة غير اكلك انتي ....!!!!

http://i18.tinypic.com/6878xtl.jpg

ههههههههههههههههههههههههه ههههههههههههههههههههههههه هههههه
حلوة اووووووووووووووى
بس في شباب بيعرفو وبيفهمو فكل اللي قولتيه داا
وفي مش بيعرفو وبينيلو الدنيا خالص
موضوع لذيذ
واحسن حاجه ماما ايه اللي هيا شايلاه دا؟؟
ماريله المطبخ تجنن و
واووووووو علي متخيرها قد الكوز

ههههههههههههههههههههههههه هههههههههههههه

طبعا نصائح غاليه بس للمبتدئين

مش للخبره وبالتوفيق

ميرسي لمروركم

اقتباس:

---

متسحبهاش وراك زي المعزة التايهه

---

ماهى مدوخانى لو سبتها ودخلت الاول هتتعاكس واطلع ادافع عنها وانضرب ماهما 5 عيال اللى بيعاكسوا ولو دخلت هى الاول هتتعاكس برضه :)) فهى تتنيل تمسك ايدى من سكات وبلاش تجبنا وجع دماغ وبعدين اول واخر مره هاخدها معايا فى حته جيبالى وجع الدماغ معزه متعبه :)):)):))


ثانكس على مرورك

من راءي فالحاله دي متخرجوش خالص =))
ميرسي علي المرور والرد

اقتباس:

---

طبعا انت باصص في المنيو مش فاهم حاجة لا لاقي محشي ولا ملوخية ولا حتي رز وبطاطس

---

قال يعنى هى اللى فاهمه
دى حركات كلها
مفيش احسن من اكل البيت والله
وانا ليه معزمهاش عندى فى البيت وسط اهلى
واجبلها كل الى هى عاوزاه
لان كل واحد بيتجوز البنت الى شايفها لايقه عليه
وعلى طريقته

شكرا على موضوعك
:)

هههههههههههههههههههههههه
والله موضوع جامد بس تفتكرى بعد كل ده الشباب فهمت :D
هههههههه
تسلمى للموضوع :x

اقتباس:

---

المشاركة الأصلية كتبت بواسطة THE_GAME

قال يعنى هى اللى فاهمه
دى حركات كلها
مفيش احسن من اكل البيت والله
وانا ليه معزمهاش عندى فى البيت وسط اهلى
واجبلها كل الى هى عاوزاه
لان كل واحد بيتجوز البنت الى شايفها لايقه عليه
وعلى طريقته

شكرا على موضوعك
:)

---

ميرسي علي مرورك وتعليقك

اقتباس:

---

المشاركة الأصلية كتبت بواسطة شيري العسولة

هههههههههههههههههههههههه
والله موضوع جامد بس تفتكرى بعد كل ده الشباب فهمت :D
هههههههه
تسلمى للموضوع :x

---

ههههههههههه اهوه محاوله لو مش فهموه هاعمل موضوع تاني ;)
ميرسي ياقمر علي مرورك وردك

http://al-qatarya.org/qtr/qatarya_AWT0dIjoYS.gif