عرض للطباعة
اخواتى الكريمات كلنا الان نشكو من ضيق الوقت ودخول الامتحانات والصيف ومعظمنا يستيقظ من النوم يفكر فيما ياكل اليوم
فما رائكم ان نقوم جميعا بعمل موضوع كامل نرجع اليه عند الحاجه فكلا منا تتقدم بافكارسهله وخفيفه وغير مكلفه لنستفيد منها جميعا
اتمنى منكن المشاركه
وجزاكم الله كل خير
:x:x:x:x:x
سلطة الربيع
المقادير
طماطم
خيار
فلفل الوان
لانشون اى نوع
بقدونس وكزبره
خس
زيتون اخضر
ليمون والقليل من زيت الزيتون
الطريقه
تقطع الطماطم قطع صغيره وايضا الخيار والفلفل
يقطع الانشون لمربعات
ويقطع البقدونس والكزبره تقطيع ناعم
ويقطع الخس
توضع المكونات كلها فى طبق وتمزج ببعضها ومن فوقها الليمون وزيت الزيتون
بالهنا والعافيه
يقدم هذا الطبق مع الارز الابيض
:x:x:x:x:x
شورما الدجاج
المقادير
صدور فراخ مقطعه قطع شورما
بصل مقطع جوانح
ملح فلفل كمون
بصله ناعمه جدا للتتبيل
ثوم مدقوق ناعم
خل وليمون
القليل من الزيت او السمن حسب الرغبه
عيش لبنانى اوكيزر
مايونيز كاتشب
خس وطماطم
الطريقه
تتبل الفراخ بالبصل الناعم والثوم والملح والفلفل الكمون
والخل والليمون
توضع فى الثلاجه لليوم التالى
نضع المقلاة على النار ونضع البصل الجوانح حتى يزبل ثم نضع الفراخ المتبله وتقلب حتى تنضج
نحضر العيش اللبنانى ونضع الشورما على الطرف ويلف كالسويسرول
او نضع الشورما فى الكيزر
يقدم معها المايونيز والكاتشب ويوضع حسب الرغبه
مع الخس والطماطم
وبالصحة والهنا
:x:x:x:x:x
الموضوع مش عجبكم ولااه
:x:x:x:x:x
مين قال أنه مش عاجب؟؟؟؟؟
بس أحنا معظمنا سننا صغير و بالتالى بنطبخ كام حاجه بالعافيه
يعنى حضرتك حطى الأكلات و أحنا نقول رأينا
شكراً لكى ;)
جمبرى بانيه
جمبرى أى حجم ـــ ملح و فلفل ــ كتشب ــ مستردة ــ عصير ليمون ــ شطة حسب الرغبة ــ نقطتين خل
يقلب الجمبرى فى التتبيل و يترك أى مدة من ساعة ليوم عادى ثم يغمس فى دقيق ثم بيض مربوب ثم بقسماط و يقلى فى زيت غزير حتى يبقى لونه دهبى و يقدم مع ارز ابيض او ارز السمك المعروف
بس كده .. ألف هنا و شفا
قولولى بقى رأيكم
تسلم ايدك
اكله سريعة وخفيفه ومش حتاخد وقت
تسلمى
:x:x:x:x:x
اصابع الجلاش
المقادير
جلاش مقطع لمربعات 20 فى 20 سم
للحشو
لحم معصجه
او جبن قريش ببقدونس وفلفل اخضر
او بطاطس مهروسه ببقدونس
الطريقة
ناخذ ورقة جلاش ندهنها بقليل من السمن ونضع الحشو حسب الرغبة تلف ورقة الجلاش اصابع وتوضع فى صينية مدهونة بالسمن ويلمع الوجه بصفار البيض توضع فى الفرن حتى يحمر الوجه
وبالصحة والهنا
:x:x:x:x:x
بطاطس بالبيض المسلوق
المقادير
5 بيضات
4 حبات بطاطس متوسطة الحجم
3 ملاعق كبيرة زيت ذرة
1 ملعقة صغيرة بهارات
ملح وفلفل
الطريقة
تغسل البطاطس جيدا وتسلق فى الماء بقشرها حتى تنضج ثم تصفى وتقشر وتقطع قطع صغيرة
يسلق البيض حتى ينضج جيدا يقشر البيض ويقطع قطع صغيرة كالبطاطس
يخلط البيض مع البطاطس والبهارات والملح والفلفل فى طبق كبير ونضيف فوقهم الزيت ونقلب المكونات جيدا
وبالصحة والهنا
:x:x:x:x:x
تسلم أيدك و يعطيكى العافية
سندويشات اللحم المفروم :
http://hawaaworld.com/vb/files/15891/7540x400.jpg
ساندويتش لحم مفروم
المقادير:
- لحم مفروم - طماطم مقطع - بقدونس - ملح - فلفل أسود - بصل مقطع
- خبز خفيف ويفضل الصغير .
الطريقة:
ملعقة زيدة وتضعى عليها البصل مع التقليب لما يدبل البصل شوية ضيفى الطماطم
ثم ضعى الملح والفلفل الاسود ثم ضعى اللحم و قلبيهم دقيقتين على النار ثم ضعى كوب ما واتركيها على النار حتى تنضج
2- نفتح الخبز مع الجانب فتحة صغيرة ونحشيه باللحمه بعد أن تبرد*ثم تلف بورق شفاف بعد دهن الورق والخبز بقليل من الزبدة، ثم توضع في الفرن على نار هادئة من20 إلي25
تسلم ايدك ياساره
يله عايزين تانى
اكلات من المنصورة بقى
:x:x:x:x:x
المقادير:
شرائح خبز فرنسى او ايطالى مقطعة بالعرض
بيض مخفوق مع شوية ملح وفلفل أسود
مبشور جبن والأفضل يكون موزاريلا
زيت للقلى
الطريقة:
غمسى الشرائح فى البيض واقليها وبعد الإنتهاء
خذى كل شريحة ورشى عليها الجبن
وإن أردتى ضعى معها حبة زيتون على كل شريحة
وأدخليها الفرن أو المايكروييف إلى ان تسيح الجبنة
وبالصحة والهنا
:x:x:x:x:x
مرسى كتير ياقمر
اقتباس:
المشاركة الأصلية كتبت بواسطة jewel_lowis
شكرا على مرورك الطيب
:x:x:x:x:x