جحا ومشاكل الزواج الحلقة الثانية(كلام نسايب الحفيد)

**hadede** · 22 - 12 - 2009, 07:13 PM

الحلقة الثانية

********

بعد وصول جحا الى منزل نسايب حفيده تم الترحيب به بحرارة

وتم تقديم واجب الضيافة بقدر يتاسب مع الضيف الغالى

وبعد ذلك بدأ الوالد والوالدة والاخ الاكبر فى الحديث

وحديثهم دائما اما عن العريس او العروسة

وبدأ جحا ينصت لهم فقالوا

*******

لـيــه الـعـريـــس زعـــلان وشايفينه دايما حــاير

دا رغم الكساد ورغم الــفــــســــاد الـلـــــى دايـر

غطينا الحيطان واستلفنا من الجيران تمن الستاير

وأخوها زعلان منه ومــنـــها كمان وشايفينه ثاير

*******

يا عــــــريس مـــن شكل القايمة لا تخاف

البطـــاطـــيـــن دســـت غيـــــر كام لحاف

والمـــراتـــب ســتـــة تـــقـــال مش خفاف

والنــجـــف كريستــــال اصــلـــى وشفاف

*******

الحــلـــل جـبـنــاهـــــا اشكــــــــال والوان

الومنيوم بيلمع وصوته يسمعه الجيــــران

والتانى اسانلس غطاه شفاف واكله يبــان

والتالت تيفال ينغسل بسهولة وامــــــــان

والرابع زنك وده الوحيد اللى فيهم تعبان

*******

ان كــــان العريس عــلــى اده وكمـــان مطحــــــــــــــون

ليه بيطلب من الغسالات تـلاتـة واحدة منهم للصحـــــــون

وكمان بيقول عايز مهندس يخلى المطبخ تحفة من الفنـون

******

دا كل شوية بيعمل مع خطيبته خصومة

وهى تقول يابابا لازم تصالحه بعزومة

لانه بـيـحــب دايما طبيخ ماما سـومـــة

وطالب محاشى وبـــطــــة وفته بتومة

********

ولــــمـــــا بيجيب لـعـروسـتـــــه هدية

بيعمل مشــكــلــة ومــيـــت قـضـيـــة

ويشتيكى ليها مــــــن ضعف الماهية

ويقول لها نفسى اهديك احلى عربيه

********

من اول ما قال انه حفيد جحا الاصيل

جبنا صيــنى واكروبـال خفيف وتقيل

وخايفين يـكـــسره ويطلع واد عـــويل

*******

وتــــلاجـتـيـن وديب فريـــزر كـبـيـــــر ومـتـيـــــــــن

واســتــانــلـــس وفــضــة عشــــان فى النيش يعيــــــن

وفـــنـــاجين وكبيـايات والكــاســـات مش ناسييـــــــن

واطـــقــــم ميلامين وبلاستيكات فى البدروم مرمييـــن

واطــقـــم بــهـــــار ومكوى بـالبـخــــار متستـفـيـــــــن

وفوط وملايات غير شنط العبايات من الصين شارييـن

والخلاطا ت غير العجانات مـــن اتـمـانـهـم متبهدليــن

وابوها كل شوية يشترى حاجــــــات الــخــزيــــــــــن

اما الكميبيالات والشيكـــــات فربك هـــو لينـــا المعين

ويـــــارب يسـهــــل وتتجــــوز بنقـــــول يارب آمين

**********

والـعــريس والله مــــــا هو دارى بــحالنـــا

كــــل كــــل شوية من تليفونه يدينـــــا رنا

وهـــــى تـــطلـــبــــه والاتنين شتتوا بالنا

وفى الفواتير ضاعت مـــعــظـــم اموالنا

********

وكل يوم يـفـكـرهـــــا بايام الزمـــالــــة

ويحلفها تقول ليــنا وبكــــل امانــــــــة

ما ننسى حاجة حتي اكياس الزبــــالــة

******

ربنا يبارك فى الجواز ويبعد الاختــلاط

بالموكيت والسجاجيد غطينـــــــا البلاط

واشترينا الموبيليا امبارح مــــن دميـاط

واشترينا مكنسة قدرتهــــــــا الــف واط

والعروسة من ساعتها ما بــطلت عياط

عشان عايزة واحدة تانية تكون احتياط

********

كلمات م/ عماد الدين محمد

ملاحظة

منعا للملل تم اختصار كلام نسايب الحفيد

دمتم جميعا بخير حال

والى لقاء

فى الحلقة الثالثة

لكم اطيب المنى

**ايسل** · 22 - 12 - 2009, 07:31 PM

ياريتنى كنت العروسه كل ده جهاز
يارب يخليك ياعماد بجد بتعرض القصه بطريقه جميله قوى
وشكرا على المجهود وفى انتظار القادم

**No TiMe** · 22 - 12 - 2009, 07:36 PM

ههههههههههههههههه
لا والله جامد يا عماد
مع اني متعقد من الحجات ديا
بس ربنا يسترها
ههههههههههههه
لا بجد تسلم وبتمني ومستني منك كل جديد
ومتاااااااااااااابع معاك

**hadede** · 22 - 12 - 2009, 07:37 PM

اشكر مرورك العطر
وتشجيعك
بارك الله فيك ايسل
ادعوا لك بالسعادة والهناء
دمت بالف خير
فى
حفظ الرحمن
متمتعة بالصحة والعادة وراحة البال

**hadede** · 22 - 12 - 2009, 07:41 PM

المشاركة الأصلية كتبت بواسطة ..:::::ISL@M:::::..

ههههههههههههههههه

لا والله جامد يا عماد
مع اني متعقد من الحجات ديا
بس ربنا يسترها
ههههههههههههه
لا بجد تسلم وبتمني ومستني منك كل جديد
ومتاااااااااااااابع معاك

فينك من زمان يا عم اسلام
بارك الله فى عمرك
ويارب
نفرح فيك وبيك
دمت بالف خير
فى
حفظ الرحمن
متمتعا بالنجاح والافراح

**HELMY** · 22 - 12 - 2009, 09:38 PM

والله موضوع جميل جدا
وفعلا كل الكلام ده بيحصل دلوقتى
ربنا يكون فى عون الشباب
تقبل مرورى

**~ man neO ~** · 22 - 12 - 2009, 10:01 PM

تسلم يا عمده على التوبيك
والى الامام دايماا

**بك أستجير فمن يجير سواك** · 22 - 12 - 2009, 10:26 PM

بجد يعنى كلماتك جميلة ووصفات الا بيحصل بدقة ورقه
تسلم ويبارك فيك ويزيدك ويحفظك وسلمت يمينك
دمت متميزة ومنتظارين باقى الحلقات

**hadede** · 23 - 12 - 2009, 06:28 AM

المشاركة الأصلية كتبت بواسطة abdelnaby

تسلم يا عمده على التوبيك

والى الامام دايماا

شكرا على المرور
عبد النبى
دمت فى حفظ الله

**hadede** · 23 - 12 - 2009, 06:32 AM

المشاركة الأصلية كتبت بواسطة الارض

بجد يعنى كلماتك جميلة ووصفات الا بيحصل بدقة ورقه
تسلم ويبارك فيك ويزيدك ويحفظك وسلمت يمينك
دمت متميزة ومنتظارين باقى الحلقات

لك كل التقدير والاحترام
على المرور والتشجيع الدائم
وان شاء الله قريبا الحلقة الثالثة
بارك الله
فيك وحفظك ورعاك
الاخت الفاضلة ريم

الموضوع: جحا ومشاكل الزواج الحلقة الثانية(كلام نسايب الحفيد)

أدوات الموضوع

جحا ومشاكل الزواج الحلقة الثانية(كلام نسايب الحفيد)

معلومات الموضوع

الأعضاء الذين يشاهدون هذا الموضوع

المواضيع المتشابهه

صور لزوج يعمل مساج لزوجته,.ممنوع دخول اقل من :18سنه

متي تستطيع الزوجه ان تجعل زوجها مليونير؟؟؟؟

تركته زوجته قبل الزواج بيوم \\\\\\\\ شوفو شو ساوى في فستان العرس

نتيجة للشعور بالجوع العاطفي.. زوجات ينتقمن من الأزواج بالتسوق

بعض الكاريكاتيرات التي تبين معانات الازواج مع زوجاتهم

الكلمات الدلالية لهذا الموضوع

ضوابط المشاركة