يبقي انت اكيد فى مصر

لما تذاكر جامد ولا تنجحش..... يبقى إنت أكيد أكيد فى مصر.........
لما تتخرج ولا تشتغلش ........ يبقى إنت أكيد أكيد فى مصر
......... لما تشتغل ولا تكسبش ......... يبقى إنت أكيد أكيد فى مصر.........
لما تحب وتفشل....يبقى انتا اكيد أكيد فى مصر.......
لما تخطب كده ولاتتجوزش....يبقى إنت أكيد أكيد فى مصر .........؟؟؟
عظيمه يا مصر يا أم الدنيا

لما تلاقى من كل بيت خارج مدرس خصوصى يبقى انت أكيد أكيد فى مصر

لما تطلع بطاقة انتخابية وتروح تنتخب ويقولك ان سيادتك ميت يبقى انت اكيد فى مصر

لما تهز وسطك وتلاقى نجاح باهر والناس بتصقفلك يبقى انت أكيد أكيد فى مصر

لو جبت في الثانوية العامة فوق الـ90% ومدخلتش إلا التجارة.. تبقي أنت أكيد في مصر

لو دخلت مستشفي تشيل الزايدة واتسرقت كليتك.. تبقي أنت أكيد في مصر

لو دخلت مكتب حكومي وقالولك فوت علينا بكرة.. تبقي أنت أكيد في مصر

لوخلصت دراستك وخدت الشهادة وقعدت علي القهوة سنين لحد ما الحكومة توظفك.. تبقي أنت أكيد في مصر

لو أنت في بلد ربع سكانها ساكنين في عاصمتها.. تبقي أنت أكيد في مصر

لو سألت عسكري المرور تعرف تكتب وتقرا ورد وقال أعرف أقري وأكتب بس نمر العربيات.. تبقي أنت أكيد في مصر

لو لقيت عجوز وعجوزة ماشيين ومعاهم سلم خشب لزوم طلوع الرصيف.. تبقي أنت أكيد في مصر

لو لقيت سواقين العربيات راسمين أحزمة أمان علي صدورهم تبقي أنت أكيد في مصر

لو سمعت الناس بتتجنب الذهاب لأقسام الشرطة منعا للبهدلة تبقي أنت أكيد في مصر

لو سمعت أن القضايا بيتحكم فيها بعد وفاة المتقاضين.. تبقي أنت أكيد في مصر!

لو سمعت كلمة أهلا يا باشا وائمورني يا باشا.. تبقي أنت أكيد في مصر

لو شفت الست تخلع جوزها بعد طول عشرة.. تبقي أنت أكيد في مصر

لو حد النهاردة اسمه بوحة وإمبارح كان اسمه اللمبي والحد ده يقش ملايين.. تبقي أنت أكيد في مصر

لو سمعت الكبير بيقول للصغير حضرتك تبقي أنت أكيد في مصر

لو سمعت إن فيه ناس بتتجوز في خمس أو سبع نجوم وناس تانية مش لاقية تتجوز.. تبقي أنت أكيد في مصر

لورحت مرة تصلى فى جامع وبعد الصلاة تلاقى اللى بيقولك خلاص يا افندى احنا

بنقفل وهنفتح على معاد الصلاة الجاية تبقي أنت أكيد في مصر


لما تلاقى الجد فى ايده حفيده و الناحية التانية الشيشة فى ايده

يبقى انت اكيد اكيد فى مصر ... يبقى انت اكيد اكيد فى مصر



لو لقيت محدش رد على الوضوع يبقي انت اكيد اكيد فى مصر

على فكرة بقى انت قولت كل الوحش
طيب فين الحلو بقى :-O
صدقنى لو ماكنش فية حاجة حلوة ماكنش زمانك انت عايش
كل البلاد فيها الحلو وفيها الوحش
بس عيبنا اننا دايما بنظهر الوحش للناس مش عارفة لية #:-S
تسلم كتير للتوبك

فعلا عندك حق احنا دايما بنظهر الوحش بس فى ايه حلو فى مصر عشان تقولى الكلام ده
ولو انا معنديش حق يبقي ليه الشباب بتسافر تهريب
عشان طهقانين منها
وميرسي على ردك

كلام كله صح يادودي بس مافيش حاجة بأيدينا
ولو اتكلمنا نبقي احنا جيل فاشل يبقي ناخد بجزمة ونسكت
ميرسي لطرحك للموضوع وتقبل مروري
وعلي فكره مافيش فايده

والله فعلا كلامك مظبوط بس السلبيات بقت اكتر من الايجابيات
نايس توبيك
تقبل مروري

بجد ياريماس انتى وtreminitor
مش لاقى كلام اقدر اعبر لكم بيه عن خالص امتنانى واعتزازى بردودكم وبستنى انكم تردوا عليا دايما
ودايما مستنيكوا
وشكرا ليكم بجد

الله على التوبيك ده ولهى روعه قال كل اللى فى نفسى من كلام هى دى الحقيقه ونفسى الاقى حاجه ايجابيه واحده بس ليه ما اتكلمتش عن المدارس والمدرسين اللى بيقعدوا على باب الفصل واى طالب يساله سوال يقول له بتاخد درس عندى يقول الطالب لا يقول طب اقعد وطالب تانى بياخد عنده درس يساله نفس السوال يجاوبه انا بجد عمرى ماشوفت ولا هاشوف تعليم كده وشكرا كتير يا دودى

شكرا يا محمد على ردك
وانشاء الله اكيد فى مواضيع جاية فيها كل السلبيات فى التعليم ولكن بدون غلط
وانتظر الجديد

MarCiiiiiiii
>:D<>:D<

مرسي جدا علي طرحك للموضوع :)
وعلي الرغم من انك ذكرت العيوب فقط ولم تذكر المميزات
واعذرك لان السلبيات اكتر بكتير 8-|

ميرسى بجد كل الحاجات دية فى مصر

تقريبا مفيش حاجه حلوة

بس كفاية طيبه وتعارون اهلها دية بالدنيا كلها

تقبل مرورى

شكرا على الردود بس يجماعة مصر فيها حاجات حلوة
بس اكتر حاجة مضايقانى الكوسة والواسطة
وعلى راى واحد
لو نيلك يامصر صلصه مش هيكفى للكوسة اللى فيكى

كلام سليم يادودى

تسمحلى بس باضافه صغيرة حصلتلى

لو ماشي بتدور علي شارع الغيث في الدقي وسألت عسكرى واكدلك انه يعرف مصر حارة حارة وشارع شارع .. ورحت مطرح ماوصفلك وتلاقي نفسك فاضلك5 دقايق وتكون علي حدود ليبيا(مش ليبيا طبعا ده دليل علي انه توهنى جدا جدا :()
تبقي انت يادودى اكيد في مصرX-(

ولما تدخل المترو الاقي كل اللى قاعدين شباب وواقف اكتر من واحد في سن والدى وجدى وملاقيش حد عنده دم يقوم يقعدهم وانا اللى اقوم وهما حاطين رجل علي رجل .. تبقي انت يادودى اكييييييييييد في مصرX-(X-(
والموقف ده بالذات بيحصلي كل يوم وانا راحه الجامعه لدرجه انى اتغاظت اوى فبقيت بدل ماادخل اقعد ارتاح عشان اقدر اكمل
بقيت اقعد والله العظيم عشان احجز مكان لست عجوزة او راجل عجوز يمكن يدخلو وميلاقوش مكان



وكالعاده
ج
ا
م
د
يادودى
مستنين جديددددددددددك;)

ايه ياعم احنا فى الكافيه ولا فى شات مع بعض

اقتباس:

---

المشاركة الأصلية كتبت بواسطة dody samoul

فعلا عندك حق احنا دايما بنظهر الوحش بس فى ايه حلو فى مصر عشان تقولى الكلام ده
ولو انا معنديش حق يبقي ليه الشباب بتسافر تهريب
عشان طهقانين منها
وميرسي على ردك

---

ياااااااه مفيش اى حاجه شايفها حلوه فى مصر خالص
احمد ربنا ...غيرك مش لاقى لقمه ياكلها ولا شويه ميه يشربها
وكل ده ليه......عشان بنخلص دراسه ومش لاقيين شغل
مش انت لوحدك اللى كده
بس فى اللى عندهم عزيمه .....وصبر ....وايمان بالله اكبر من اى حاجه
والى بتقول عليهم بيسافرو تهريب دول عشان مش طايقنها ..... ده عيب اصلا اننا نقول عليهم مصريين
احب اقلك ان مصر هى اللى مش طايقاهم
والسفر بالطريقه دى مش اكتر من انهم ناس طماعه .....ومش راضيين باللى ربنا قسمهولهم
على فكره
عيب عليك جدا لما تقول كده على بلدك .."طهقانين منها" انا مش عارفه انت قدرت تقولها ازاى

تحياتى ليك بس اتمنى انك تغير فكرتك شويه
مصى اسمى من كده بكتير....مش ذنب البلد ان احنا كسلانين

واسمحولى اقول حاجه كمان
مش عشان احنا صحاب يبقى نجامل بعض

تحياتى ليك مره تانيه

ميرسي على ردك يابسبوسة بجد والله العسل بتاعك كتير اوى
اما ياyasoo
سواء كنت واحد او واحدة الكلام اللى بتقوله ده محدش يقتنع بيه
وباختصار لما نبقا فى بلد لعيبة الكورة والممثلين وكمان المغنين يبقوا عايشين عيشة تمام
واللى يعينى هارى نفسه مذاكرة وعلم طول حياته ميبقاش له لزمة ويسلام لما يتوظف يتعين ب160 جنيه
يدوب مواصلات يبقي يحق لنا اننا نقول اى حاجة وياريت محدش يزعل دى الحقيقة وكفيانا تزوير بقي

تسمحلى بعد اذنك يادودى ارد علي yasooانا كمان

yasoo
بصي انا مقدرة كلامك اوى وحسه فيه انك مش بتحبي مصر بس , انتى بتموتى فيها وانا كمان ودودى
بس الكلام اللى بيقوله دودى في موضوعه صح وكمان في رده عليكى
احنا هنا بقينا نعشق الهيافه ونطورها ونشجعها
_واعتقد انتم فاهمين كلامى _
لكن اللى بيشتغلو بجد وصابرين وعندهم عزيمه ملاقوش حد يشجعوهم ولا حتى لقو فرصه عمل كويسه يثبتو فيها نفسهم
انا واحده من الناس شوفت بعنيا ناس كانت مرتبطه والموضوع فشل عشان لما طهههههههق من هنا سافر _مش عارفين يتجوزوا_
مش طمع ابدا ان الواحد يحب انه يتعامل كانسان وانه يلاقي شغل كويس وناس تقدر امكانياته
ولو انتى يا yasooاتقدملك واحد بيقبض علي رأى دودى 160 جنيه , استحاااااااااااااله أهلك يوافقو
لكن لو اتقدملك واحد كان شغال بره ده بيبقي اكيد مكون نفسه وهيعمل لنفسه مشروع هنا يكسب منه او حتى ياخدك ويرجع تانى مطرح مكان مسافر , في الحاله دى اهلك هيوافقو (وعلي فكرة اللى سافر ده استحاله لما يرجع يشتغل شغل حكومى )
وانا طبعا مش بقول انهم ماديين لاسمح الله بس فيه مثل بيقولك( مالك مغليها قال دافع دم قلبي فيها )
والدك مش يصرف عليكى اد كده ويعلمك ويكبرك وبعد كده تتجوزى واحد بيقبض 160 لانه عارف انك بعد الشر هتتبهدلى جامد

انا مش ماديه لكن الاهل بيفكرو كده

وعموما ده رأيك وكلنا بنحترمو :)

ومعلش فيه حاجه كما
ن رد وكمان اضافه لموضوع دودى
احنا هنا ممكن نكون قاعدين عالكمبيوتر وبنرد واحنا ججمبنا المروحه اوالتكييف ومفيش اى مشاكل
لكن الناس اللى بيسافرو دوول تحت خط معظمهم الفقر بكتير ومطحونييييييييين
لا فلوس معاهم واذا كان فيه شغل بيبقي يهددددددددد الحيل ولا فيه مكان نضيف عايشين فيه
والله بدل مايجيبو شاكيرا ولا نانسي ولا هيفا ويعملولها حفله هاااااااايله ومصاريف والكلام ده عشان ترقص شويه وتغنى بدلع والهبل ده وتاخد في الاخر ملايين كانو حتى يفتكرو الناس دوول بنص مليون مادام احنا اغنيا كده ومش عارفين نودى الفلوس فين
اعتقد اللى تابع برنامج واحد من الناس نعرف اد ايه الناس متبهدللللللله انتم لو شوفتوه تعرفو احنا وصلنا لفين بالظبط
فيه قري كتير اوى عايشين في ميه المجارى كأنهم حواليهم شط اسكندريه
ومسلمين امرهم لله , محدش سامعهم ولا حد حاسس بللي هما فيه
دوول بقي اللى ممنهم بيسافر حتى لو سفر مش عن طريق مش مشروع زى ايطاليا كده...هل ده طمع؟؟؟؟؟؟؟؟
غير كده البنت غير الولد
الولد عليه مسؤليات
لازم يكون نفسه لانه هو اللى بيجيب الشقه وبيشارك في فرشها وشبكه وهم مايتلم
لكن احنا معتقدش ان علينا مسؤليه كبيرة للدرجه اصلا غير اننا نلبس الشبكه ونقول انا عايزه الفرش ده وده لا , وملناش دعوه بالتمن وهو في الاخر اللى بيدفع.. عشان كده الولد بيدور ويحاول ويشتغل شغل مرتبها كبير عشان يقدر علي المسؤليات دى كلهااااااا سفر بقي او في مصر ده مش ذنبه

ياريت كلامى يكون خفيف عليكم
وبردو مستنيين جديدك يا
ج
ا
م
د
;)

والله كلامك كله حكم يابسبوسة
بس انتى عرفتى موضوع المجارى دى منين
انتى مين بالظبط

انا مين بالظبط؟؟؟؟؟

:Dانا بسبوووسه عضوة في موقع مصراوى كافيه:D

لا بجد
احسن برامج تقدر تعرف منها كل اخبار البلد ((( الاخبار الحقيقيه )))
هو برنامج الطبعة الاولى وبرنامج واحد من الناس
دوول زى مابيقولو كده بيجيبو من الاخر ويفهموك اللى فيها من غير لاتزويق ولا تزييف ولا مجامله لحد

وموضوع المجارى ده كنت متابعاه في برنامج واحد من الناس
ياريت تكون متابعهم دى برامج جامده بجد

شكرا علي الموضوع الجميل;;)

ميرسي يا انمى على مرورك
اما نتى يابسبوسة بجد والله حسيت انك فعلا مثقفة وده مش كويس عشانك
يابنتى اللى عايز يعيش فى البلد دى يبقي لايسمع لايرى لايتكلم
والبرامج اللى بتابعيها دى اكيد مش بسمعها لاى مش ناقص خنقة
وزى مابقول دايما كفاية كده يامصر جبتى اخرك معايا

ههههههههههههه عندك حق و الموضوع جااااامد

عندك حق
بس العكس
يعنى لازم اعرف ايه اللى بيجرا حواليا حتى لو هيبقي موقفي سلبي
يعنى افهم واطنش بمزاجى
بس لااااازم افهم

وفي وقت اللزوم وعددددد أنفذ نصيحتك بالحرف الواحد:D
وهعمل نفسي لااري لااسمع لااتكلم
دى حتى الحاجات دى بيقولو عليها تلت اربع الجدعنه
;)صوح ولا مش صوح;)

وكفايه بقي كلام في السياسه لغاية كده لحسن انا وانت بدل ماانكمل دراستنا في الجامعه نكملها في.....
وتحيا مصر
:-SS:-SS

بقولك ايه يا احمد بيه انت خنقتنى من مصر بتعتك دى وحنا مخنوقين منها خلقه وانت جى تسخن ولا ايه اهدى شويه يا عم القمور:)):)):))

عم القمور يانهار منيل بقي انتى مفكرانى فرفور وبسكوتة وكدا لا حاسبي
انا المعلم يعنى الدماغ الكبيرة
او بمعنى اصح كبير القعدة

ماشى يا كبير القعده :)):)):)):)):)):))

بجد موضوع جاااااامد اخر حاجه وكلامكو كله صح...بس انا عايزه اسألك سؤال يا احمد ، انت بتحب مصر؟؟حاسس ان عندك انتماء ليها وبتحبها؟؟:-/
ياريييت تجاوب عليا وليا رد تاني بعد ما تجاوب.

كلنا بنحب مصر بس اللى بيحصل فيها زاد عن حده والاستاذ احمد مش غلطان فى التعبير عن أرائه وزى مانتوا بتقولوا ان مصر فيها الحلو وفيها الوحش بس الوحش زاد وريحته طلعت وكل الناس عارفه الكلام ده مش احمد اللى هايفضحنا انا بحييك على شجاعتك ياأحمد وربنا معاك

ههههههههههههههههههههههههه هههه بس موضوع عسلhttp://www.se7o.com/kb/Smileys/classic/bt2olah.gifلما تلاقى حد عامللك كده بعد التوبيك ده ...................يبئى انت اكيد اكيد فى مصر http://www.se7o.com/kb/Smileys/classic/bt2olah.gifخد احتياطاطك بئه http://www.se7o.com/kb/Smileys/classic/hunter.gif

ميرسي بجد يا جماعة على الردود
بجد انا بستنى ردرودكم على المواضيع وربنا ميحرمنيش منكو
اما بالنسبة للسؤال بتاع نيموندا
اكيد طبعا بحب مصر واكيد الكلام ده بيتقال لاننا بجد عايزين نصلح
وزى مابقول دايما مين اللى يدوس على تراب البلد دى وميعشقهاش
بس عشان تبقي بلدنا احسن لازم عرف الوحش ونحاول نصلحة ولا ايه