طيب اللى حذف يقولى ... وانا والله مش هقول حاجة ..

السلام عليكم ورحمة الله وبركاته
......

الموضوع يمكن يكون إتعرف من عنوانه
بإختصار أنا كنت عامل موضوعين إسلامى حياتى , مونة

بصراحة مش لاقيهم باين إتسرقوا كدا ههههه

أنا مش زعلان ومش هعملها مشكلة دماغى مش صغيرة للدرجة دى

المهم بس
أعرف ليـــــه ؟؟
السبب أيه ؟؟

يمكن مثلا اللى حذف الموضوع شايف حاجة صح أنا مش شايفها
او واخد باله من نقطه أنا مش عارفها
فالمفروض ينصحنى كأخ ولو فى رسالة خاصة وبعدين يحذفه


لكن فجأة كدا ألاقى الشفة طارت قصدى الموضوع راح

بصراحة يا جماعة هى حاجة تضايق ...

لأنك لو مشرف لازم تعرف صاحب الموضوع حتى فى رسالة شخصيه وتقوله إن فيه حاجة غلط
وهنحذف الموضوع

كلامى صح ولا إنتوا أيه رأيكم ؟؟


بصوا مش مهم المواضيع ؟
المهم ليه إتحذفوا ؟؟ عشان أعرف لو أنا غلطان أصلح نفسى ؟؟

السلام عليكم ورحمة الله وبركاته..

دور عليهم هنا ولاهنا يمكن تلائيهم ولو كانوا اتحذفوا الولو ليه
;;);;)

ياريت فعلا نعرف يا احمد

وانا منتظره.......:)

اعتقد ان فيه عمليه تطوير في الكافيه ...........
بس يا احمد دور عليهم تاني ان شاء الله تلاقيهم او ممكن يكونوا اتنقلوا لاي قسم تاني
:-O:-O:-O:-O:-O:-O
لما تلاقيهم قولنا هما فين وانا في الانتظار

احمد انا عندي كلمه بس .......
هما ممكن يكونوا اتحذفوا لان الاداره شافت انهم اتحولوا لموضوع شات مش اكتر ولا اقل
ارجو يكون اعتقادي خاطئ وتلاقيهم باذن الله

بسم الله الرحمن الرحيم

السلام عليكم و رحمة الله و بركاته

اخى الحبيب

اعتقد ان الموضوعين فكرتهم مكرره لوجود موضوع بعنوان كرسى الإعتراف فى قسم خمسه فرفشه

كما ان كل منهما بإسم شخص بعينه و بالتالى لا يجوز وضعهما فى القسم العام

لذا اعتقد انه تم حذفهما لهذه الأسباب

و لتعلم أيضا انه للأستفسار عن أى شيئ يمكنك كتابة موضوع فى قسم الشكاوى و الإداره ستقوم بالرد عليك هناك

و لذلك أعتقد ان هذا الموضوع أيضا سيتم إغلاقه

يارب أكون قدرت أوضح الأسباب بدون أى حساسيه

دمت بود و إحترام و تقدير

أخي الفاضل الوحيد الذي يعلم هذا الموضوع هو الأستاذ علي مدكور إبعت له رساله في قسم الشكاوي وهو ح يقولك الموضوع ليه اتحذف جايز هو شايف حاجه احنا مش فاهمينها
تقبل تحياتي
لك خالص ودي وتقديري واحترامي

فى البداية
السلام عليكم
مواضيع حضرتك اتحذفت لأن أفكارها مكررة
ويا ريت حضرتك تشاركنا فى حملة تطوير الكافيه
وتتابع معانا الموضوع من هنا ....
و هتلاقى الأسباب اللى علشانها توبيكاتك اتحذفت
كل سنة و حضرتك طيب

ههههههههه
ماشى

مش مهم المواضيع خالص أحسن إنهم إحذفوا دا حتى البنت أمونة أسماء دول رخمين ههههه
بهزر طبعا


أنا طبعا نفسى بتقول إزاى يتحذفلك إنت مواضيع دا إنت كنت مشرف عام فى منتدى مش عارف ايه وكنت وكنت
بس طبعا مش لازم أسمع كلامها
القوى فعلا هو اللى بيقدر يتحكم فى نفسه

بس عارفين الرأى الصح بغض النظر عن أى حاجة
إن دا عدم إحترام للعضو

لأن المفروض أى مشرف عام صاحب منتدى أى كان هو
لازم يبلغ العضو هو أخطأ فى أيه ويعرفه السبب ولو فى رسالة خاصه
دا من الإحترام وتقدير الآخرين
فى مواضيع لابد أن تحذف كالإساءة للدين والنبى والتحدث فى كلام لا يليق بعاداتنا وتقاليدنا
صح ؟؟؟

بصوا مش مهم
بس أتمنى إن الموضوع دا ميحصلش تانى لأن بجد ساعتها ممكن يكون ليا رد فعل تانى ...

شكـــــــــــــــــــــرا ً..

شوف أنا هقول لحضرتك حاجة
أنا من يوم ما اشتركت فى المنتدى
محصلتش معايا أى مشاكل سواء من الإدارة
أو مع الأعضاء ...ودا بيدل على أن ادارة المنتدى
شايفه شغلها كويس ..
تانى حاجة
المعيار اللى على أساسه الإدراة بتقيم المواضيع
هو معيار الإفادة و الأهمية ....
بمعنى كل ما كان موضوعك مهم كل ما كان أفضل
و لحضرتك صدى كويس عند الإدارة ...
الحاجة الثالثة ...
لو حضرتك مشارك معانا من فترة
كنت هتعرف تقيس و تقيم مستوى المنتدى
لإن باجماع عدد لا بأس منه من الأعضاء
اللى بيوافقونى أن المنتدى فيه ركود
وواحد من الأسباب اللى مان ليها دور فى النكسة دى
هى ظهور مواضيع غير ذات فائدة ....
أتمنى من حضرتك أنك تضغط هنا ....
و لو حضرتك شايف أنك اتظلمت أو ليك حق ...
اتفضل اكتب الشكوى بتاعتك هنا ...
و انا متأكد أن الإدارة هتوضح لحضرتك السبب اللى عشانه توبيكات حضرتك
اتحذفت
أتمنى حضرتك متزعلش منى أو من الأدارة
أنا عضو زيك بالظبط
أنا فى انتظار أخبار حضرتك من التوبيك ده
و كل سنة و حضرتك طيب

http://www.bl101.net/forums/uploads/...1182329763.jpg

السلام عليكم ورحمه الله وبركاته
اخي العزيز احمد ياريت يكون رد وليد وعلي
وضحوا لك ليه اتحذفت المواضيع

واذا يوجد شكوي ولا حاجه
يوجد قسم للشكاوي

كل عام وانت بخير
بارك الله فيك وحفظك ورعاك

يغلق الموضوع

لا إله إلا أنت سبحانك أنى كنت من الظالمين..

اقتباس:

---

المشاركة الأصلية كتبت بواسطة thegohst

شوف أنا هقول لحضرتك حاجة
أنا من يوم ما اشتركت فى المنتدى
محصلتش معايا أى مشاكل سواء من الإدارة
أو مع الأعضاء ...ودا بيدل على أن ادارة المنتدى
شايفه شغلها كويس ..

ونعم الدليل ... بس أقؤلك على حاجة فى ناس كتير فى مصر مبسوطه جدا ومفيش عندها مشاكل ودا دليل على إن حكومتنا شايفه شغلها كويس

تانى حاجة
المعيار اللى على أساسه الإدراة بتقيم المواضيع
هو معيار الإفادة و الأهمية ....
بمعنى كل ما كان موضوعك مهم كل ما كان أفضل
و لحضرتك صدى كويس عند الإدارة ...

أوك أنا بطلب بحذف كل من خمسة فرفشة ومصراوى سيما وكلام فى الحب ومشاكل رومانسية
دا ذات أهمية ولا إنت أيه رأيك ؟؟

الحاجة الثالثة ...
لو حضرتك مشارك معانا من فترة
كنت هتعرف تقيس و تقيم مستوى المنتدى
لإن باجماع عدد لا بأس منه من الأعضاء
اللى بيوافقونى أن المنتدى فيه ركود
وواحد من الأسباب اللى مان ليها دور فى النكسة دى
هى ظهور مواضيع غير ذات فائدة ....

مش دى مشكلتى ..
أتمنى من حضرتك أنك تضغط هنا ....
و لو حضرتك شايف أنك اتظلمت أو ليك حق ...
اتفضل اكتب الشكوى بتاعتك هنا ...
و انا متأكد أن الإدارة هتوضح لحضرتك السبب اللى عشانه توبيكات حضرتك
اتحذفت
أنا مش عايز ليه إتحذفت أساسا أنا بتكلم فى نقطة مينفعش مشرف يحذف موضوع من غير ما يقول لصاحبه
بيتهيألى مفيش حد فى الدنيا يختلف على كدا

أتمنى حضرتك متزعلش منى أو من الأدارة
مش زعلان خالص والله بس عدم تقدير الآخرين دى حاجة تضايق

أنا عضو زيك بالظبط
أنا فى انتظار أخبار حضرتك من التوبيك ده
و كل سنة و حضرتك طيب
ربنا يخليك ويبارك فى عمرك..
http://www.bl101.net/forums/uploads/...1182329763.jpg

---

اقتباس:

---

المشاركة الأصلية كتبت بواسطة هشام اللول1

السلام عليكم ورحمه الله وبركاته
اخي العزيز احمد ياريت يكون رد وليد وعلي
وضحوا لك ليه اتحذفت المواضيع

واذا يوجد شكوي ولا حاجه
يوجد قسم للشكاوي

كل عام وانت بخير
بارك الله فيك وحفظك ورعاك

يغلق الموضوع

---

حلوة يغلق الموضوع دى هههههه
وبصراحة رد وليد وعلى أقنعونى جداااااااااااااااااااا
ميرسى يا جماعة
شكرا يا لول
بس قولى لو واحد صاحبك أخد سى دى أغانى من بيتكم
بس هو مقلكش إنه أخده بحجه إنه خايف عليك ؟؟
رد فعلك أيه

طيب يا أستاذ أحمد
أنا عاوز حضرتك تحط نفسك
مكان الأدارة ....
و تقوللى هيكون رد فعلا حضرتك ايه
انا على فكرة مقريتش التوبيكات المحذوفة ..!!

و ياريت لو حضرتك عندك أى تعديل فى أقسام الكافيه
أو عاوز تحذف أقسام زى ما حضرتك بتقول
أو تضيف اقسام جديدة ....تدخل على قسم الاقتراحات
و هناك حضرتك هتقدر بكل سهولة
تتكلم مع الإدارة ...و إن شاء الله يفهموا و جهة نظر حضرتك
لازلت فى الإنتظار ......أنا متأكد أن التوبيك دا هيتقفل ..
كل سنة و حضرتك طيب ..
أتمنى متكونش زعلان منى

أخى الحبيب أحمد السيد

اعتقد ان الأمور وضحت

و لو ليك اى شكوى او استفسار اكتبها فى قسم الشكاوى

و رجاءا من جميع الأعضاء عدم الدخول و الرد فى هذا الموضوع

احتراما لغياب المشرفه المسئوله

حتى يظهر على او ندا او ميره


و هم من لهم الحق فى غلق الموضوع او الرد

و شكرا للجميع

مغلق ...

اعتقد ده ركن مصراوي كافيه .. يعني مش ركن علشان تشتكي فيه !
تاني حاجة
في قوانين المنتدى هنا
https://forum.masrawycafe.net/showthread.php?t=28280

*للأدارة الحق فى حذف او اغلاق اي موضوع بسبب او بدون سببب .

واعتقد ان دي القوانين اللى حضرتك قرأتها وانت بتسجل
لو حضرتك عايز تعرف اي موضوع اتحذف ليه مينفعش تعمل موضوع هنا لأننا كده هنقلب الركن ده لشكاوي !

مغلق وسيتم الحذف