رساله الي حاكم فاسد وزبانيته .....!!!!!

انتو اشتريتوا البلد وإحنا مش وعيين

ولا اشتريتوا البلد وإحنا نايمين

ارحمونا بقي ولا احنا علشان ساكتين

واحنا مش عارف ليه علي الظلم ساكتين

ولحقوقنا دايما ناسيين

بس لو احنا أتحركنا علينا مش هتبقوا قادرين

احنا الشعب اللي حررنا سيناء ولو سيبتونا

ودعمتونا نقدر نحرر كمان فلسطين

بس احنا برده للأسف ضعفنا وحاطين

دماغنا في الطين

http://up.masrawycafe.com/upload/upl...878fb81353.jpg

لأننا سلمناكم رقابينا وانتم بأيديكم ماسكين

ارحمونا شويه وتشوفوا مين هما المصريين

ضموا أيديكم في أيد شعبكم خلينا علي

الشعوب التانيه متفوقين

ولا انتو خلاص سقط نظركم وعلشان

ترفعوا مش قادرين

حبوا بلدكم ومدوا ليها أيديكم اليمين

علشان نهايتكم مش تكون نهاية طين

http://up.masrawycafe.com/upload/upl...d1f4c71c5c.jpg

وأوعي في يوم من الأيام تفكروا

انه احنا أحسن من الناس التانيين

أننا أحسن من العراق ولا باكستان

ولا الشيشان ولا فلسطين

انتوا لو بصيتوا كويس هتلاقونا بنقتل

بعض علشان الأكل والشرب مش لاقيين

http://up.masrawycafe.com/upload/upl...b59554378d.jpg

احنا خلاص عايشين ميتين

وانتوا اللي موتنا بضميركم الملعونة

http://up.masrawycafe.com/upload/upl...f124c31411.jpg

احنا خلاص عايشين ميتين

وانتوا اللي موتنا بضميركم الملعونة

هشام
جزاك الله خيرا اخى الفاضل
ويارب متكونش نهايتك من وجع الاعصاب

بص يا حاج الرساله دي لو اتبعت ف البوسطه مش هتوصل لو بريد مستعجل مش هتوصل لو ف مظاهره هيعتقلوك لو اس ام اس يخساره قناه ميلودي لغتها :-/

وحتي لو وصلت للراجل الكبير هيقولك

بلها واشرب ميتها :-P









تسلم ياحج عالرساله ولو ان عرض فودافون خلص

تقبل مروري

انتو اشتريتوا البلد وإحنا مش وعيين

اكيد اكيد واحنا مسطولين بالبانجو والحشيش بتاع الحكومه

ولا اشتريتوا البلد وإحنا نايمين

بارك الله فيك هشام والرساله وصلتلنا احنا مش هما

:-O:-O:-O

إنت عاوز إيه يا اتش ؟

:-/

عموما الرساله وصلت لينا احنا بس

/:)

لكن تقريبا صعب توصل للمرسل إليه

:-B


سلام يا عمونا

:-$:-$:-$

ميرسى جدا على التوبك الحلو دا

ايه يهشام انت مش شايف غير السلبيات وبس انا كل مبخش موضوع ليك بيكون عندى امل انى اشوفك بتعرض ايجابيه واحده بس يااخى مش كده الحياة مش سودة قوى كده وبعدين تفائل يامعلم وزى مبيقولوا فريد الاطرش الحياة حلوة بس نفهمها الحياة غنوة محلة انغمها ارقصوا وغنوا وانسوا همومها تقبل تحياتى ياهشام

بصراحه عندك حق بكره هيبعون واحنا حساسين وهكون زى ما احنا وفين فى نفس المكان

اقتباس:

---

المشاركة الأصلية كتبت بواسطة اسلامى حياتى

احنا خلاص عايشين ميتين

وانتوا اللي موتنا بضميركم الملعونة

هشام
جزاك الله خيرا اخى الفاضل
ويارب متكونش نهايتك من وجع الاعصاب

---

ربنا معانا كلنا
يعني اللي بنشوفه وبنسمعه ده مش يوجع الاعصاب
ربنا يتولنا برحمته
بارك الله فيكي وحفظك اسماء

اقتباس:

---

المشاركة الأصلية كتبت بواسطة SCREEM

بص يا حاج الرساله دي لو اتبعت ف البوسطه مش هتوصل لو بريد مستعجل مش هتوصل لو ف مظاهره هيعتقلوك لو اس ام اس يخساره قناه ميلودي لغتها :-/

وحتي لو وصلت للراجل الكبير هيقولك

بلها واشرب ميتها :-P









تسلم ياحج عالرساله ولو ان عرض فودافون خلص

تقبل مروري

---

ياحاج انت ليك معزه خاصه عنده
يعني هيستلمه منك علي طووووووول
السلامه امانه تقوله
هشام اللول بيقولك
(( مش عاوز يتجوز علشان عاوز ابنه يشوف حد غير
هينفع يعني تخليني اعنس ياريس ))
متنسيش

نورت ياحاج
بارك الله فيك حفظك

اقتباس:

---

المشاركة الأصلية كتبت بواسطة الحريه

انتو اشتريتوا البلد وإحنا مش وعيين

اكيد اكيد واحنا مسطولين بالبانجو والحشيش بتاع الحكومه

ولا اشتريتوا البلد وإحنا نايمين

بارك الله فيك هشام والرساله وصلتلنا احنا مش هما

---

يا الحريه حتي الحشيش حصل في ازمه
والشباب بتشتكي وهيعملوا مظاهره قريب
علشان الصيف بقي وكده
طب الحمد الله انه وصلت لحد قبل ما يحصل ليه حاجه

بارك الله فيكي وحفظك

اقتباس:

---

المشاركة الأصلية كتبت بواسطة مرهف الاحساس

:-O:-O:-O

إنت عاوز إيه يا اتش ؟

:-/

عموما الرساله وصلت لينا احنا بس

/:)

لكن تقريبا صعب توصل للمرسل إليه

:-B


سلام يا عمونا

:-$:-$:-$

---

انا عاوز الفساد ده ينتهي والحكومه دي تستكفي لحد كده بقي
البلد خربت خلاااااااااااص عاوزين ايه تاني
اهم حاجه انه بنتكلم وبنعمل اللي نقدر نعمله

نورت ياحاج وليد
بارك الله فيك وحفظك

اقتباس:

---

المشاركة الأصلية كتبت بواسطة ELBRNSISA ESRAA

ميرسى جدا على التوبك الحلو دا

---

نورتي التوبيك يا اسراء
بارك الله فيكي وحفظك

اقتباس:

---

المشاركة الأصلية كتبت بواسطة محمود سمير

ايه يهشام انت مش شايف غير السلبيات وبس انا كل مبخش موضوع ليك بيكون عندى امل انى اشوفك بتعرض ايجابيه واحده بس يااخى مش كده الحياة مش سودة قوى كده وبعدين تفائل يامعلم وزى مبيقولوا فريد الاطرش الحياة حلوة بس نفهمها الحياة غنوة محلة انغمها ارقصوا وغنوا وانسوا همومها تقبل تحياتى ياهشام

---

وانا برده قولتلك ياحاج ان انا وصلت لحاجه ايجابيه هكتب عنه
وقولت لك عاوزين نشوف منك انت بقي تكتب عن الايجابيات
:-/:-/:-/:-/
وانا بكتب كلام
الشعب كله عايشه
وانت الوحيد اللي بتعترض
يعني انت كده تبع المعارضه
;);););)
والحمد الله علي كل شئ
اكلين شربين راضيين حمدين
اكلين شربين راضيين حمدين
اقوله تاني ياحاج
:-O:-O:-O
ما هو ده اللي عاوزه الحكومه مننا
يرموا لينا اللقمه ونبلع وراءه بشويه مياه

ونقعد ليل نهار نقول
يارب خلي لينا الحكومه
واحرس لينا الحكومه
وطويل العمر يطول عمره هي ها
:D:D:D
لا ياحاج مش هما دول المصريين
:-*:-*:-*
نورتنا واسعدني مرورك يا محمود
بارك الله فيك وحفظك

اهدى شويه يا عم هشام بتحرق دمك على الفاضى تقريبا الحكومه دى بيستمتعوا بصرخنا
بس عندى سوال بجد مش شايف له ايجابه يا ريت تعمله موضوع هتدى صوتك لمين وليه ومتقوليش اى حد غيره وخلاص شكرا ليك ولكل واحد لسه شايل هم بلده

اقتباس:

---

المشاركة الأصلية كتبت بواسطة مخدوعه

بصراحه عندك حق بكره هيبعون واحنا حساسين وهكون زى ما احنا وفين فى نفس المكان

---

نورتي اختي الكريمه
وربنا يستر ياااارب
بارك الله فيكي وحفظك

اقتباس:

---

المشاركة الأصلية كتبت بواسطة aeme3100

اهدى شويه يا عم هشام بتحرق دمك على الفاضى تقريبا الحكومه دى بيستمتعوا بصرخنا
بس عندى سوال بجد مش شايف له ايجابه يا ريت تعمله موضوع هتدى صوتك لمين وليه ومتقوليش اى حد غيره وخلاص شكرا ليك ولكل واحد لسه شايل هم بلده

---

طب نعمل ايه
لا الهدوء بيريحهم ولا الكلام بيريحهم
انا شاء الله فرجه قريب علي البلد باذن الله

سمحني انه مش فاهم سوالك
ياريت تفهم ليه بالراحه
علشان الفول اللي عندي هنا مضروب
:D:D:D:D

بارك الله فيك وحفظك

ولا يهمك يا هشام ادينى بس عنوان السكن بتاعك وانا ابعتلك بجنيه بحالوا فول ومن التابعى كمان يا عم :D:D:D

قصدى تعمل موضوع تسال الناس هترشح مين وليه بس يا ريت تبعتلى اميلك يا لول ولو احتجت اى حاجه انزل جده وسال على احمد البدرى هتلاقينى على طول

يا هشام ايه رائيك نعمل زي هاني رمزي في فيلم عايز حقى ,,
وكل واحد فينا يا خد حقه ...!!

الله يخربيتهوم نهبوا البلد وسابونا جعانين وبندورعلى لقمة عيش ناشفة مش لاقينها .!!

حسبنا الله ونعم الوكيل اللهم سلط عليهم من أمراض الدنيا حتى لا ينعموا باموالنا يارب ..!

تسلم يا أتش على مواضيعك الوطنية الجادة ..

..........................

اقتباس:

---

المشاركة الأصلية كتبت بواسطة aeme3100

ولا يهمك يا هشام ادينى بس عنوان السكن بتاعك وانا ابعتلك بجنيه بحالوا فول ومن التابعى كمان يا عم :D:D:D

قصدى تعمل موضوع تسال الناس هترشح مين وليه بس يا ريت تبعتلى اميلك يا لول ولو احتجت اى حاجه انزل جده وسال على احمد البدرى هتلاقينى على طول

---

ماشي ياعم احمد تسلم ياحاج
وانا في ينبع قريب منك يعني
انتظر منك بريال فول
:D:D;);)
وانا لو عملت مين اللي يقدر ومين اللي ناوي هيترشح
انا مش عارف بجد مين اللي ناوي ينزل الانتخابات
ربنا يستر انا شاء الله يا عم احمد

نورتنا وبارك الله فيك وحفظك
ودمت بخير وصحه وسعاده وراحه بال وود

اقتباس:

---

المشاركة الأصلية كتبت بواسطة m&m2009

يا هشام ايه رائيك نعمل زي هاني رمزي في فيلم عايز حقى ,,
وكل واحد فينا يا خد حقه ...!!

الله يخربيتهوم نهبوا البلد وسابونا جعانين وبندورعلى لقمة عيش ناشفة مش لاقينها .!!

حسبنا الله ونعم الوكيل اللهم سلط عليهم من أمراض الدنيا حتى لا ينعموا باموالنا يارب ..!

تسلم يا أتش على مواضيعك الوطنية الجادة ..

..........................

---

انت اللي نورت يا محمد والله
بس ياريت دول بيحبوا المال بس
دول عاوزين كل حاجه في الدنيا
يعني يشتروا الدنيا بالاخره

دول عاوزين مال وسلطه وحصانه

نورت ياحاج
بارك الله فيك وحفظك
دمت بخير وصحه وسعاده وراحه بال وود

مع احترامي لكلام سيادتك مهما تقول ومهما تكتب بردو مش هتعرف تعمل حاجا ومافيش حاجا هتتغير

لان الحكومة بتعتنا بصراحة مشيا معانا بنظام جميل اوي الا وهو (قول الي انت عايزو لكن احنا هنعمل الي احنا عايزينو)

فامهما تقول ومهما تكتب صدقني مافيش حاجا هتحصل

اقتباس:

---

المشاركة الأصلية كتبت بواسطة محمد مدحت راغب

مع احترامي لكلام سيادتك مهما تقول ومهما تكتب بردو مش هتعرف تعمل حاجا ومافيش حاجا هتتغير

لان الحكومة بتعتنا بصراحة مشيا معانا بنظام جميل اوي الا وهو (قول الي انت عايزو لكن احنا هنعمل الي احنا عايزينو)

فامهما تقول ومهما تكتب صدقني مافيش حاجا هتحصل

---

شكرا ليك اخي محمد
وشكرا لكلامك المحبط
:D:D;);)
انا طبعا عارف ومتاكد انه كلامي وكلام غيري مش بياثر فيهما
حتي الاعلام نفسه (( الاعلام الصادق بس )) مش بيفرق معاهم
لكن الكلام والكتابه ممكن يهزهم ووقته بتكتر غلطاتهم
وكل غلطه بتتسجل عليهم وبيسقطوا واحد تلو الاخر
والكتابه والكلام توضيح للذي لا يعلم (( الجاهل بامور البلد ))

وربنا كبير
نورت يا محمد وبارك الله فيك وحفظك ورعاك

موضوع ممتاز يا حاج
من المطار على لاظوغلى عديل يا حاج
اوعى تنسى من المطار على لاظوغلى

اقتباس:

---

المشاركة الأصلية كتبت بواسطة omaro

موضوع ممتاز يا حاج
من المطار على لاظوغلى عديل يا حاج
اوعى تنسى من المطار على لاظوغلى

---

انت اللي جيت برجليك
ودخلت السياسي
يعني مع بعضينا سوا سوا
علشان مش عارف السكه

نورت ياحاج عمر
بارك الله فيك وحفظك ورعاك