::::::::"""""""بالليل وبالنهار والله العظيم حرام"""""""":::::::::::

http://img252.imageshack.us/img252/7...smellahcr7.gif







حرام والله اللى بيحصل ده

كل يوم كل يوم الكهربا تقطع بالليل وبالنهار

وبتطول كمان بالسعات ده قرف ايه ده

وكل يوم بتطول عن اليوم اللى قبله

هى الحكومه دى بتدور على وسائل القرف عشان تقرفنا بيها

انا حاسه انهم بيتسلو علينا مش لقيين حاجه يعملوها

قالو نتسلى على الشعب الغلبان ده ونعذب فيه

والشعب طيب وبياخد على راسه ويسكت

ومفيش حد بيتكلم وبيعمل حاجه برده ساكتين زى العاده

نفسى اعرف هو ليه مفيش غير بلدنا اللى بتعانى من كل حاجه

كهربا وغاز وميه وقمح ورز وسكر وتموين وارتفاع فى الاسعار

وحاجات تانيه كتير هو احنا بلد فقيرة معندناش ثروات

احنا بلد فقيرة؟؟

بس الكهربا :(

حر وصيام وكمان الميه بتقطع

ماهى المية لازملها مواتير والمواتير عايزه كهربا

ومش عارفين لحد دلوقتى سبب انقطاع الكهربا يرجع لاى جهة

بيقولو أن السبب الحقيقي وراء انقطاعات

الكهربا دلوقتى وزارة البترول

نقص كميات الغاز الطبيعي المورد من وزارة

البترول لمحطات توليد الكهربا

ازاى وزير الكهربا يقابل الريس

و يساله فيرد الوزير و يقول ان السبب

هو كثرة الاحمال وزيادة الإستهلاك

وبعدين يقول بعد كده انها البترول

ايه الوزير العيل ده

هو عيل ولا احنا اللى عيال وبيضحك علينا

النهارده الكوره اتحدفت فى ملعب وزارة البترول

بكره الكوره هتكون فيييييييييييييييييييييييي ين


فى وزارة الثقافه






:-O

الحل موجود يا فريدوم

اشترى مولد كهرباء

=))=))=))

بس تعرفى عندك حق

وزير عيل

ههههههههههه

و ربنا صعبانين عليا

صيام و حر

يعنى 2 فى 1 زى شامبو بيرت بلس

ههههههههه

معلشى يا فريدوم شر البلية ما يضحك

غصب عنى مش قادر امسك نفسى م الضحك

ربنا يصبرك و يكون ف عونك

الهى الكهربا تقطع عن الحكومه كلها و الحزب الوطنى كله من أكبر راس لأصغر راس

:D

ماااااااااشى ماشى اضحك براحتك

هى جات عليك انت ما كل الناس بتضحك علينا

حتى احنا بنضحك على نفسنا :(

وبعدين انت يا عم شكلك كده الكهربا مش بتقطع عندك

يا بختكX-(بحقد عليك :-P

والله كل الوزرا دول عيال وعايزين اللى يربوهم:(

:(يارب الانارات اللى عندهم والتكيفات وكل حاجه

بتشتغل بالكهربا

تتحرق ويموتو من الحر ويتعذبو زينا ومولدات الكهربا;)

اللى عندهم تنفجر


خلصت ضحك ولا لسه X-(

ألا إن نصر الله قريب

مشكورة فريدم على التوبيك

ربنا ينصرنا

اصل كفايه علينا كده اللى بيعملو فينا :(

ربنا ينصرنا بارك الله فيك اخى

اقتباس:

---

المشاركة الأصلية كتبت بواسطة الحريه

ماااااااااشى ماشى اضحك براحتك

هى جات عليك انت ما كل الناس بتضحك علينا

حتى احنا بنضحك على نفسنا :(

وبعدين انت يا عم شكلك كده الكهربا مش بتقطع عندك

يا بختكX-(بحقد عليك :-P

والله كل الوزرا دول عيال وعايزين اللى يربوهم:(

:(يارب الانارات اللى عندهم والتكيفات وكل حاجه

بتشتغل بالكهربا

تتحرق ويموتو من الحر ويتعذبو زينا ومولدات الكهربا;)

اللى عندهم تنفجر


خلصت ضحك ولا لسه X-(

---

أيوه خلصت من بدرى

و جيت أضحك تاااااااانى

=))=))=))=))=))=))=))=))

كل ما اعوز اضحك هآجى بعد إذنك اوك ؟؟؟:-/

:D

يا بنتى والله الغلط عندنـــأ احنا الى خلاص اتعودنا بناخد على قفانا ونوطى تانى علشان نـــاخد على قفانا تانى اتعودنا خلاااااااااااااص نسكـــت وكل واحد يبقى مستنى التانى يتحرك ياشيخـــــه اسكتى بقى ضايقتينى X-(X-(X-(X-(
احنا عندنا الكهربا بتقطــع تلت ساعات تقريبا فى اليوم ده غير الميا طبعا يبقو كدابين لو قالولك بترول وغاز بيقطعو يابنتىلا علشان يوفره وطبعا العادى انهم عارفين اننا ساكتيـــن فابيزيدو فيها وياعالم بكره هيعملو فينا ايه
متزعليش نفسك وفوكى كده :-*

ليس لها من دون الله كاشفه


كل شئ هيبقى تمام والصبر جمييييييييل

والله يا بنتى الى فهمته من الجرايد بتاعه المعارضه ان الغاز هو السبب فى انقطاع الكهربا
يعنى المحطات محتاجه غاز علشان تشتغل واحنا بنبيعه ب دولار ونص لليهود
على الرغم ان المصرييين بياخدوا الغاز ب3 دولار
يعنى مصلحه بمصلحه احنا اولى عل الاقل فى فلوس هياخدوها
ولا مصلحه ماما امريكا اننا نتودد لليهود
حسبى الله ونعم الوكيل
عارفه اللى يغيظ ان الكهربا عاملينها لعبه يعنى عندنا والله ساعتين شغاله و4 مش شغاله
ايه رايك بقى؟
والنهارده 3 مرات بيقطع وييجى فى خلال 10 دقايق
طيب بالله عليك دول عايزين يموتوا الناس بالسكته القلبيه اكتر ما هما ميتين
منهم لله
معلش بقى بقلب المواجع مانا اصلى هتجنن من النور والل بيعملوه فينا:(

اقتباس:

---

المشاركة الأصلية كتبت بواسطة عفريت أفندى

أيوه خلصت من بدرى

و جيت أضحك تاااااااانى

=))=))=))=))=))=))=))=))

كل ما اعوز اضحك هآجى بعد إذنك اوك ؟؟؟:-/

:D

---

لا هى مرة واحده بس
ايه الطمع اللى انتو فيه ده
دة لو الحكومه بتاعتنا كانت سابتك تضحك كده

ده كرم منى وهسامحك المرة دى
;)

اقتباس:

---

المشاركة الأصلية كتبت بواسطة عفريتـــة هانم

يا بنتى والله الغلط عندنـــأ احنا الى خلاص اتعودنا بناخد على قفانا ونوطى تانى علشان نـــاخد على قفانا تانى اتعودنا خلاااااااااااااص نسكـــت وكل واحد يبقى مستنى التانى يتحرك ياشيخـــــه اسكتى بقى ضايقتينى X-(X-(X-(X-(

بئه انا بفضفض علشان الاقى حد يهون عليا اللى انا فيه

مش اضايقك

احنا عندنا الكهربا بتقطــع تلت ساعات تقريبا فى اليوم ده غير الميا طبعا يبقو كدابين لو قالولك بترول وغاز بيقطعو يابنتىلا علشان يوفره وطبعا العادى انهم عارفين اننا ساكتيـــن فابيزيدو فيها وياعالم بكره هيعملو فينا ايه
متزعليش نفسك وفوكى كده :-*

---

على فكرة واحنا كمان الكهربا برده

بتقطع 3 سعات:( وكل يوم فى زياده

ازعل نفسى هو اللى عنده حكومه زى حكومتنا

يفرح :(

ده انتى شكلك مضايقه اكتر منى متزعليش نفسك

وفوكى كده ربنا يخلصنا منهم على خير

اقتباس:

---

المشاركة الأصلية كتبت بواسطة ابو تريكه

ليس لها من دون الله كاشفه


كل شئ هيبقى تمام والصبر جمييييييييل

---

الصبر جمييييييييييييل

الصبر زهق مننا يا ابو تريكه :(

بيقول لنا ابعدو عنى شويه هو مفيش غيرى

واحنا للاسف مفيش عندنا غيره

دي وسيله جديده للتعذيب كانهم بيقولوا هنطردكم من البلد دي يعني هانطردكم
السكته القلبيه حاجه بقيت عاديه بالنسبه لهم وطريقه جديده للموت في مصر
بس انا قرات النهارده في الاخبار ان وزاره البترول هتزود امدادها من الغاز وهيحاولوا يحلوا المشطله دي في اقرب وقت
ربنا يستر ويعدي الايام اللي باقيه لينا في الدنيا علي خير
ويكون كلامه دا صح ومش يطلع زي الوزير ال........
صبرا اختي الحريه ان الله مع الصابرين

اقتباس:

---

المشاركة الأصلية كتبت بواسطة اسلامى حياتى

والله يا بنتى الى فهمته من الجرايد بتاعه المعارضه ان الغاز هو السبب فى انقطاع الكهربا

ده دلوقتى يا اسماء اللى بيقولو رمو شماعتهم على وزارة البترول
ومفيش حد بيتكلم كلام معقول

يعنى المحطات محتاجه غاز علشان تشتغل واحنا بنبيعه ب دولار ونص لليهود

هو فى حد يقدر يقول لاسرائيل لا ولا لامريكا
حسبى الله ونعم الوكيل فيهم كلهم

على الرغم ان المصرييين بياخدوا الغاز ب3 دولار
يعنى مصلحه بمصلحه احنا اولى عل الاقل فى فلوس هياخدوها

دى فاتورة الكهربا بتيجى اد كده بالميات مش مكفيهم
هو احنا بناخدها ببلاش ده احنا بندفع الضعف وبيزودو فى
الفاتورة
واحنا برده ساكتين

ولا مصلحه ماما امريكا اننا نتودد لليهود
حسبى الله ونعم الوكيل
عارفه اللى يغيظ ان الكهربا عاملينها لعبه يعنى عندنا والله ساعتين شغاله و4 مش شغاله
ايه رايك بقى؟
والنهارده 3 مرات بيقطع وييجى فى خلال 10 دقايق
طيب بالله عليك دول عايزين يموتوا الناس بالسكته القلبيه اكتر ما هما ميتين
منهم لله
معلش بقى بقلب المواجع مانا اصلى هتجنن من النور والل بيعملوه فينا:(

---

والله فعلا هما عملينها لعبه ما احنا بقينا لعبه بالنسبه لهم


وربنا عليهم يشوفو اللى احنا شايفينو

اقتباس:

---

المشاركة الأصلية كتبت بواسطة البنت الجديده 1

دي وسيله جديده للتعذيب كانهم بيقولوا هنطردكم من البلد دي يعني هانطردكم
السكته القلبيه حاجه بقيت عاديه بالنسبه لهم وطريقه جديده للموت في مصر
بس انا قرات النهارده في الاخبار ان وزاره البترول هتزود امدادها من الغاز وهيحاولوا يحلوا المشطله دي في اقرب وقت
ربنا يستر ويعدي الايام اللي باقيه لينا في الدنيا علي خير
ويكون كلامه دا صح ومش يطلع زي الوزير ال........
صبرا اختي الحريه ان الله مع الصابرين

---

:( يارب كلامهم ما يطلعشى زى الوزير ال عيل


ربنا يصبرنا وانا معاكى هو احنا هنعمل ايه غير هنصبر

ما بالليد حيله

الحمد لله
ده احنا بتقطع عندنا مرة في الاسبوع وبتكون مش اكتر من نص ساعة
بس دلوقتي خلاص
يوك
تسلم لينا يا ريس
:->:->:->

يا حريه يا حبيبتى والله كلنا بنشوف الويل من الكهربا والميه فى الحر ده بس عارفه احنا نستاهل اللى بيحصلنا سكتنا كتير على حقوقنا لحد ما ضاعت ابسط حقوقنا وبردوا ساكتين عادى بقى متشغليش بالك بس عارفه انا متغاظه من الحكومه دى مهزله موضوع الكهربا ده علشان زيدنا شويه وشوية تكيفات زياده مصر بحالها تلوص يا خيبتهم
ربنا يورينى فيهم يوم ولا اقولك انا صايمه منهم لله
شكرا الحريه ومتزعليش االنور بيقطع انتى يا قمر بتنورى المكان:-*

تلاقى قصدهم خير

يعنى صيام فى جو حار بدون ماء وكهرباء تنالى من الثواب اكثر ان شاء الله

كل سنة وانت طيبة

اقتباس:

---

المشاركة الأصلية كتبت بواسطة براكودا

الحمد لله
ده احنا بتقطع عندنا مرة في الاسبوع وبتكون مش اكتر من نص ساعة
بس دلوقتي خلاص
يوك
تسلم لينا يا ريس
:->:->:->

---

:-?

الحمد لله ان فى ناس مش مضايقين زينا

الحمد لله ان احنا بنتمنى

ان يكون فى ناس حتى لو كانت قليله

من شعبنا مبسوطه وسعيده

وتسلم للى عايزينك ياريس

اقتباس:

---

المشاركة الأصلية كتبت بواسطة ايسل

يا حريه يا حبيبتى والله كلنا بنشوف الويل من الكهربا والميه فى الحر ده بس عارفه احنا نستاهل اللى بيحصلنا سكتنا كتير على حقوقنا لحد ما ضاعت ابسط حقوقنا وبردوا ساكتين عادى بقى متشغليش بالك بس عارفه انا متغاظه من الحكومه دى مهزله موضوع الكهربا ده علشان زيدنا شويه وشوية تكيفات زياده مصر بحالها تلوص يا خيبتهم
ربنا يورينى فيهم يوم ولا اقولك انا صايمه منهم لله
شكرا الحريه ومتزعليش االنور بيقطع انتى يا قمر بتنورى المكان:-*
ربنا يخليكى يارب ده انتى اللى منوره الدنيا كلها

---

انا اللى متغاظه منه سكوتنا ده

ده احنا بنسكت على كل حاجه حتى ابسط حقوقنا

خلاص الشعب بتاعنا مبقاش بيأثر فيه انا حسه ان احنا

بقينا فى تلاجه

والنبى ما تنسيش تبئى تدعيلنا وانتى صايمه اننا نخرج

من التلاجه واهم حاجه تدعى على اللى دخلونا التلاجه

وحسبى الله ونعم الوكيل

اقتباس:

---

المشاركة الأصلية كتبت بواسطة hadede

تلاقى قصدهم خير
ههههههههه عمر دول ما يجى من وراهم خير
يعنى صيام فى جو حار بدون ماء وكهرباء تنالى من الثواب اكثر ان شاء الله

كل سنة وانت طيبة

---

ربنا يكرمك

الصيام فى اى من الاحوال الجويه

واى الصعوبات بننال منه اجر اكتر باءذن الله

اشكرك على كلامك الجميل

وكل عام وانت بخير رمضان مبارك عليك

هي الحكومه لو مش هتلعب بالشعب هتلعب بمين
انا مش عارف احنا اهانه علي الحكومه
ولا الحكومه اهانه علينا

بارك الله فيكي وحفظك ورعاكي الحريه

احنا زى ما تقول كده اهانه للحكومه

احنا بقينا عاملين زى اللى بيشحت منهم

بس مش بنشحت من جيوبهم احنا بنشحت

حقوقنا المنهوبه فاحنا بالنسبالهم

شحاتين حقوق غريبه صح:-/

حتى حقوقنا البسيطه مستكترنها علينا


اشكرك هشام دمت فى حفظ الله