خطـــــابك كتير وقالــــولى تستــــــــــاهلى الدهب واللولـــــــــــى

[No TiMe]

خطابك كتير وقالولى تستاهلى الدهب واللولى.................
وما بين الحبايب واحد ،، بابا هيشاور عليه ويقولى

ههههههههههههه
ها يا بنات مش كل واحده بتغنى الاغنيه دى وبابا بيكمل واهو من يوم مغنناها كل
بابا اتمسك بيها وحلف ميت يمين متخرج بنته الا بتقلها دهب وعشان كده بنته مش هتخرج بتاتا ،،،
المهـــــــــــــــم
كل أب وأم بيحلموا ان بنتهم تتجوز جوازه مش يحلموا بيها اللى معاه المال والمنصب والجاه بغض النظر عن سنه و مستواه الاجتماعى و مستواه التعليمى ممكن تكون على درجه ماجستير وهو دبلوم وبالتالى من هنا تظهر الفجوات والبنت لا حول ليها ولا قوه وبتستسلم للمغريات دى
لو جينا نستعرض كده الحوار اللى بيدور للمره الاولى بين الاب وأى عريس متقدم لبنته نلاقيه كله ينصب على الشبكه والمهر والشقه والعفش والعرير والعروره والمعارير والداتوه وهكذا ،، طب فين دينه؟؟ وفين أخلاقه؟؟ وفين الاصول اللى اتربى عليها اللى هتأهله لتأسيس أسره دينيه مترابطه؟؟ فين مبادئه اللى هيمشى عليها؟؟؟

يرد أغلب الاهالى يقولوا لا ده بعدين أو بيعتبروه انه كويس فى الناحيه دى بمجرد توافر المال والله عليك يا سيدى لو كنت من أرباب الغربه يا عينى ده عز الطلب والمنى هتكبش الفلوس وتأسس ،، طب يا بابا انت تعرف بيشتغل ايه هناك

؟ أو أخلاقه ايه هناك؟ يرد بابا انتى تعرفى ايه انتى عن الدنيا عشان تقولى كده د من أكبر مصدرى البمب فى البلد
تعالو نشوف حوار تليفونى بين العريس الهاى والاب

العريس

: ازيك يا أنكل

الاب

: ازيك يا حبيبى

العريس

: انا مهند عندى 37سنه بشتغل فى السعوديه فى الاستكراد قصدى الاستيراد والتصدير
ممكن يا عمى أطلب ايد بنت حضرتك والشبكه اللى تطلبها وكل شروطك مجابه

الاب

:"بنتى عندها 17سنه وهو 37 سنه يادوب على ادها" وماله يا حبيبى احنا هنلاقى احلى ولا أطيب ولا أغنى قصدى أغلى منك فين .. شبكه ايه اللى بتتكلم فيها احنا بنشترى راجل اللى يناسبك هاته
أنا موافق يله نقرا الفاتحه ،،،

العريس

: طب اصبر بس يا انكل اجيب العيله واجى

الاب

: لا يا بنى متتعبهمش داحنا اللى نجيلهم خير البر عاجله
بسم الله الرحمن الرحيم
الحمد لله رب العالمين ......... ولا الضالين أمين
مبـــــــــــــ لولولولوللـــــــــــى ــــــــــــــــــــروك

والشبكه هديه فوق البنت كمان
اتفضلوا

شوفوا بقه لو صاحبنا ده لسه متخرج وهيجهز على قده ولسه هيكافح " محدش قاله يغلط غلطه عمره وتسول له نفسه يتجوز اصلا مش لما يكمل 60 سنه على الاقل يكون فى ريعان شبابه "

العريس

: السلام عليكم ورحمه الله وبركاته

الاب

: وعليكم السلام ورحمه الله وبركاته

العريس

: تسمحلى يا عمى أطلب ايد بنت حضرتك
"" أأأأأأأأأأأأأخ يومه بقه ""

الاب

: مكنش يتعز لسه مامتها واخداها وخارجه دلوقتى يا حبيبى

العريس

: يا عمى انا شارى بنتك

الاب

: انت مين ؟؟ وبتقبض كام ؟؟ وعيلتك مين ؟؟ وشفتها فين ؟؟ انطق.. اتكلم!!!!!!!!!!!!!

معاك شبكه بــ 20الف جنيه

؟؟ معاك شقه تمليك؟؟ وتجهز أربع اوض ومطبخ ورشبشن ؟؟

لو كان كده سبنى افكر فى موضوعك

..... !!!!!

ها يا شباب مش ده بيحصل على مسمع وبصيره كل منا ,, انا عن نفسى اعتقد ان جزأ من رأى الاهالى صح لكن ليه المغالاه دى ليه مش بننتهج نهج رسولنا الكريم صلى الله عليه وسلم من جاءكم ترضون دينه وخلقه فزوجوه...
يهتم الاب بكل حاجه الا الخلق اللى هيعامل بيها بنته ويسعدها او يتعسها ممكن يوفرليها كل حاجه ترفيهيه بس سعاده مش تلاقى ممكن لفارق اجتماعى او علمى أو ميول مختلفه للطرفين وبسبب عدم التفاهم مش فى قرب بين الطرفين لعدم الرغبه فى التواصل اساسا ونوصل فى النهايه للتفكك وهروب بعض الازواج خارج المنزل للبحث عن السعاده والبعض الاخر يلجأ للنت والشات للبحث نحو السعاده التائهه بين طيات المغالاه المفروضه من الاهالى ومن الضغوط النفسيه والمعاناه التى يعانيها كل فرد نتيجه البحث عن قوت يومه
انا مع وضد كل اب
معه فى تأميين حياه ابنته والحصول على حياه كريمه
ولكن بالحد الذى نستطيع توفيره من يبحث لنيل كل شىء لن ينال اى شىء
بالله عليكم

اعطونى اسباب تؤيد ما يحدث ؟؟
الى متى نسكت على تصدع بعض الاسر بسبب التأسيس الخاطىء والبحث عن عامل وتأبين باقى العوامل ؟؟؟
دمتم بكل ود ومحدش يدعى عليه
منقول

[نور المهد]

موضوع جميل يا اسلام ودى مشكلة كل الشباب
ربنا يستر على الجيل الجديد اللى هما اطفال دلوقتى هيعملوا ايه

[كابوس الحرامية]

طب والله كلام زي الفل
انا شايفه ان الرضا والسعاده مش بكتر المال ولا الفلوس
اهم حاج الاخلاق والدين
وعلى رأى المثل الشوعبي اللي بيقول
يا واخد القرد على ماله بكره يروح المال ويفضل القرد ياكل سوداني مع اخواته القرودوشوية حيوانات تانيه كدة
وفي النهايه الحب والتفاهم والاحترام اساس زواج ناجح
وجزاك الله خيرا يا اسلام

[شاب مسلم]

بصراحة اسلام موضوعك بيناقش قضية مهمة جداا
وهى قضية الزواج واسباب الاحجام عنه
وللاسف الاسف الشديد انت ذكرت نقطة فعلا فين الاخلاق
كل اب بيسأل فين الشبكة فين الشقة فين المهر وشوية هيقوله فين العربية
وناسى ان الشباب اليومين دول اساسا مش لاقى ياكل ويدوبك عايشها بالعافية
لا والغريبة واللى يستفز اكتر
انه تلاقى كل عريس جاى يتقاله لاء اول لما يسمع خليج وفلوس
تلاقى كلمة لاء دى بتتقال بعد تفكير مليون مرة فى الموضوع دوت
بصراحة الموضوع شمل كل حاجة ممكن نتكلم فيها
ومسبتلناش حاجة نتكلم فيها احنا من عندنا
بجد تسلم الايادى اسلام
معرفش دلع اسلام ايه فبناديم ب اسلام
اخوك فى الله
حسن

[botta]

ندعى عليك ايه بس
ربنا يكرمك و يصلح حالك يا اسلام
موضوعك ممتاز
أنا كمان مع و ضد الآباء دول
معاهم لأنهم بيأمنوا حياة بناتهم خصوصا و ان ناس كتير بتستسهل الجواز و الانفصال و مش بتفرق معاهم
فالأب بيقول : لما يدفع دم قلبه فى الجوازة هيفكر 10000000000000 مرة قبل ما يزعلها أو يطلقها ـــ هو مش عارف ان ممكن الزوج يطلع عينها و يخليها تقوله روح مش عايزاك و لا عايزة حقوقى اللى عندك
و تمضيله على كده قبل ما ترجع بيت أبوها متبهدلة
*****
كمان الزوج ـــ و أهله المحترمين ـــ ساعات بيسترخصوا البنت اللى تتساهل فى الشبكة و الفرح و .............
و عادى أى اهانة بعد الجواز و كأنها ما كانتش لاقية اللى يشيلها من بيت أبوها
و الموقف ده أنا شفته بعينى بجد
بس كفاية كده
بجد رااااااائع
ربنا يكرمك

[No TiMe]

موضوع جميل يا اسلام ودى مشكلة كل الشباب
ربنا يستر على الجيل الجديد اللى هما اطفال دلوقتى هيعملوا ايه

امين يا رب ويسترها معانا كمان نورتني بجد

[No TiMe]

طب والله كلام زي الفل
انا شايفه ان الرضا والسعاده مش بكتر المال ولا الفلوس
اهم حاج الاخلاق والدين
وعلى رأى المثل الشوعبي اللي بيقول
يا واخد القرد على ماله بكره يروح المال ويفضل القرد ياكل سوداني مع اخواته القرودوشوية حيوانات تانيه كدة
وفي النهايه الحب والتفاهم والاحترام اساس زواج ناجح
وجزاك الله خيرا يا اسلام

هههههههههههههههه
كلام عاقل وموزون يسلمووو نهي لمرورك الجيمل دا ويا رب يوفقك في حياتك نورتني بجد ويا رب ديما واي خودمه

[No TiMe]

بصراحة اسلام موضوعك بيناقش قضية مهمة جداا
وهى قضية الزواج واسباب الاحجام عنه
وللاسف الاسف الشديد انت ذكرت نقطة فعلا فين الاخلاق
كل اب بيسأل فين الشبكة فين الشقة فين المهر وشوية هيقوله فين العربية
وناسى ان الشباب اليومين دول اساسا مش لاقى ياكل ويدوبك عايشها بالعافية
لا والغريبة واللى يستفز اكتر
انه تلاقى كل عريس جاى يتقاله لاء اول لما يسمع خليج وفلوس
تلاقى كلمة لاء دى بتتقال بعد تفكير مليون مرة فى الموضوع دوت
بصراحة الموضوع شمل كل حاجة ممكن نتكلم فيها
ومسبتلناش حاجة نتكلم فيها احنا من عندنا
بجد تسلم الايادى اسلام
معرفش دلع اسلام ايه فبناديم ب اسلام
اخوك فى الله
حسن

ههههههههههههههههههههه
منورني حسن ولا يهمك
عندك
سمسم سلامخ سومي يلم سلالم نقي اللي يعجبك ومنورني يا كبير

[No TiMe]

ندعى عليك ايه بس

ربنا يكرمك و يصلح حالك يا اسلام
موضوعك ممتاز
أنا كمان مع و ضد الآباء دول
معاهم لأنهم بيأمنوا حياة بناتهم خصوصا و ان ناس كتير بتستسهل الجواز و الانفصال و مش بتفرق معاهم
فالأب بيقول : لما يدفع دم قلبه فى الجوازة هيفكر 10000000000000 مرة قبل ما يزعلها أو يطلقها ـــ هو مش عارف ان ممكن الزوج يطلع عينها و يخليها تقوله روح مش عايزاك و لا عايزة حقوقى اللى عندك
و تمضيله على كده قبل ما ترجع بيت أبوها متبهدلة
*****
كمان الزوج ـــ و أهله المحترمين ـــ ساعات بيسترخصوا البنت اللى تتساهل فى الشبكة و الفرح و .............
و عادى أى اهانة بعد الجواز و كأنها ما كانتش لاقية اللى يشيلها من بيت أبوها
و الموقف ده أنا شفته بعينى بجد
بس كفاية كده
بجد رااااااائع
ربنا يكرمك

الله يخليكي يا رب والجواز الايام ديا بقي صعب اوي والابهات بيضغطو علي الشباب والاب بيجوز بينتو للغني بس ومش بيهمو سعاده بنتو خالص
معلش ربنا يهدي الكل ويصلح الحال نورتني بجد شيماء وبردك الاكتر من ممتاز بجد

[ام اسراء]

والله ياأسلام موضوعك بيحصل كتير فى مصر
والأنيل من كدة أنه يكون عريس من دوله عربيه
يعنى 77سنه مش 37زى مهند اللى فوق
والبنت تحمل وتجيب عيل ودور بقى يابابا
على العريس اللى رمالك شويه فلوس وجبلك عيل
تصرف عليه دم قلبك طول حياتك
وربنا يهدى هؤلاء الأباء
وطبعا على النقيض فى أباء بيشتروا رجاله
بس يكون عارفه من عيله ويقدر يصون بنته
وتعيش عيشه كريمه ويتقى الله فيها
ربنا يرزق كل البنات بمن يتقى الله فيها
تسلم ياأسلام ويرزقك ربنا ببابا عروسه كويس