هو احنا ليه بنلعب فى الساعه مرتين فى السنه(نفضل ناخر ونقدم فيها لغايه متبوظ)

[THE_GAME]

بسم الله الرحمن الرحيم

الحقيقه كنت بتابع قسم قناه مصراوى كافيه
فلاقيت موضوع عن خبر العمل بلتوقيت الشتوى عاملاه شيرى


فسالت نفسى
هو احنا ليه بنلعب ف الساعه مرتين فى السنه ونقدم الوقت وناخره
لا واصلا الى يخليك تستغرب
ان المفروض العمل بالتوقيت الشتوى يكون كمان شهر ..
فى شهر تسعه
الحوكمه بقى قالتلك لاء .. لازم ناخر الساعه عشان رمضان
ويبقى الفطار الساعه 7 بدال 8


ياخوفى الحكومه تطلع تقولك رمضان بكرا ولا حاجه

الى يغيظك بقى فى الحكايه دى
تظبيط الساعات
وخصوصا لو ساعه حائط وبتكون عاليه
خد عندك بقى لما تجيب كرسى عشان توصلها ومتلاقيش كراسى
وتقطع قلبك من الشيل وفى الاخر تلاقى الكرسى واطى

ولا تفضل تنط على رجلك عشان بس تلمسها وتخلعها من على المسمار بتاعها
وتفضل تنط تنط تنط على متوصلها (مش عارف والله ايه حركات القرود دى)
لغايه متقع على دماغك لا قدر الله والساعه تتكسر ( ادى يعم الى خدناه من تاخير الساعه)
او مثلا تكون الساعه بتزمر ولا بترن
وتفضل تظبط الرنه وتتلغبط وتعيد تانى على مالحجاره تخلص

وكعاده اسرنا المصريه ...
لما تيجى بقى تظبط الساعه تعود بيك الزكريات
وتقول ياااا دى الساعه دى بقالها 50 سنه اصلها كانت يابانى اصليه
وتيجى واقعه مكسوره من ايده وممكن الراجل يحصله حاجه

والى يقولك الساعه دى اول هديه فى عيد جوازى
وياريتنى مكنت اتجوزت
ومراته تسمعه وتبدى الخناقه بينهم

ولا الساعه دى حبيبتى جابتهالى فى عيد ميلادى
وحبيبته دى خانته مع واحد تانى
وتقلب على نفسك المواجع

ادى الى خدناه من تقديم وتاخير الساعه ..

واحنا ماشاء الله يعنى اقل بيت ميقلش جواه عن 30 ولا 40 ساعه حائط و20 ساعه يد
ده غير الموبيل والكمبيوتر والمنبهات

او مثلا متكنش عارف حكايه التوقيت الصيفى ولا الشتوى
وتروح الشغل وتتاخر وانت فاكر انك رايح فى ميعادك
ويتخصملك يوم

ولا يكون عندك ميعاد وانت فاكر انك رايح بالظبط
بس متعرفش بقى والمعاد يروح منك

ولا مثلا تروح بدرى ساعه وانت فاكر انك رايح فى ميعادك
وتطلطع يا عينى ساعه بحالها فى الشمس ولا حاجه

ادى الى خدناه من تقديم وتاخير الساعه..




وفى الاخر بما اننا الدوله الوحيده الى بتلعب فى الساعه مرتين فى الينه
هو احنا ليه بنقدم وناخر الساعه
وبعدين صحيح هو التوقيت بتاع مصر ايه لو مكنش عندنا تقديم وتاخير الساعه؟

اتمنى ان يكون الموضوع عجبكم لانه مش منقول انا قولت بس اقول راىى لانى بجد مخنوق اوى من الحكايه دى

[THE_GAME]

يا خساره تعبى

[dongowana]

ههههههههههههه ههههههههههه
بس بجد الموضوع مضايقك عشان الاسباب دى يا مستر ممكن تعمل نفسك مش واخد بالك وتظبط ساعه اليد بتاعتك بس والباقى فى البيت يتصرفوا
هههههههههه
بس عادى فى حكايه التأخير والتقديم دى وبعدين ايه الجديد احنا دايما سبيشتل عن بقيت العالم
احنا بلد منعزله ههههههههههه
ميرسى على التوبيك بس الحمد لله بنفطر 7 مش 8 ههههههههههه الواحد بيهنج فى الصيام ( اكيد بهزر دا الواحد يفضل صايم عشان يتغفرله )

[eosama]

هههههههههه المصرين جامدين

[نونا الشعنونه]

هههههههههههههههههههههه
موضوع جامد جداا جداا جداا
بس انا بهيقلى لان الحكومه عايزه توفر فلما بنكون فى الصيف بدل ما ينوروا النور من الساعه 6 ينوروها 7 بس من غير ما احنا نحس
يعنى توفير مش اكتر
بس مش عارفه ايه اللى بيرجعها تانى ؟؟!!!!!
يمكن عايزين يصرفوا اللى وفروه
هههههههههههههههه

[يسري حسن]

والله عندك حق ابقى فهمني بقى لو انت (ي) فهمت بنير الساعة ليه

[NOOSA]

واللة عندك حق بجد الموضوع دة خانقنى من زمان....ونفسى افهمة انا كمان..بس اكيد فى حكمة من الموضوع طالما الحكومة اللى عاملاة.....دى مبتعملش اى حاجة غلط خااااااااااااااااااالص ...........ولا انت اية رايك

[THE_GAME]

ههههههههههههه ههههههههههه
بس بجد الموضوع مضايقك عشان الاسباب دى يا مستر ممكن تعمل نفسك مش واخد بالك وتظبط ساعه اليد بتاعتك بس والباقى فى البيت يتصرفوا
هههههههههه
بس عادى فى حكايه التأخير والتقديم دى وبعدين ايه الجديد احنا دايما سبيشتل عن بقيت العالم
احنا بلد منعزله ههههههههههه
ميرسى على التوبيك بس الحمد لله بنفطر 7 مش 8 ههههههههههه الواحد بيهنج فى الصيام ( اكيد بهزر دا الواحد يفضل صايم عشان يتغفرله )

اصل انا بصراحه كنت بظبط الساعه ووقعت اتكسرت
قعدت ادعى على الى اخترع تقديم وتاخير الوقت
ولا احنا خلاص باين اتعودنا على كده

الموضوع بقاله شهر انتوا لسه فاكرين تردوا دلؤتى

وتسلمى يا ميس على ردك

هههههههههه المصرين جامدين

طول عمرهم انت عندك شك فى كده ولا ايه!

[THE_GAME]

هههههههههههههههههههههه
موضوع جامد جداا جداا جداا
بس انا بهيقلى لان الحكومه عايزه توفر فلما بنكون فى الصيف بدل ما ينوروا النور من الساعه 6 ينوروها 7 بس من غير ما احنا نحس
يعنى توفير مش اكتر
بس مش عارفه ايه اللى بيرجعها تانى ؟؟!!!!!
يمكن عايزين يصرفوا اللى وفروه
هههههههههههههههه

احنا عايشين وخلاص مش فاهمين اى حاجه
ياخروا يقدموا
احنا بنفذ وخلاص
وشكرا يا نونا على ردك واعجابك بالموضوع

والله عندك حق ابقى فهمني بقى لو انت (ي) فهمت بنير الساعة ليه

لا انا (مذكر يعنى)
اوعدك باذن الله لو فهمت هقولك

واللة عندك حق بجد الموضوع دة خانقنى من زمان....ونفسى افهمة انا كمان..بس اكيد فى حكمة من الموضوع طالما الحكومة اللى عاملاة.....دى مبتعملش اى حاجة غلط خااااااااااااااااااالص ...........ولا انت اية رايك

طب انتى بتسالينى عن راىى ازى

منا مكنتش عملت الموضوع ووجعت دماغكم بيه

عموما انا موافق على كلامك برضه
تسلمى على ردك

[كابوس الحرامية]

مصر بخير
مصر حلوة