تعالى نفضفض....................

[قطقوطة]

اهى دنيا وبنعيشها
واحنا صغيرين كنا بنفرح اوى لما بابا يدخل علينا بحاجة حلوة شيكولاتة مصاصة اى حاجة
كنا كمان بنفرح بالعيد عشان بنجيب هدوم جديدة وبنخرج وبنتفسح وكدة
كمان كان لما كنا بنضحك كانت ضحكتنا من القلب
كنا لما بنزعل كانت اى حاجة تراضينا
ياترى كل الحاجات دى لسة زى ماهى؟ بتفرحنا وبتبكينا؟؟؟؟؟؟؟؟؟؟؟ مااعتقدش
طيب تفتكروا ايه اللى حصل؟ ايه اللى اتغير؟
يلا نتكلم وكل واحد يخرج اللى جواه يخرج حزنه اللى مهما فرح عمره مابينساه يخرج اللى في قلبه كدة بمنتهى البساطة يعبر عن اللى جواه اللى حاسس بيه دلوقت
ويقولنا ايه مشكلتك في حياتك؟
ايه اللى عمره مابيروح من بالك؟
بتفكر في ايه وشاغل تفكيرك؟
ايه هدفك وحلمك اللى تتمنى تحققه؟
تعالى نفضفض ونفتح قلوبنا لبعض
مستنية مشاركتكم وردودكم ويارب نقدر نساعد بعض كلنا هنا في المنتدى اسرة واحدة
ياسمين

[Ali Pharouq Najar]

أنا فى الأول سعييد جدا علشان أنا أول واحد هيتكلم
أنا عاوز أقول أن كل حاجة بتتغير
والأصل فى كل شيئ الزوال
وكما قيل :
ألا كل شيئ ما خلا الله باطل
وكل نعيم لا محالة زائل
و لكن المشكلة الكبرى هى نفس البنى أدم
النفس يا جماعه
و هى دى المشكلة عندى
فأحنا كبنى أدمين مخلوقين ضعاف بحكم الله
" وخلق الانسان ضعيفا"

لو كان كلامى مش صح ياريت تصححوه

[ريماس]

موضوعك جامد اوي وانا يشرفني اكون واحده ترد عليه

طبعا كلنا بنتغير ومش بنفضل ز مااحا دلوقتي انا معتش زي ماكنت كل مرحله بتغير مننا حاجات

ميرسي للموضع وسامحني مش هقدر اجاوب عن الاسئله

[قطقوطة]

عندك حق ياعلوة والله
اسأل الله ان يحفظنا شرها
بجد انا كمان سعيدة بمشاركتك وراهتمامك

[قطقوطة]

مرسيه ريماس لكن ليه مش هتردى؟
احنا ممكن نتكلم ونفضفض ونساعد بعض في حل مشاكلنا
مرسيه ياحبيبتى واتمنى تنورينى وتحكى معانا

[bvcxz_mn42]

القناعة كنز لايفني
هي فعلا مقولة صحيحة الرضا والقناعة اهم حاجة لو الواحد قنوع عمرة ما هيبص علي اللي في ايد اخوة

[قطقوطة]

القناعة كنز لايفني


هي فعلا مقولة صحيحة الرضا والقناعة اهم حاجة لو الواحد قنوع عمرة ما هيبص علي اللي في ايد اخوة

عندك حق بس لو هنتكلم عن الاسس والقواعد والمقولات يبقي السعادة في الرضا
بس تفتكر كل الناس سعيدة ومفيش اى مشاكل والحياة ماشية زى الفل
احنا بنتكلم بصراحة ياجماعة
مش عاوزين ردود تقليدية عاوزين نقول اللى احنا حاسينه
مرسي ليك ع المرور والمشاركة نورتنى ويارب دايما

[sheriiiif]

و الله يا ياسمين
موضوعك جميل جدا
زمان فعلا كان كل حاجة ليها طعم
رمضان مثلا كان زمان تحفة
كان ليه طعم تاني خالص
كل حاجة فيه كانت جميلة
حتي التليفزيون و برامجه و اعلاناته كان ليه طعم مختلف
و الله بجيب فيديوهات دلوقتي من مواقع فيديو
عن فوازير رمضان زمان و اعلانات قديمة و اغاني رمضان
بسمعها وانا جسمي بيقشعر
لما افتكر الذكريات الجميلة
و احنا اطفال
زمان كانت كل حاجة بتتعمل بروقان
و مكانش الهدف الاول و الاخير و الاساسي هو الربح المادي و بس
للأسف دلوقتي بقت كل حاجة شبه بعضها
برغم ثراء البرامج و المسلسلات و الدوشة و الصداع
الا ان حاجات كتيرة اوي ما بقاش ليها طعم
موضوعك عايز اكتر من رد
لانه موضوع في الصميم
تسلم ايدك يا سمسم

[دق دق]

اهى دنيا وبنعيشها

لأ الكلام ده مينفعش
يا نعيش صح الصح
يا هنبقى مش عايشين

واحنا صغيرين كنا بنفرح اوى لما بابا يدخل علينا بحاجة حلوة شيكولاتة مصاصة اى حاجة
كنا كمان بنفرح بالعيد عشان بنجيب هدوم جديدة وبنخرج وبنتفسح وكدة

طيب وايه اتغير الفرحه دى من جوانا
يعنى لما يجى العيد ليه متفرحيش
وانت بتشترى لبس العيد
وكمان ليه منجيبش مصاصه وشيكولاته
ونعيش الجو الطفولى ده
احنا الي متحكمين فى احساسنا تجاه المواقف والاشياء

كمان كان لما كنا بنضحك كانت ضحكتنا من القلب

علشان كنت دايما حاسه بالامان من الي جواليكى
انما دلوقتى الواحد بيتصدم فى اقرب الناس ليه
فى دى انت عندك حق

كنا لما بنزعل كانت اى حاجة تراضينا

علشان زمان كان الي بيبقى مزعلك حاة واحده
فبترضيك اقل حاجة
انما دلوقتى بيبقى الزعل محصله هموم كتيرة فى الحياه
وبتطلع على اتفه سبب ... فصعب اى حاجة ترضينا

ياترى كل الحاجات دى لسة زى ماهى؟ بتفرحنا وبتبكينا؟؟؟؟؟؟؟؟؟؟؟ مااعتقدش

بصى الحاجات زى ما هى الناس هى الي اتغيرت
يعنى العيد هو العيد ... احنا الي مبقناش عارفين
نفرح وبنخلط الاوقات ببعض
طيب ليه مناخدش هدنه من هموم الحياه وقت العيد
ونعيش جو الفرحه والبهجه
عارفه انا لسه بشترى لعبه كل عيد وبلالين والعب
وعلى فكرة انا بدرس فى الجامعه !!!!!!

طيب تفتكروا ايه اللى حصل؟ ايه اللى اتغير؟

نحن من تغيرنا

يلا نتكلم وكل واحد يخرج اللى جواه يخرج حزنه اللى مهما فرح عمره مابينساه يخرج اللى في قلبه كدة بمنتهى البساطة يعبر عن اللى جواه اللى حاسس بيه دلوقت

ويقولنا ايه مشكلتك في حياتك؟
الاحساس بالعجز
ايه اللى عمره مابيروح من بالك؟
ان لازم اعيش كل وقت صح
لانى مش هعيش مرتين
بتفكر في ايه وشاغل تفكيرك؟
لألألألألألأ ده سر
ايه هدفك وحلمك اللى تتمنى تحققه؟
انى افضل نفسى
اظل اتمسك بحقى
افضل احلم

تعالى نفضفض ونفتح قلوبنا لبعض
مستنية مشاركتكم وردودكم ويارب نقدر نساعد بعض كلنا هنا في المنتدى اسرة واحدة

ايون اسرة مع بعضينا
ياسمين

عطرك واضح فى المكان

[قطقوطة]

مرسيه ليك ياشريف بجد نورتنى
ومرسيه ليكى اوى يادق دق على رأيك
وبجد بجد نورتونى