اللي بيحب بجد بيتمني لحبيبه السعادة أنتم أيه رأيكم في الكلام دا

كتير بنسمع الكلام دا اللي بيحب واحد حبيبه أو بنت حبت ولد والظروف فرقتهم نقول أحنا بنتمنا لهم السعادة هل فعلا الكلام دا بجد ولا أحنا بنضحك علي نفسنا
لأننا كلنا عارفين أني مفيش حد بيحب حد اكتر من نفسه وانا بحبكم كلكم بس مش أكتر من نفسي
وأزي أتمني السعادة لوحدها كنت بحبها وانا أصلا مش سعيد وهي مش معايه
يا تري أنتو رايكو أيه في الكلام دا ومحدش يقول انا أناني مش بحب غير نفسي

يا تري لو حبيبتك أرتبطت بواحد تاني هل فعلا هتتمني ليها السعادة من قلبك
وبالنسبه للبنات لو حبيبك أرتبط بواحدة تانيه هاتتمنيله السعادة مع غيرك
ياريت الكل يجاوب بصراحه

بص يا عمار انا رافضه موضوع الحب دة اصلا

بس هقولك الانسان السوى هوة اللى فعلا هيتمنالك الخير بس دلوقتى لو حصل كدة اكيد مبيتمنلهاش كدة بيتمنى ان ان العلاقه الجديدة ديه تبوظ

انا عن نفسى بتمنى لكل الناس انها تعيش فى سعادة وراحه بال مش الحبيبه بس

واسمحلى احييك على اختيار الموض

ميرسي جدا ليكي يا رحيل القمر
وأنا متأكد اني هيجي يوم وتندمي علي كلامك اللي قولتيه أني أنتي مش بعترفي بالحب بس اكيد لما تحبي بجد هتعرفي قدا أيه الدنيا حلوة وهتلاقي حياتك كلها أتغيرت لما تحبي وأكيد هتحبي في يوم من الايام قريب أنشالله
بأتمني لكي السعادة في دنيا كلها حب وفرح وسعادة
وشكرا يا رحيل القمر

حقيقى لما حد بيحب حد اوووى كدة بيبقى نفسة يرجعلة وفكر فى كل حاجة كانت بينهم المهم انا لو مطرح اللى بيحب كدة هبقى انانية وهقول اة انى بتمنالة السعاااادة وانا مش كدة مش هبقى انا تعيسة وقول هو يبقى سعيد لا احنا اللى اتنين نبقى زاى بعض ومش ممكن اتمنالة السعدة مع واحدة غيرى ابدا

ههههههههههه انت عارف قسما بالله قسما بالله انا لما احب انسانه بحبها اكتر من نفسى قسما بالله تانى وافضلها على نفسى فى حاجات كتير لما نفترق بقى طبعا محبش انى اسمع حاجة وحشه عنها بس طبعا مش هخاف عليها اكتر من نفسى زى الاول فى الوضع دة احب نفسى اكتر ما احبها وبعدين اللى واحدة تختار فراق قصتها دى معلش يعنى تبقى انسانه متستهلش حد يزعل عليها

شكرا يا موشا لردك ولصراحتك
ونورتني يا مصطفي وشكرا ليك

طبعا كلامك صح ياعمار طبعا كل شخص بيحب ناس بس مش معقول اكتر من نفسوا دى مش انانية دى صفة موجودة فى اى شخص فى العالم لانك بتتمنالوا الخير زى ماتتمنى الخير ليك دى مش انانية اما انك لو حبيت شخص وتفترق بسبب ظروف اكيد مش هتحب تسمع حاجة وحشة عليها زى ما قال مصطفى شعبان بس هتبقى خايف عليها بردة لان حبكم اتفرق بسبب ظروف او نصيب هتخاف عليها لان هيبقا لسة حبها فى قلبك بمرور وقت اكيد هتنسى ذلك وهتعتبرها اخت ليك مش اكتر موضوعك جامد عمار ربنا يوفقك فى حياتك جزاك الله خيرا:)

دايما منورة مواضيعي يا كوين وميرسي بجد ليكي علي ردك الرائع
وبأتمنالك حياة سعيدة مع من يختارة قلبك أو مع من تختارة لكي الاقدار _

شكرا لك عماااار طة 2009

ميرسي ليكي يا كوين ولمجاملتك

طبعا مفيش حد بيحب حد أكتر من نفسه
موضوع رأئع جزاك الله كل خير

بص ى عمار عمرك ما تكون بتحب حد ومش تتمناله السعاده حتى لو كان مع غيرك.دى حاجه وشعور غصب عنك.مش صعبه انك تحب حد اكتر من نفسك حتى لو مكنش معاك بس مطلوب مننا نفوق بس مش اكتر وناخد بالنا م نفسنا اكتر.يعنى انا مثلا مش عارفه انت فاكر حكايتى ولالا.هو مش معايا وافترقنا وجرحنى. بس بتمناله الخير م كل قلبى اتمنى ان وشه دا مش يشوف الزعل.اتمنى يعيش حياته ويفرح ويبقى مبسوط حتى لو كان مع غيرى مدام هو بخير خلاص.اكيد هيبقى جواك بتموت انك شايفه مع غيرك بس دا بيبقى غصب عنك عشان للاسف انت حبيت

ميرسي ليكي وشكرا علي رائيك

شوف الحب اصلا شىء بيسموا بالمشاعر لو الظروف فراقت بينهم والانسان ده انسان رقيق راح يتمنى ليهم السعادة لانوا حب الانسان ده وعمرها ما شاف جرح منه بس نصيبهم ماجمعهم راح يتالم بس مايقدر يعامل حاجه غير انوا يتمنى لسعادة
بس بجد فى ناس بتحب ناس اكتر من نفسه وربنا يحفظك موضوع متميز
تقبل تحياتى لك

اللى بيحب حد بجد بيتمناله الخير والسعاده وبيعمل كل اللى يقدر عليه علشان يسعده وهو معاه
لكن لو حصلت ظروف اكبر مننا وافترقنا
اه حيكون صعب عليا طبعا بس حياته مش حتقف عندى ولا حياتى حتقف عنده
بس حكون فى لهفه علشان اعرف اخباره دى اكيد انى حتمناله السعاده فى كل حياته حتى لو مع انسانه غيرى وكمان ممكن اقربهم من بعض
مدام احنا افترقنا مش بسبب اى حد مننا
عجبنى موضوعك جدا
تقبل مرورى

انا بصراحة لو ارتبطت بانسان ومحصلش بينا نصيب
اكيد اكيد هتمناله السعاده وده حصل معايا فعلا يا عمار والله بجد لحد الان بدعيله من قلبي وبتمناله السعادة مع الانسانة اللي هيرتبط بيها مع العلم انه هو اللي اتخلي عني ومع ذلك بتمناله السعادة

بص يا عمار الشباب دائم بيقولو انهم بيحبو لكن عمري ماشفتهم بيحبو بجد
وانا عن نفسي أتمناله السعاده
حتي لو عمل ايه لانه اختياري
ولازمالانسان يتحمل نتيجه اختيارو
وياريت تتقبل مروري