( كوووووووووووووووول كافيه ) ادخل و كله بحسابه .

[بك أستجير فمن يجير سواك]

السلام عليكم
ياحلوين يامنورين كوووول كافيه
الحمد لله انا كان يومى كويس صحيت الساعه 12 هو متاخر شوى بس لانى تعبانه وكنت هكمل نوام بس لان بنت اختى هى الا صحتنى فا مش معقول اشوف قمر كده وانام تانى نزلت بقى معاها بس انا كالعاده ما بفطارش
فا راحت سألت ماما واختى هنعمل ايه للغداء وطلع الغداء محشى وانا تعبانه وقلبى كان حاسس يلا بقى اعمل ايه يلا علشان اختى وبعد شوى جات اختى التانيه اتريهم كانوا متفين بقى
وانا معارفش يلا أمرى لله راحت اختى تجيب الطلبات وانا راحت علشان نشوف هنعمل ايه فكان من نصيبى البصل انا الا عملت البصل
اخواتى ضحكوا عليا ودبسونى وكل واحده عملت حاجه علشان نبتدى فيه يلا امرى لله بقى فارحت ساعدتهم شوى لحد لما زهقت وقاعدنا عملنا المحشى كلنا يعنى كانوا بينتقموا منى عملينا صنفين كرومب وفلفل
واخير خالصنا واتغدينا كان غداء جميل وبالهنا والشفاء واتفضلوا معانا لما خالصنا جيت دخلت شوى على مصراوى بس للاسف اختى جت رخمت عليا وقالت عايزة اقعد على الكمبيوتر شوى فاراحت قفلت المنتدى
وهى استلمت الجهاز وبعدين قاعدنا نتكلم مع بعض شوى ونضحك كتير وبعدين اخواتى لازم يمشوا علشان الدارسة واولادهم والمدارس وكده يعنى وانا فتحت الكمبيوتر ولسه بقول ياهادى علشان اشوف الجديد والمواضيع الرائعة الا دائما هنا
لقيت مستر مودى بيقول النهارد معانا الارض انا بصراحة انبساط اوى علشان انا حبه اكون معاكم وعجبتنى الفكرة اوى وكمان علشان اطلب بقى الطلبات بتاعتى وبشكركم اوى على اختياركم ليه
ويارب يومى يعجبكم

[No TiMe]

وادي المحشي

وادي الديك الرومي المشوي

وادي صنيه الفراخ بالبطاطس






وادي المكرونه بشمل









ودي العصاير



























وسلمتها ام سعاد وام حسن وام عليات

[بك أستجير فمن يجير سواك]

استني طلباتك جيه اهي

ماشى يااسلام متشكرة
انا بنتظارها اظن انه طلبات
صعبه ممكن يكون المطبخ قفل

[No TiMe]

يوم لزيز كلو اكل
بالف هنا وشفا
الاسئله ؟
كام كيلو طبختو المحشي ؟
كلتو الساعه كام؟
اخر مره شربتي فيها شاي امتي ؟
اخر مره نمتي فيها امتي ؟
صحيتي ليه الساعه 12؟
وهتنامي كام النهارده؟
وناويه تطبخو ايه بكره ؟
وامتي كلتي سمك اخر مره ؟
وكفايه عليكي كدا واخلي الجماهير
تهدف وتنادي باسمك
وسلمتها ام العيال كلهم

[بك أستجير فمن يجير سواك]

يوم لزيز كلو اكل

بالف هنا وشفا
الاسئله ؟
كام كيلو طبختو المحشي ؟
كيلو فلفل 3 كرومبات بس وسط
كلتو الساعه كام؟
4وشويه والا عايز بالظبط
اخر مره شربتي فيها شاي امتي ؟
كانت الساعه 2 كده
اخر مره نمتي فيها امتي ؟
امبارح الساعه 3
صحيتي ليه الساعه 12؟
كسل بعيد عنك وتعب وبنت اختى صحتنى
وهتنامي كام النهارده؟
لسه مش عارفه بس احتمال 3
وناويه تطبخو ايه بكره ؟
ناوى اعمل شواربة خضار وفراخ وبفكر بالباقى
وامتي كلتي سمك اخر مره ؟
الاسبوع الا فات تحب تعرف النوع
وكفايه عليكي كدا واخلي الجماهير
تهدف وتنادي باسمك
وسلمتها ام العيال كلهم

تسلم يااسلام على الطلبات وكل دى اسئلة ارحم شوى
وايه حكيت ام العيال دى سبهم فى حالهم

[iLWda3]

منوره يا "ارض" والله الكافيه كله
ويوم لطيف وجميل وحر وطبخ وطويل وقصير
وربنا يجعل كل ايامك كده

المهم ندخل في الاسئله
*صحيتي الساعه 12 وكنتي هتكملي نومك !
يعي كنتي هتنامي لحد امتى !!؟
*بنت اختك دي قد ايه؟ واسمها ايه؟ وايه اللي جايبها
عندكم الساعه 12 اصلا !؟
*عملتي كام بصلايه؟
*عاملين كرمب وفلفل مفيش ورق عنب ليه !؟
*اختك اللي رخمت عليكي دي قاعدت تعمل ايه على الكمبيوتر؟
*اخواتك دول مشيوا الساعه كام من عندكم؟
*وانتي قاعده دلوقتي بتاكلي ايه ولا بتشربي ايه؟
ولو مش بتشربي ولا بتاكلي يبقى ايه اللي مقاعدك اصلا ؟
يلا سلام بقى كفايه اسئله بؤي واجعني

[بك أستجير فمن يجير سواك]

منوره يا "ارض" والله الكافيه كله

ويوم لطيف وجميل وحر وطبخ وطويل وقصير
وربنا يجعل كل ايامك كده
الله يخليكى

المهم ندخل في الاسئله
*صحيتي الساعه 12 وكنتي هتكملي نومك !
يعي كنتي هتنامي لحد امتى !!؟
يعنى ممكن لحد تانى يوم كسل بقى
*بنت اختك دي قد ايه؟ واسمها ايه؟ وايه اللي جايبها
عندكم الساعه 12 اصلا !؟
سنه وكام شهر ... اسمه ملك... جات عندنا لان يوم زيارتهم لينا
*عملتي كام بصلايه؟
كتير يااختى يعنى 8 على مااذكر
*عاملين كرمب وفلفل مفيش ورق عنب ليه !؟
مش عارف يمكن لانوا صعب
*اختك اللي رخمت عليكي دي قاعدت تعمل ايه على الكمبيوتر؟
تلعب شوفتى
*اخواتك دول مشيوا الساعه كام من عندكم؟
9 وشويه
*وانتي قاعده دلوقتي بتاكلي ايه ولا بتشربي ايه؟
ولاحاجه اهوايدى فاضى
ولو مش بتشربي ولا بتاكلي يبقى ايه اللي مقاعدك اصلا ؟
مش عارفه
يلا سلام بقى كفايه اسئله بؤي واجعني
الف سلامة عليكى

شكرا ياقمرايه بس ايه مطر الاسئلة ده
ويارب ايامك كله حلوة زى يومى
سلام ياعسل

[شيري العسولة]

سورى ياقمراية والله النت فصل وماعرفتش اقوم بالواجب معاكى
بس اسلام قام بالواجب اهو
وهاقرا يومك واقولك الاسئلة انتظرينى

[بك أستجير فمن يجير سواك]

سورى ياقمراية والله النت فصل وماعرفتش اقوم بالواجب معاكى
بس اسلام قام بالواجب اهو
وهاقرا يومك واقولك الاسئلة انتظرينى

لا ولايهمك واجب ايه ده ردك احلى واجب
معلش ده انا كنت برخم شوى
اه اسلام قام بالواجب الحمد لله
ماشى ياسكر وانا بنتظارك ياحلوة

[شيري العسولة]

انا جييييييييييييت ياجماحة نبتدى بقى بالاسئلة
ياترى بتعملى كام مرة محشي فى الاسبوع ؟
كان عددكم كام فى الشقة بالظبط ؟
ومين قاعد جمبك وانتى كنتى بتكلى من على ايدك اليمين ؟
مين اللى غسل المواعين دى كلها بقى ؟
وياترى بنت اختك دى اكلت كويس ولا لا ؟
اكلتى كام صباع محشيى ؟
وياترى في محشي ولا قومتوا بالواجب معاه ؟
بالنسبة للخسائر فى وسط الزحمة اية هى ؟
وكفاية كده ولو فى تانى هابقى ارجعلك
منورة ياقمر