والله احنا اقل حاجة بترضينا وبتبسطنا

[Serag Magdy]

لما ابوه يقوله على اي حاجه برافو عليك ايوه كده..
-لما ابوه يفتخر بيه قدام اي حد " عارفين الزباله اللي كانت قدام باب ---البيت تحت؟؟؟ ابني اللي لمّها" !!!!
-لما يكون بيكلم بنت على النت وتقوله انت ظريف اوي"ظريف بجد مش تريقة"
-لما يعرف ان النهارده جاي فيلم جديد على روتانا مشافوش قبل كده
-لما يعرف انه كسب حتي علبه سجاير في اي سحب
-لما يجيب قميص جديد وينزل بيه اول يوم ويحس ان الناس كلها بتتفرج -عليه ..
-لما يدخل امتحان الكليه يلاقيه جاي من الصفحتين اللي ذاكرهم امبارح
-لما يكون قاعد على شات ياهو ويلاقي بنت باعتالو ممكن نتعرف
-لما يحب يروح اي مكان ويلاقي الاتوبيس جه بسرعه !!! ودي مستحيله حبتين ..
-لما يلاقي الاتوبيس ده فاضي ..!!!!!!!!!!!! ودي اكتر استحاله من اللي قبلها ..
-لما يكون متاخر مع اصحابه على القهوه ومش عارف هيروح ازاي ويلاقي فجاه ميكروباص بينادي جيزه اول الهرم
-لما يكسب ماتش على البلاي ستيشن او فيفا 2007
يوم عيد ميلاده لما يلاقي اقرب بنت ليه بتقوله الساعه 12.01 "كل سنه وانت طيب"؟
-لما واحده تقوله على فكره انت صوتك حلو اوي
-لما يدي معاد لبنت ويروح يلاقيها وصلت قبله .. ودي بنفس استحاله مجي الاتوبيس فاضي..
-لما يجيله مسج على موبايله ويلاقيه حاجه غير (كلمني .. شكرا ..بالاضافه لمعلومه مهمه جدا كان هيلوص لو مكانتش جت في المسج على غرار اربط الحزام تنجو من الحوادث.. او دلوقتي كروت الشحن بقت بنفس السعر المكتوب عليها !!!!)
-لما الاهلي يكسب ..
-لما الزمالك يخسر ..
-لما يكسب اول فلوس من شغل ..
-لما حد يقرا حاجه هو كاتبها ويقوله عليها انها حلوه اوي ..
-لما يقول نكته لصحابه ويضحكو من قلبهم ..
-لما يحب اول مره ..
-لما يحرج بنت في الشارع ادام الناس بعد ما هزاته..
-لما يقنع باباه بحاجه عمره ما كان هيوافق عليها .. انه ينزل بالقميص على اللحم مثلا ..
-لما يروح يشتري حاجه ويفاصل فيها وياخدها بالتمن اللي هو عايزه مع انه عارف ان البياع كده كده كسبان...!!!
-لما فلوسه كلها تخلص ويكون مش عارف يجيب فلوس منين وفجاه يلبس الجاكيت اللي كان متشال من فتره يلاقي فيه عشرين جنيه !!!
-لما ينزل الحسين والازهر ويشوف البلد بالليل وهي في العصر الفاطمي ويلاقي الانتكخانه والاجزخانه وباب زويله وباب النصر وباب الخلق بشكلهم القاهري اللي بجد .. ولما يسافر اسكندريه يستجم بعد الامتحانات ولما ينجح في الامتحانات ولما امه تدعيله ولما ياكل اكله حلوه من عند بحه او ابو طارق او لما يكون عطشان ويلاقي كولدير ساقع اوي او لما يجيله مسج من حبيبته او لما يكسب واحد صاحبه في ماتش شطرنج طويل او لما يكون مخنوق ويلاقي صاحبه بيكلمه بيقوله ماتيجي ننزل ولما يقف على كوبري قصر النيل ويتفرج على لمعان صفحه المايه بسبب القمر او انوار شبابيك النيل هيلتون ...

-الشاب المصري بيكون مبسوط لما يحس ان ربنا كارمه ...
-
الشاب المصري بينبسط من اقل حاجه

منـــ//!\\ــقول

[رنيم احمد]

ماشي
و شكراااا يا شاب

[yara]

بجد الموضوع طريف وجميل وصدقنى بيبين اد ايه احنا شعب حلو وبسيط
ماتقلش ايه علاقة الموضوع بالشعب ما الشباب جزء من الشعب بردو

لما ابوه يقوله على اي حاجه برافو عليك ايوه كده..
ايوه امال عاوز يكافئه ويجيبله هديه وتبقى عاده ولا ايه
-لما ابوه يفتخر بيه قدام اي حد " عارفين الزباله اللي كانت قدام باب ---البيت تحت؟؟؟ ابني اللي لمّها" !!!!
ابنى حبيبى انا الى مربيه
-لما يكون بيكلم بنت على النت وتقوله انت ظريف اوي"ظريف بجد مش تريقة"
هبله تقول ايه

-لما يجيب قميص جديد وينزل بيه اول يوم ويحس ان الناس كلها بتتفرج -عليه ..

عشام مش شال الاستيكر الى مكتوب عليه سعر القميص
-لما يدخل امتحان الكليه يلاقيه جاي من الصفحتين اللي ذاكرهم امبارح
اهى ديه بقى بتحصل كتير واسال مجرب ومتسالش دكتور وبتجيب امتياز ساعات

-لما يحب يروح اي مكان ويلاقي الاتوبيس جه بسرعه !!! ودي مستحيله حبتين ..

تيب ماتقولى بيركب اتوبيس كام الى بيجى بسرعه ده وانا اركبه وخلاص
-لما يلاقي الاتوبيس ده فاضي ..!!!!!!!!!!!! ودي اكتر استحاله من اللي قبلها ..
هع هع هع هع اه ممكن الساعه 3.5 بليل
-لما يكون متاخر مع اصحابه على القهوه ومش عارف هيروح ازاي ويلاقي فجاه ميكروباص بينادي جيزه اول الهرم
اشمعنى جيزه اول الهرم يعنى
-لما يكسب ماتش على البلاي ستيشن او فيفا 2007
ده اخويا
-لما الاهلي يكسب ..
تقريبا 3/4 مصر كلها بتفرح
-لما الزمالك يخسر ..
بردو 3/4 فرحان عادى
-لما يكسب اول فلوس من شغل ..
اه حتى لو ربع جنيه مخروم بمجهوده
-لما حد يقرا حاجه هو كاتبها ويقوله عليها انها حلوه اوي ..
اه زى ما احنا نقرا موضوع سراج ونقله موضوعك حلو اوى
-لما يقول نكته لصحابه ويضحكو من قلبهم ..
اه الواد ابو دم خفيف حضرتو
-لما يحب اول مره ..
على اساس انو بيحب مره واحده
-لما يحرج بنت في الشارع ادام الناس بعد ما هزاته..
-لما يروح يشتري حاجه ويفاصل فيها وياخدها بالتمن اللي هو عايزه مع انه عارف ان البياع كده كده كسبان...!!!

-لما فلوسه كلها تخلص ويكون مش عارف يجيب فلوس منين وفجاه يلبس الجاكيت اللي كان متشال من فتره يلاقي فيه عشرين جنيه !!!
ارزاق بقى تقول ايه
-لما ينزل الحسين والازهر ويشوف البلد بالليل وهي في العصر الفاطمي ويلاقي الانتكخانه والاجزخانه وباب زويله وباب النصر وباب الخلق بشكلهم القاهري اللي بجد .. ولما يسافر اسكندريه يستجم بعد الامتحانات ولما ينجح في الامتحانات ولما امه تدعيله ولما ياكل اكله حلوه من عند بحه او ابو طارق او لما يكون عطشان ويلاقي كولدير ساقع اوي او لما يجيله مسج من حبيبته او لما يكسب واحد صاحبه في ماتش شطرنج طويل او لما يكون مخنوق ويلاقي صاحبه بيكلمه بيقوله ماتيجي ننزل ولما يقف على كوبري قصر النيل ويتفرج على لمعان صفحه المايه بسبب القمر او انوار شبابيك النيل هيلتون ...
ويقف بس على الكوبرى ليه ينزل ياخد لفه بالمركب ب3 جنيه ويروح ياكل عند ابو طارق جنان ب 5 جنيه وبعدين لازم يفرح انو انوار شبابيك النيل هيلتون ببلاش والا كان هيخسر ال2 جنيه الى هيروح بيهم
-الشاب المصري بيكون مبسوط لما يحس ان ربنا كارمه ...
طب الحمد لله
الشاب المصري بينبسط من اقل حاجه
وديه نعمه من عند ربنا الرضا باى شىء مهما كان قليل

طبعآ الموضوع جميل ومش محتاج تعليق ( بس انا لازم ارخم)
عشان كده انا معلقتش زى ما انت شايف كده نو كومينت ( بعرف شو بدك تقول ثرثاره)

بس بجد والله انو الشاب يكون بيتبسط باقل حاجه وبترضيه ديه نعمه من عند ربنا
مشكوووووووووووووووووووووو ووووووووووووور

[نهاد مجدى]

موضوع حلو جدا سراج وعندك حق والله [ الشاب المصرى بيرضى بقليله ] .

[ساندرا]

والله انتو احلى ناس والله يوفقكم يا رب

[Serag Magdy]

ماشي
و شكراااا يا شاب

ماشي؟؟؟؟؟
ده كل اللي ربنا قدرك عليه؟
طب تسلمي يا شابة ع المرور

[Serag Magdy]

طبعآ الموضوع جميل ومش محتاج تعليق ( بس انا لازم ارخم)
عشان كده انا معلقتش زى ما انت شايف كده نو كومينت ( بعرف شو بدك تقول ثرثاره)

بس بجد والله انو الشاب يكون بيتبسط باقل حاجه وبترضيه ديه نعمه من عند ربنا

مشكوووووووووووووووووووووو ووووووووووووور

طب ما تعلقي

علقي علقي
ماهو ده اللي ناقص كمان
كل الحكاية يا بنتي ان الموضوع ده عجبني اوي فقولت اجيبه
نورتي موضوعي يا جميل والله برخامتك اللي زي العسل دي
ويا باشا ما في شخص يقدر يقول عليك انك ثرثارة
نورتي الموضوع يا جميل بردك ده

[Serag Magdy]

موضوع حلو جدا سراج وعندك حق والله [ الشاب المصرى بيرضى بقليله ] .

لعلمك
مش الموضوع اللي حلو
ردك هو الاحلي والله
تسلمي يا جميل ع المرور

[Serag Magdy]

والله انتو احلى ناس والله يوفقكم يا رب

والله انتي احلي
تسلمي يا ساندي ع المرور

[وليد الاسلام]

الشاب المصرى بيميزه بساطتة وطيبتة وينقصة القرب والامل فى الله