حكايتى ومشكلتى..ارجو ابداء ارائكم

الموضوع طويل شويه ..عايز وقت ..بس ياريت تقرأوه للنهايه

انا طالب جامعى فى سنه تالته

باختصار انا بحب بنت زميلتى

الحكايه ابتدت معايا كالآتى:

من أول ما دخلت الجامعه وانا كنت لما بشوفها كنت بحس ناحيتها بجاذبيه خاصه جدا معرفش ليه

بس لسه ماكانش فيه حب
المهم
مرت سنه أولى وتانيه ولما جت سنه تالته ..ومن حظى انها بقت معايا فى السكشن فبقيت اشوفها دايما

تطور الاحساس جوايا وزاد الاعجاب جدا بيها وتطور الى حب ..بس مكنتش بظهر الحب ده ..بس كنت احيانا ببص عليها وهى مكنتش واخده بالها..وبعد مرور ايم قليله ..فى يوم وانا خارج من السكشن مع واحد صاحبى وببص ورايا عشان اشوفها وهى خارجه لقيتها بتبص عليا بنظره قويه جدا وكأنها حست باهتمامى بيها..وانا فضلت ابصلها شويه وكنت مبتسم

وبعديها مشيت ..وتانى يوم لما كنت خارج من المحاضره ..كانت خرجت قبلى ..ولما خرجت لقيتها واقفه مع اصحابها ويتدور عليا وانا خارج

وانا كنت بدور عليها ..وجت عينيا فى عنيها تانى

المهم..فضلت النظرات مابينا دايما فى كل يوم اشوفها فيه

وبعدين انا فكرت وقولت لازم اكون ايجابى اكتر من كده عشان احافظ على حبها..وعشان انا للأسف خجول وهادى جدا بطبعى وهى كمان تعتبر زيى..فمحاولتش انى اكلمها..انما فكرت بطريقه تانيه خالص..فكرت بطريقه جديه شويه

حاولت اعرف اسمها بالكامل عن طريق السكشن وابتديت رحلة البحث عنها ..وحاولت اعرف هيا منين او ساكنه فين او اى معلومات عنها
فكرت انى امشى ورايا زى ماكل الناس بتعمل ..بس مجتليش الجراءه وخفت لا تشوفنى وتفتكر انى انسان مش مؤدب

جاتلى فكره انى اكتب اسم ابوها فى دليل التليفونات اللى على النت ..وفعلا لقيت رقم التليفون لنفس الاسم بس مكنتش متأكد قوى ومعرفتش اعمل ايه بعد كده
لحسن حظى وانا بكتب رقم التليفون على البحث فى جوجل لقيت من ضمن نتائج البحث ان الرقم ده مكتوب جوا الموقع الرسمى للجامعه بتاعتنا وجنبه اسم ابوها ولقيت انه شغال استاذ مساعد فى احدى الكليات..بصراحه فى الأول مصدقتش انه ممكن يكون ابوها بس لما شفت صورته لقيته فيه شبه كبير منها..فتوقعت انه يكون ابوها فعلا

فكرت بعد كده قولت انا لغاية دلوقتى ماستفدتش حاجه ففكرت وقررت انى اصارح والدتى بالموضوع ده عشان اختصر اللطريق

ومعرفش ازاى جاتلى الجراءه انى اخد القرار ده..المهم بعد عناء طويل من الاقناع قدرت انى اقنعها بالموضوع وانى اخليها تكلم ابويا كمان

وطبعا كنت خايف جدا..بس لما قالت لأبويا بصراحه لقيته على عكس ماتوقعت ولقيته اخد الموضوع بصدر رحب وقالى لو هيا انسانه كويسه ومحترمه واهلها ناس كويسين انا معنديش مانع انى اخطبك ليها.المهم اهلها يوافقوا بيك..وبالنسبه للحاله الماديه احنا الحمد لله حالتنا الماديه كويسه وعندناش مشكله من الناحيه دى.واتفقنا ان الكلام ده يحصل فى الاجازه

فرحت جدا ..وحسيت انى لازم اكون اكتر ايجابيه..وقررت انى اكلمها بس من غير مااصارحها
المهم فى يوم وانا خارج من السكشن خرجت قبلها واستنيتها ولما خرجت
وقفتها وقولتلها ..لو سمحتى ..فوقفت ولما جت عينى فى عينيها مقدرتش اتمالك نفسى ومقدرتش انطق بكلمه..بس بعد شويه كلمتها وعرفتها انى اعرف ابوها وان هو شغال فى كليه كذا وقولتها المعلومات اللى انا قريتها عنه على النت (وطبعا انا كان قصدى من الكلام ده انى اعرفها انى دورت وسألت عنها عشان تتأكد من حبى ليها) وبعدين قولتها ابقى سلميلى عليه ..قالتلى اسمك ايه؟ قولتلها اسمى ..بس قولتلها هو ميعرفنيش .انا اللى اعرفه بس(لحسن تروح تقوله ولا حاجه واروح فى داهيه)

المهم ..مشينا وانا كنت طاير من الفرحه انى شفت الانسانه اللى بحبها من قريب وعينيا جت فى عينيها ولسانى خاطب لسانى ..وبصراحه شفت فى عينيها الحب وانا بكلمها
وتانى يوم حسيت انها اتأثرت جدا بكلامى وانها بقت مشغوله بيا اكتر

وده كان اللقاء الوحيد حتى الآن مابينى ومابينها..وبعد كده رجعنا تانى نبص لبعض ..وكنت بحاول دايما ان مايفوتش يوم اشوفها فيه الا وانى اخلى عينيا تيجى فى عينيها

ومرت الأيام على الحال ده واحنا بنبص لبعض ..بس فى بعض الأحيان بحس انها بتقسى عليا شويه ..بس يترجع وتحن تانى على طول

والحكايه دى بقالها لغاية دلوقتى 5 شهور اهو والحال زى ماهو
ومش عارف هل استمر على الحال ده ..ولا اروح اكلمها..بس انا بصراحه خايف اكلمها عشان الفتره اللى جايه دى فترة امتحانات..ومش عايز اشغلها

انتو ايه رأيكو فى الحكايه دي؟
وايه المفروض انى اعمله؟

اسف انى طولت عليكم

الاول اهلا بيك معانا فى المنتدى نورتنا واحنا سعداء جدا بإنضمامك معانا ويارب نشوفك معانا على طول
بالنسبة لموضوعك انا مش شايفه منه غير ان الموضوع ماشى كده كويس اوى يعنى من كلامك انها تقريبا بتبادلك نفس الشعور حتى لما بتقول انها بتقسى عليك خلينا نقول انه تقل منها ودى طبيعه للبنات فعادى يعنى انها تتقل عليك شويه
انا شايفه ان المرحلة اللى جايه دى دورك انت خصوصا انك كلمتها وانها تقبلت منك الكلام ووقفت سمعتك للأخر وده معناه انها مستنيه منك اى كلام انا شايفه انك لازم تتكلم معاها وتصارحها بحبك وتثبت ليها انك انسان محترم وجاد وانك هاتدخل البيت من بابه بس انت مش عايز تتم خطوة عشان الامتحانات وطبعا الموضوع ده فى صالحها ولمصلحتها كلمها وفهمها انت عايز ايه منها وقولها على شعورك واحساسك ناحيتها
لازم بجد تواجهها المواجهه اهم شئ واسرع فى المواجهه عشان مش تندم بعد كده لما تضيع منك وبعدين اللى عايز حاجة بيسعى وراها
كلمها وصارحها وانا حاسه بجد انها هتفهمك وهاتكون من نصيبك خصوصا انها بتبادلك نفس الشعور
وربنا معاك
اختك ســــنــــــدس

شوف ياصديقى ... البنت بطبعها بتحب الهدوء والخجل بس مش بالزيادة دى .. يعنى انت فتحت معاها حوار بتقفله ليه ليه مش بتصارحها بمشاعرك وتعرفها نيتك
وان انت داخل البيت من بابه وانك عرفت اهلك والحمد لله انهم موافقين
انا من راى انك تعرفها وتتكلم معاها وتخليك شجاع مش هيحصلك حاجة وخصوصا انك ناوى على ارتباط رسمى ...
كلمها قبل مالبت تزهق منك ومن سكوتك وترجع تفتكر انك مش معجب بيها اصلا وبكده هتضيعها

شكرا يا اخت سندس على ردك ورأيك ..وان شاء الله ححاول هاصارحها واطمنك

شكرا يا m.chezoo ..على ردك ..وكلامك سليم واتمنى انى اقدر اصارحها..بس على فكره انا ببينلها اهتمام غير عادى سواء بالنظرات او الحركات لدرجة ان اصحابى واصحابها حسو بالموضوع..وده اللى مخوفنى اكتر ..انى لما اكلمها تانى انى الفت النظر لينا

اقتباس:

---

المشاركة الأصلية كتبت بواسطة eye-love-you

شكرا يا m.chezoo ..على ردك ..وكلامك سليم واتمنى انى اقدر اصارحها..بس على فكره انا ببينلها اهتمام غير عادى سواء بالنظرات او الحركات لدرجة ان اصحابى واصحابها حسو بالموضوع..وده اللى مخوفنى اكتر ..انى لما اكلمها تانى انى الفت النظر لينا

---

طالما انت مبتعملش حاجة غلط يبقى متخافش من حد وبعدين انت عايزها فى النور يبقى متقلقش من حاجة
انما بسكوتك ده ممكن الناس فعلا تتكلم

اقتباس:

---

المشاركة الأصلية كتبت بواسطة m.chezoo

طالما انت مبتعملش حاجة غلط يبقى متخافش من حد وبعدين انت عايزها فى النور يبقى متقلقش من حاجة
انما بسكوتك ده ممكن الناس فعلا تتكلم

---

المشكله انى اتأخرت شويه واحنا دلوقتى فى فتره فيها ضغط عشان الامتحانات فى اول 5 واحنا فى كليه عمليه ومحتاجه مذاكره
وانا مش عايز اشغلها واشغل نفسى فى الفتره دى

لان اكيد كلامى معها حتى لوتقبلته هيأثر فيها وممكن متركزش فى دراستها.. وانا مش عايز اضرها

اولا اهلا بيك فى المنتدى
ثانيا انا شايفة الموضوع اسهل من كدا بكتير دى مشاعر بريئة وراقية جدا يعنى من عيب انك تصارحها وكمان هى مستنية منك انك تصارحها بعد اللى قولتو دا انا شايفة انها مستنية انك تبدا
ههههههههه بس درجة الاهتمام انك تبحث على النت عن اسم ابوها دى لفة من بعيد اوى التعارف بين الطلبة فى الجامعة والزمالة شئ عادى مادام فى حدود واحترام متبادل طيب انت كلمتها مرة ترجع تسكت تانى وتبصلها من بعيد كنت روح تانى مررة اسالها سلمتيلى على بابا ولا لا ههههههه
وكمان روحت كلمت والددتك ووالدك قبل ما تتكلم معاها هو الكلام دا دليل على انك جاد ومش عايز تلعب بيها او بمشاعرها يعنى دا سبب يقويك ويخليك تكلمها وانت قلبك جامد
المهم عدى فترة الامتحانات دى وصارحها فى اقرب وقت بمشاعرك الجميلة دى لانها زى ما قلتلك مستنية انك تصارحها
وربنا يسعدك يارب
اختك سارة

اقتباس:

---

المشاركة الأصلية كتبت بواسطة سارة المصرية

اولا اهلا بيك فى المنتدى
ثانيا انا شايفة الموضوع اسهل من كدا بكتير دى مشاعر بريئة وراقية جدا يعنى من عيب انك تصارحها وكمان هى مستنية منك انك تصارحها بعد اللى قولتو دا انا شايفة انها مستنية انك تبدا
ههههههههه بس درجة الاهتمام انك تبحث على النت عن اسم ابوها دى لفة من بعيد اوى التعارف بين الطلبة فى الجامعة والزمالة شئ عادى مادام فى حدود واحترام متبادل طيب انت كلمتها مرة ترجع تسكت تانى وتبصلها من بعيد كنت روح تانى مررة اسالها سلمتيلى على بابا ولا لا ههههههه
وكمان روحت كلمت والددتك ووالدك قبل ما تتكلم معاها هو الكلام دا دليل على انك جاد ومش عايز تلعب بيها او بمشاعرها يعنى دا سبب يقويك ويخليك تكلمها وانت قلبك جامد
المهم عدى فترة الامتحانات دى وصارحها فى اقرب وقت بمشاعرك الجميلة دى لانها زى ما قلتلك مستنية انك تصارحها
وربنا يسعدك يارب
اختك سارة

---

ههههههههههه..فعلا انا لفيت من بعيد قوى..بس ده لانى لقيتها مش من نوع البنات اللى بتتكلم بسهوله لانها هاديه جدا
اتمنى انى اتجرىء واقدر اصارحها
على فكره انا لسه شايفها النهارده قدام الكليه كانت واقفه لواحدها وماسكه التليفون وكانت فرصه انى اكلمها لانى دايما بلاقيها بتمشى مع اصحابها نادرا مابتبقى لواحدها..بس انا برضه بصيتلها من بعيد وجت عينى فى عينيها وبعدين مشيت ..فشل بقى
شكرا جدا على ردك واهتمامك

بص يا مان لازم تروح وتكلمها وتقولها انك واخد الموضوع جد لان احنا البنات مبنحبش الولد المكسوف لازم تتجرأ شوية وتكلمها

اقتباس:

---

المشاركة الأصلية كتبت بواسطة mozo

بص يا مان لازم تروح وتكلمها وتقولها انك واخد الموضوع جد لان احنا البنات مبنحبش الولد المكسوف لازم تتجرأ شوية وتكلمها

---

الحكايه مش حكاية كسوف لانى فى الموضوع ده بالذات مستعد اعمل اى حاجه واقولها اى حاجه

بس انا مش عايز اتقدم بأى خطوه إلا لما اكون حاسبها كويس..لانى خايف ان حبى يضيع منى والانسانه اللى قلبى اتمناها تروح منى

شكرا لكل اللى ردو عليه..

بص يا باشا انت لازم تروح تكلمها علشان البنات مش بيحبوا
الولد اللى دايما مكسوف
بص انا بحب واحد خجول جدا و بيتكسف من اى حاجه بس ممكن كسوفه دا
يبعدنا عن بعض
فأنت لازم تروح تقولها انك معجب بيها علشان البنت متزهقش
اختك : سارة:)

بس المشكله انها دايما بتبقى واقفه مع اصحابها ..اكلمها ازاى؟..
وخصوصا ان اصحابها دول حاسين باهتمامى بيها وبيترقبوا نظراتى ليها

وفيها ايه لما يترقبوا نظراتك ليها عارف الانسان ما بيحب حد بيبقى عايز يقول بأعلى صوته انه بيحب ممكن وهى واقفه مع اصحابها بشكل شيك كده تسلم عليهم وتتطلبها لوحدها وتتكلم معاها عارف خدها كصديقة ليك وقولها انت عايز ايه واطلب منها رأيها ساعتها بجد هاتحس بيك اكتر
عارف ساعتها هاتعرف انت هاتعمل ايه من رأيها وبجد ربنا معاك وان شاء الله من نصيبك كلمها ومش تقلق وابقى طمنى انا متابعه معاك
سندس

شكرا ليكى على الاهتمام والرد

وان شاء الله هاعمل بنصيحتك وهاطمنك

واللهي حرام عليك

مستنيها مثلا تيجي تكلمك

يابني روح وكلمها

وزي ما قالتلك سندس اطلبها من بين صاحباتها بشكل شيك وكلمها

بص عاوز تصارحها بكل حاجه

اتكلم معاها كأنك بتكلم نفسك

ساعتها هتحس بيك بجد

وهتقدر حبك ليها

وابقى طمني انا متابع معاك يا برنكـ

أخوك الصغير الرخم / احمد ;)

شكرا يا احمد على الرد والاهتمام

وانا عارف انى قصرت فى انى اصارحها

وان شاء الله هاطمنك..

وليك الحلاوه

وفاز باللذات كل مغامر

لازم تروحلها وتكلمها عطول وتجمد قلبك

وربنا يوفقك

شكرا على ردك..وجملتك دى اثرت فيا جدا

وربنا يقدم اللى فيه الخير ومتصدنيش

اشكركم على الردوووووووود والاهتمام

انا رايى تصارحها بحبك ونيتك للارتباط بيها وطبعا لابد من ان تقى الله فى كل شئ نعمله وربنا يوفقك للخير دايما

شكرا ياحنين على الرد والاهتمام..وانا قررت انى اصارحها واللى يحصل يحصل..وان شاء الله خير

اقتباس:

---

المشاركة الأصلية كتبت بواسطة eye-love-you

انا قررت انى اصارحها واللى يحصل يحصل..وان شاء الله خير

---

مهو انت من اسبوع بتقول قررت ومشفناش حاجه

جمد قلبك وروح كلمها واسمع الكلام

وابقى طمنا

وربنا يوفقك يا برنكـ

:)

يابنى فى ايه0على راى احمد انتى بقالك اسبوع بتقول هتكلمها ومفيش جديد

يابنى روح كلمها قبل ما طير منك ويجى واحد تانى اجرأ منك ويقطع عليك السكه0وكانك يا ابوزيد ما غزيت
يابنى اتلحلح شويه واعمل خطوه ايجابيه0مينفعش اليومين
دول الطريقه ديه0اللى سبق كل النبأ يابنى0وانتى هتغنى ظلموه بعدين

طب يا باشا ما تصلي ع النبي
انت كنت قولت لوالدتك
و والدتك قالت لوالدك
قولت طبعاً لأصحابك
لآ وجيت قولت لينا هنا في الكافيه
يعني ع الاقل فيه بتاع مية الف شخص عرفوا الموضوع:D
تبقي فين المشكلة يا عم الحاج:D
يعني انت قولت لطوب الارض ومقولتش ليها هي:D:D
وبعدين يا بركة طالما انت ماشي دوغري:D
تبقي واد تمام
اسأل عليها كويس
واتوكل علي الله وروح اخطبها
وربنا يوفقك يا بركة
بس يا ريت تبقي تعزمنا هنا
ولا هو مين لقي..........نسي.........:D:D

اقتباس:

---

المشاركة الأصلية كتبت بواسطة انتهينا

مهو انت من اسبوع بتقول قررت ومشفناش حاجه

جمد قلبك وروح كلمها واسمع الكلام

وابقى طمنا

وربنا يوفقك يا برنكـ

:)

---

انا روحتلها فعلا وكلمتها تانى يوم الأحد بس ماقدرتش اصارحها.. واتكلمت معاها اى كلام ملوش لزمه حتى هى اتلخبطت من الكلام

,وبعدين ضحكتلها فى الآخر ومشيت وهى بتبصلى باستغراب

انا كنت ناوى اصارحها فعلا ..بس للأسف حصل اللى كنت خايف منه ولقيت صاحبتها لازقه فيها ..فقمت مألف اى موضوع

بس بصراحه انا احرجتها جدا لانى كلمتها وهى داخله المدرج وكل الطلبه شايفانا وسمعانا وهى اتكسفت جدا

وقولت انها هتزعل منى بعد كده بس الحمد لله تانى يوم لقيتها زى ماهى وبتبصلى بحب برضه وحسيت ان هى اتأثرت جدا بعد كلامى

اقتباس:

---

المشاركة الأصلية كتبت بواسطة eye-love-you

انا روحتلها فعلا وكلمتها تانى يوم الأحد بس ماقدرتش اصارحها.. واتكلمت معاها اى كلام ملوش لزمه حتى هى اتلخبطت من الكلام

,وبعدين ضحكتلها فى الآخر ومشيت وهى بتبصلى باستغراب

انا كنت ناوى اصارحها فعلا ..بس للأسف حصل اللى كنت خايف منه ولقيت صاحبتها لازقه فيها ..فقمت مألف اى موضوع

بس بصراحه انا احرجتها جدا لانى كلمتها وهى داخله المدرج وكل الطلبه شايفانا وسمعانا وهى اتكسفت جدا

وقولت انها هتزعل منى بعد كده بس الحمد لله تانى يوم لقيتها زى ماهى وبتبصلى بحب برضه وحسيت ان هى اتأثرت جدا بعد كلامى

---

ايوه كده كويس اوي اوي

بس لازم تتشجع اكتر وتقولها

بص انت تختار وقت كويس وتحاول بقدر المستطاع ميكونش حد لازق بيسمعكوا مع اني عارف ان ده مستحيل هههههههههه

بس شوف لو مكسوف اوي اوي كده ابدأ اخترع مواضيع وكلمها فيها

وحاول كل مره المقابله بينكم تكون اطول من الي قبلها وخليك معاها اطول وقت ممكن وبلاش ربكه وحياة ابوك في الكلام

بعدها شويه بشويه هتحس انك قربت منها جدا وهي كمان هتلاقيها بدأت تفتح معاك مواضيع وبعد اسبوع كده صارحها

وقولها على كل حاجه .. هي اه هتتكسف في الاول شويه وهتبص في الساعه وتقولك ((( تؤتؤ اتأخرت جامد سوري لازم امشي )))

هههههههههههههههه

انا عارف .. ولو ده محصلش ليك الي انت عاوزه :-P

وربنا يوفقك يا حبيب ألبي

وابقى طمني والنبي :)

سلاااااااااام

انا شيفة ان فيه خوف وقلق فمشاعرك......وتردد جامد جدا
انصحك بحاجة اول ماتحس انك عايز تعمل حاجة تعملها علطول متسبش عقلك يشتغل كتير لانه لو اشتغل كتير هيخوفك وهيخليك خايف تعمل اي حاجة وهيخليك ديما متردد
وبعدين انت بتحبها وعايز ترتبط بيها باقي عمرك يعني مش تسلية وبس...
يبقا من رأيي تروح تصارحها بحبك.....ايوة قلها ان انت بتحبها وقلها على كل حاجة حاسس بيها نحيتها......
صارحها بسرعة قبل مايفوت الوقت وتلاقيها ضاعت منك وساعتها هتقول يا رتني قلت ويا رتني ماخفت........
واهلا بيك عضو جديد فالمنتدى واتمنا يكون رايي عجبك وانك تعمله حسب ماقلبك بيقلك ........
واسفة لو كنت طولت عليك
لميس...........

انا حصل لى نفس الموقف فمن الافضل انك تقولها انك واخد الموضوع بجديه فلو هي موافقه تقولك وتاخذ خطوه ايجابيه وانا حاسه انها تبادلك نفس المشاعر وربنا يوفقكم =((

شكرا لكل اللى ردوا

وان شاء الله اقدر اروحلها واقولها

وعلى فكره يا سالى ..هى اسمها على اسمك

يا جميل انت ياخجول ههههههههههههههههههه
أقولك انت تعمل ايه وربنا يوفقك
انت معها فى الكلية ونفس السكشن انت تروح تسئلها عن المحاضرات والمهم ولو معاك حاجة مهمة تقولها
وأكيد انت مصرى لازم تضحك وضحكها ازى
فى وسط الحديث قول دعابه يأخى
وحول تتوسط فى الحديث شوية كده وشوية كدة
وبعد كده هتقول اهم حاجة تتجوزينى وانت بتضحك وعينك فى عنيها ضحكت تبقى تمام يامعلم نفضتلك انت كدة هتدخل فى مرحلة تانية
طبعا الكلام اللى قولته ده بعد كذا لقاء والتعارف واللى بتحبه واللى بتحبوا هى وكده
وبالشفى ياروميو اخوك وسام
:x:x:x:x:x:x:x:x:x>:D<>:D<>:D<>:D<:x:x:x:x:x:x:x:x

تصدق وتامن بالله نفس الحكايه دى معايا بس الفرق بينى وبينك ان انتا صرحتهم فى البيت انما انا مش قادر بس انا فى الفرقه الاولى

اقتباس:

---

المشاركة الأصلية كتبت بواسطة وسام المصرى

يا جميل انت ياخجول ههههههههههههههههههه
أقولك انت تعمل ايه وربنا يوفقك
انت معها فى الكلية ونفس السكشن انت تروح تسئلها عن المحاضرات والمهم ولو معاك حاجة مهمة تقولها
وأكيد انت مصرى لازم تضحك وضحكها ازى
فى وسط الحديث قول دعابه يأخى
وحول تتوسط فى الحديث شوية كده وشوية كدة
وبعد كده هتقول اهم حاجة تتجوزينى وانت بتضحك وعينك فى عنيها ضحكت تبقى تمام يامعلم نفضتلك انت كدة هتدخل فى مرحلة تانية
طبعا الكلام اللى قولته ده بعد كذا لقاء والتعارف واللى بتحبه واللى بتحبوا هى وكده
وبالشفى ياروميو اخوك وسام
:x:x:x:x:x:x:x:x:x>:D<>:D<>:D<>:D<:x:x:x:x:x:x:x:x

---

شكلك فاهم يا نصة:D:D:D

اقتباس:

---

المشاركة الأصلية كتبت بواسطة وسام المصرى

يا جميل انت ياخجول ههههههههههههههههههه
أقولك انت تعمل ايه وربنا يوفقك
انت معها فى الكلية ونفس السكشن انت تروح تسئلها عن المحاضرات والمهم ولو معاك حاجة مهمة تقولها
وأكيد انت مصرى لازم تضحك وضحكها ازى
فى وسط الحديث قول دعابه يأخى
وحول تتوسط فى الحديث شوية كده وشوية كدة
وبعد كده هتقول اهم حاجة تتجوزينى وانت بتضحك وعينك فى عنيها ضحكت تبقى تمام يامعلم نفضتلك انت كدة هتدخل فى مرحلة تانية
طبعا الكلام اللى قولته ده بعد كذا لقاء والتعارف واللى بتحبه واللى بتحبوا هى وكده
وبالشفى ياروميو اخوك وسام
:x:x:x:x:x:x:x:x:x>:D<>:D<>:D<>:D<:x:x:x:x:x:x:x:x

---

حلوووووووووووووه اوي افكار 2009 دي

والمصحف انك عسل يابني

وشكلك فاهم يا مان :D