ميـن ميــــن مـيــــــن ؟؟؟

[جلال عزت]

السلام عليكم و رحمة الله و بركاته....

طبعا فكرة الموضوع مميزة انك تخلى من حتة كوميدية زى دى موضوع مهم جدا زى ده .. حد فاهم حاجة؟!!!

المهم...

والله يا اخت botta انتى فكرتينى بحاجات قديمة قوى و رجعتينى بالذكريات لورا قوى، اعز انسان كان عندى و اللى اشتركت هنا باسمه معاكم بسبب حبه له و لانى كنت بعتبره نفسى و نعتبره الجزء التانى اللى بيكمل اللى ناقصنى، كنا دايما مع بعض و بنلعب سوا و نضحك سوا و نفرح سوا و نزعل سوا و نهزر سوا و حياتنا كانت مع بعض لحد اما جه يوم بقى الاتصال بيه مينفعش ابدا فى عالم الواقع لكنه مع ذلك لسه عايش فى خيالى و فى قلبى و مش بيفارقنى ابدا.

ده كان اعز صديق ليا رحمة الله عليا، و اللى بعتبره عايش جوايا و مش مات -و ده مش اعتراض على حكمك يا الله انت اعلم بنوايا عبادك- لانه عانى فى اخر حياته بسبب المرض.

حاليا لما بحتاج حاجة بلجا لناس كتير على رأسهم اخويا توأمى احمد و صاحبى الانتيم محمد...

بشكرك مرة تانية على موضوعك و بحييكى على فكرته الحلوة و على راى احمد بدير...

مـــــين؟ مـــــين؟ مـــــييييين؟ امبا امبا امبا امبا امبا

محمود...

[آية الرحمن]

بجد تحفة بس انا الانسانة الوحيدة الى ممكن الجئ ليها بعد ربنا سبحانة وتعالى هى صحبتى وهى بجد وحشتنى اوى من يوم الاجازة مش بنشوف بع كتير مقضينها تليفونات بس انا لما اكون مخنوقة اوى الاول اصلى واشكى همى الى ربى وبعد كدة اكلم صحبتى علطول

[botta]

لما تبكى مين بيمسح دموعك ؟
لما تكون حزين مين اللى بيواسيك و يطبطب عليك ؟
لما تحس بالوحدة مين اللى بيونسك ؟
لما تحتار من اللى بتستشيره و يدلك للصح من غير ما تخاف انه يضرك ؟
من الآخر مين اللى بترتاح معاه و تحس انه مرايتك تكشف قدامه كل المستخبى جواك ؟

ها .. وضحت الحكاية
يا سلام لو كل الحاجات دى موجودة فى شخص واحد ، يبقى ربنا أنعم عليك بنعمة مش لازم أبدا تفرط فيها


تسلم الأيادى يا قمر بجد توبيك ولا اروع
وفعلا معاكى حق اذا كل الحاجات دى موجوده فى شخص بتبقى نعمه
وبالنسبه لمين بقى
حبيبى
اللى ربنا انعم عليا بوجوده فى حياتى والحمد لله هو الوحيد اللى بيقدر يواسينى وبلاقيه جنبى فى كل وقت
وفى كل الحالات الحزين منها قبل المفرح
وميرسى يا جميل على التوبيك الرووووووووعه
ودمتى مميزه كده على طول

منورانى يا نودى
ربنا يخليكوا لبعض و يجمعكم تبقوا زوجين متفاهمين و أسرة مترابطة
قولى آميــــــــــــــن

[botta]

السلام عليكم و رحمة الله و بركاته....

طبعا فكرة الموضوع مميزة انك تخلى من حتة كوميدية زى دى موضوع مهم جدا زى ده .. حد فاهم حاجة؟!!!

المهم...

والله يا اخت botta انتى فكرتينى بحاجات قديمة قوى و رجعتينى بالذكريات لورا قوى، اعز انسان كان عندى و اللى اشتركت هنا باسمه معاكم بسبب حبه له و لانى كنت بعتبره نفسى و نعتبره الجزء التانى اللى بيكمل اللى ناقصنى، كنا دايما مع بعض و بنلعب سوا و نضحك سوا و نفرح سوا و نزعل سوا و نهزر سوا و حياتنا كانت مع بعض لحد اما جه يوم بقى الاتصال بيه مينفعش ابدا فى عالم الواقع لكنه مع ذلك لسه عايش فى خيالى و فى قلبى و مش بيفارقنى ابدا.

ده كان اعز صديق ليا رحمة الله عليا، و اللى بعتبره عايش جوايا و مش مات -و ده مش اعتراض على حكمك يا الله انت اعلم بنوايا عبادك- لانه عانى فى اخر حياته بسبب المرض.

حاليا لما بحتاج حاجة بلجا لناس كتير على رأسهم اخويا توأمى احمد و صاحبى الانتيم محمد...

بشكرك مرة تانية على موضوعك و بحييكى على فكرته الحلوة و على راى احمد بدير...



محمود...

أنا اللى بشكرك يا محمود على ردك ده
ربنا يرحمه و يرحمنا جميعا
اللى عليك انك كل ما تفتكره تترحم عليه
ربنا يخليلك أحمد و محمد
و يا رب علطول تنور موضوعاتى

[botta]

بجد تحفة بس انا الانسانة الوحيدة الى ممكن الجئ ليها بعد ربنا سبحانة وتعالى هى صحبتى وهى بجد وحشتنى اوى من يوم الاجازة مش بنشوف بع كتير مقضينها تليفونات بس انا لما اكون مخنوقة اوى الاول اصلى واشكى همى الى ربى وبعد كدة اكلم صحبتى علطول

ربنا يخليكوا لبعض
و فعلا أحلى حاجة انك تشتكى لربنا
منورانى يا رومانسية
و دايما تنورينى