طريقة الاكل و انت خارج مع خطيبتك..

**سوليتير** · 11 - 1 - 2009, 11:40 PM

نصايح لما تعزم خطيبتك علي الغدا .........

انا عارفة دا طبعا علي حبة عينك انك هتعزمها برة بس اهو للضرورة احكام بقي ......... ]

بص يا سيدي انت لازم تعزمها في محل محترم عشان البنات بتاخد بالها اوي من الموضوع ده عشان بعد كده لما تتخانقو ان شاء الله هتعيرك وتفضحك قدام اللي يسوا واللي ميسواش وتقولك يابخيل يا ايحه عزمتني فين ؟ وجبتلي ايه ؟ وانت عارف الستات ... فمن الاخر كده وديها محل محترم متجبش لنفسك الكلام ... ماشي
وانت ماشي معاها وداخلين المطعم متسحبهاش وراك زي المعزة التايهه قولها اتفضلي ياحبيبتي ادخلي ياقمر كده يعني

بعد كده ياسيدي حرمها تشتري ساندوتش فول من برة بس فوت العزومة دي
اسألها بقي علي رائيها في المطعم انا عارفة هتبصله بأرف كده

وتقولك مش بطال وهي هتلاقيها عمرها ما دخلت المطاعم ولا عتبت بابها .......
اول حاجة تسحب كرسي وتقعدها الاول الاتيكيت بيقول كده متفضحناش تقول عليك مبتفهمش مش رايحين نقعد في مترو امصدقت لاقيت كرسي فاضي اول حاجة تسحب الكرسي وتقولها اتفضلي يا حبيبتي ...
بعد كده امسك المينيو وتقولها تاكلي ايه ؟ طبعا انت باصص في المنيو مش فاهم حاجة لا لاقي محشي ولا ملوخية ولا حتي رز وبطاطس فمن الاخر كده اللي هي تاخده خده انت كمان متجبش لنفسك الكلام انا عارفه هي اما تصدق وتطلب بقي وتستكشف هي كمان الاصناف دي فانت خليك ناصح وربط مع الجارسون اي صنف يزيد علي 50 جنيه يقولها خلص وانت ابقي شوفه بعدين دا الحل الوحيد امال هتقضيها يا باشا غسيل صحون او مسح بلاط !!!

الاكل جه ..... هتلاقي حاجات منتش عارف بتتاكل منين ...ّّ!! ولا يهمك
هتلاقي شوكة وسكينة اتصرف بيهم انا بقولك اتصرف مش اتخانق خلي بالك ... الاكل كده يكون بشويش ومن غير صوت متفضحناش

انا عارفة هتلاقي عينات دول مش هيكفوك بس مسح زور بس دي حالة طارئة مش عايزين ننشر غسيلنا اللي مش نضيف برة قدام الناس هتقولي العيش دول جايبين بداله" قرص " ياسيدي اعتبر نفسك بتفطر بس
المهم خلصتو اكل .... قبل ماتفكر هي انها تطلب حاجة تاني اققعد كلمها واشغلها واتكلمو عن الحياة السعيييييييييييييييييدة اللي جاية ...
الحساب جه ...

حطها في بطنك بقي وادفع من سكات ومتنسااااااااااااااااااش تدي للجرسون بقشيش ..... هو الخراب مجاش علي البقشيش

توصل خطيبتك لحد البيت وبعد كده تليفون لمامتك
يا ماما حضري الغدا عقبال ماجي هتقولك ياحبيبي انت مش هتتغدي برة انت وخطيبتك هتقولها ايوة ياماما بس انتي عارفة اني مبعرفش اكل حاجة برة غير اكلك انتي ....!!!!

**أسوو** · 11 - 1 - 2009, 11:56 PM

ههههههههههههههههههههههههه ههههههههههههههههههههههههه هههههه
حلوة اووووووووووووووى
بس في شباب بيعرفو وبيفهمو فكل اللي قولتيه داا
وفي مش بيعرفو وبينيلو الدنيا خالص
موضوع لذيذ
واحسن حاجه ماما ايه اللي هيا شايلاه دا؟؟
ماريله المطبخ تجنن و
واووووووو علي متخيرها قد الكوز

**ابو تريكه** · 12 - 1 - 2009, 12:15 AM

ههههههههههههههههههههههههه هههههههههههههه

طبعا نصائح غاليه بس للمبتدئين

مش للخبره وبالتوفيق

**سوليتير** · 12 - 1 - 2009, 05:28 PM

ميرسي لمروركم

**moon_tears** · 12 - 1 - 2009, 08:19 PM

متسحبهاش وراك زي المعزة التايهه

ماهى مدوخانى لو سبتها ودخلت الاول هتتعاكس واطلع ادافع عنها وانضرب ماهما 5 عيال اللى بيعاكسوا ولو دخلت هى الاول هتتعاكس برضه

فهى تتنيل تمسك ايدى من سكات وبلاش تجبنا وجع دماغ وبعدين اول واخر مره هاخدها معايا فى حته جيبالى وجع الدماغ معزه متعبه

ثانكس على مرورك

**سوليتير** · 14 - 1 - 2009, 12:26 AM

من راءي فالحاله دي متخرجوش خالص

ميرسي علي المرور والرد

**THE_GAME** · 14 - 1 - 2009, 01:20 PM

طبعا انت باصص في المنيو مش فاهم حاجة لا لاقي محشي ولا ملوخية ولا حتي رز وبطاطس

قال يعنى هى اللى فاهمه
دى حركات كلها
مفيش احسن من اكل البيت والله
وانا ليه معزمهاش عندى فى البيت وسط اهلى
واجبلها كل الى هى عاوزاه
لان كل واحد بيتجوز البنت الى شايفها لايقه عليه
وعلى طريقته

شكرا على موضوعك

**شيري العسولة** · 14 - 1 - 2009, 03:13 PM

هههههههههههههههههههههههه
والله موضوع جامد بس تفتكرى بعد كل ده الشباب فهمت

هههههههه
تسلمى للموضوع

**سوليتير** · 17 - 1 - 2009, 11:26 PM

المشاركة الأصلية كتبت بواسطة THE_GAME

قال يعنى هى اللى فاهمه
دى حركات كلها
مفيش احسن من اكل البيت والله
وانا ليه معزمهاش عندى فى البيت وسط اهلى
واجبلها كل الى هى عاوزاه
لان كل واحد بيتجوز البنت الى شايفها لايقه عليه
وعلى طريقته

شكرا على موضوعك

ميرسي علي مرورك وتعليقك

**سوليتير** · 17 - 1 - 2009, 11:28 PM

المشاركة الأصلية كتبت بواسطة شيري العسولة

هههههههههههههههههههههههه
والله موضوع جامد بس تفتكرى بعد كل ده الشباب فهمت

هههههههه
تسلمى للموضوع

ههههههههههه اهوه محاوله لو مش فهموه هاعمل موضوع تاني

ميرسي ياقمر علي مرورك وردك

الموضوع: طريقة الاكل و انت خارج مع خطيبتك..

أدوات الموضوع

طريقة الاكل و انت خارج مع خطيبتك..

معلومات الموضوع

الأعضاء الذين يشاهدون هذا الموضوع

المواضيع المتشابهه

حصريا ::برنامج رنتك بأسم حضرتك مجانا. ومن غير ما تتصل وتدفع فلوس للمحطات الفضائية

توقيعك - صورتك الرمزية - مشاركاتك ( كل ده هتتحاسب عليه ) !!

كيف انت ياادم تعامل حواء ( حبيبت او خطيبتك او زوجتك ) تعلم ايها الشاب

ترضاها لاختك او والدتك او خطيبتك ؟....طيب تعالى قول رايك

الكلمات الدلالية لهذا الموضوع

ضوابط المشاركة