حصري" رسالة من الحكومة اعجبتني "

**~ man neO ~** · 25 - 4 - 2009, 07:30 PM

السلام عليكم
اعزرونى ناسيكم من زماان
بس اناا جيت

عزيزى المواطن بتاع النضال

يا راكب دماغك و غاوى الحلال

نصيحة يا صاحبى بلاش الخيال

و غمض عيونك و ربى العيال

بلاش المناكفة و لايم و عيش

هتتعب معانا و سهمك يطيش

نلفق لاهلك قضية حشيش

و تصبح حكاية و نكتة و مثال

:

تعالى و هاودنا و عدى الامور

و عيش فى الطراوة و خش الطابور

لكن لو هتزعل و دمك يفور

هنشهد نهايتك فى بحر الرمال

هتصبح حرامى هتصبح امير

هتصبح حرامى و ندل و اجير

و نقدر نلخبط فى اصلك كتيير

و جدك شحاتة هيصبح شحال

هنحلف ان الحبايب شافوك

بتقبض يا خاين و تقتل اخوك

ساعتها مراتك هتلعن ابوك

و تلطم و تنعى احط الرجال

مالكش انت دعوة باللى ضاع

و مين اللى شارى و مين اللى باع

و مين اللى كيل و مين اللى شال

فحب الحكومة و حب السلام

و علم ولادك يشدوا الحزام

علشان بكرة هياكلو حمام

و ينسوا الاسية و ينسوا الهزال

فلازم يا صاحبى تغمض عنيك

و طنش علينا نطنش عليك

و اياك تشاور نقطع ايديك

و تصبح مواطن ما يسواش ريال

عزيزى المواطن بتاع النضال

يا راكب دماغك و غاوى الحلال

نصيحة يا صاحبى بلاش الخيال
...
وغمض عيونك و ربى العيال

....
حيث اني عايز

اربي العيال

تحياتى
العوامى

**بسمة حبيبي** · 25 - 4 - 2009, 07:37 PM

ههههههههههههههههههه
لا لا عارفين الكلام ده كويس

تسلم ايديك يا جاااااااااامد وادينا بنفذ

**احساس** · 25 - 4 - 2009, 07:51 PM

و طنش علينا نطنش عليك

روووووووووووووووعه وجامده يامعلم الله يرحمك ياحودا والنبى كنت طيب
قالولك طنش واحنا نطنش والله احلى حكمه
بس شاكلك مش جيبهاااااااااااااا لبر خالص وأخرتك 000000000ولا اقولك انت عارفهااااااااااا بقى

ههههههههههههههههههههههههه هههههههه

**~ man neO ~** · 25 - 4 - 2009, 07:56 PM

المشاركة الأصلية كتبت بواسطة بسمة حبيبي

ههههههههههههههههههه
لا لا عارفين الكلام ده كويس

تسلم ايديك يا جاااااااااامد وادينا بنفذ

الحمد لله اللى فا نااس بتنفذ
خليناا احسن نمشى جمب الحيط

شكراا لمرورك بسمه ومنوره

**~ man neO ~** · 25 - 4 - 2009, 07:58 PM

المشاركة الأصلية كتبت بواسطة احساس

روووووووووووووووعه وجامده يامعلم الله يرحمك ياحودا والنبى كنت طيب
قالولك طنش واحنا نطنش والله احلى حكمه
بس شاكلك مش جيبهاااااااااااااا لبر خالص وأخرتك 000000000ولا اقولك انت عارفهااااااااااا بقى

ههههههههههههههههههههههههه هههههههه

ههههههههههههههههههههههههه ههههههههههههههههههههههههه ههههههههه
مااشى يا حماتى شكلك مش بتحبى ريناردا

اخرتناا واحده كلناا فى مركبه واحده والبنت معاياا رهينه

منوره التوبيك وسلميلى على ريناردا كثير

**متعب** · 25 - 4 - 2009, 09:12 PM

يا راكب دماغك و غاوى الحلال

نصيحة يا صاحبى بلاش الخيال
...
وغمض عيونك و ربى العيال

يعم الحمد للة احنا ملناش دعوة بالكلام دة

نايس توبك

**lulita** · 25 - 4 - 2009, 09:28 PM

احلى كلام قرأته يا

جامد يا تقييل

وأدينا هنحاول واحده واحده ننفذ وانا على نفسي بشد الحزام

**انا الحكومه** · 25 - 4 - 2009, 09:32 PM

انت بتجيب فى سيره الحكومه وانا موجود
هههههههههههههههههههههه
تسلم يا حوده ع التوبيك الجامد ده

**~ man neO ~** · 25 - 4 - 2009, 11:01 PM

المشاركة الأصلية كتبت بواسطة متعب

يا راكب دماغك و غاوى الحلال

نصيحة يا صاحبى بلاش الخيال
...
وغمض عيونك و ربى العيال

يعم الحمد للة احنا ملناش دعوة بالكلام دة

نايس توبك

ربناايجعلناا من المحبوبين لديهم والخفاف على قلبهم
قولوا امين
منور يا مان
على فكره دى قصيده لاحمد نجم بس محرفه

**~ man neO ~** · 25 - 4 - 2009, 11:03 PM

المشاركة الأصلية كتبت بواسطة lulita

احلى كلام قرأته يا

جامد يا تقييل

وأدينا هنحاول واحده واحده ننفذ وانا على نفسي بشد الحزام

ههههههههههههههههههههههههه هههههههههههههه
مااشى جامد بس يعنى ايه تقيل دا اناا وزنى 157 كيلو
يعنى خفيف جداا

منوره التوبيك يا مش عارف مين بس هنعرف عن قريب

الموضوع: حصري" رسالة من الحكومة اعجبتني "

أدوات الموضوع

حصري" رسالة من الحكومة اعجبتني "

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة