انا انسانه مش مــــزه...

**Innocent** · 5 - 4 - 2010, 12:09 AM

عفوا انا انســـــــانه مــــــــش مــزة

انا لى حقوق مثلك بالضبط ايها الشاب...طالما انى اراعى الاداب والعادات والتقاليد فليس من حقك ان تعاكسنى
نعم...هذه بدايه قبل ان يقول احد ان البنت بلبسها تجبر الولد على ذلك...انا سأتكلم عن فئه لاترتدى الكت ولا شورت ولا بنتاكور..(وحتى لو كنت كذلك فذلك ليس مبررا)

من حقى عندما اخرج انا وصديقاتى واحترم كل من حولى من حقى ان تحترمنى وتدعنى لخصوصيتى..لماذا تلاحقنى عيناك ولماذا تسمعنى كلمات غزل؟؟؟؟ انا لم اطلب منك ذلك...ولم افعل مايشجعك على ذلك...انا احترم نفسى اذا يجب ان تحترمنى..

سيقول الشباب البنات بتحب كده واحنا بنرفع روحهم المعنويه
وانت يعنى بتشيل على اكتافك الواجب الوطنى ده وهترفع روحنا المعنويه!!!!!!!

انا حلوه وعارفه انى حلوه..محدش طلب رأيك؟؟؟؟ مجتش جمب سياتك وقولتك ها انا حلوه!!! ليه تفرض نفسك على اذنى؟؟؟وليه تسمعنى هذه الكلمات البذيئه نعم...انا اعتبر كلمه (مزه) كلمه بذيئه كلمه تحط من قدرى وتختصر انسانه بثقافتها وعقلها واخلاقها وتعليمها ودينها فى مجرد(مزه)....

عفوا انا انســـــــانه مــــــــــش مـــــــــزه

نعم فلتعلم ايها الشاب قبل ان تفكر ان تعاكس (ولن اتكلم من الناحيه الدينيه لانها معروفه للجميع)
اعلم انك بهذا لا تنول اعجاب الفتاه وانها تعتبرك طفل صغير او مراهق لايستطيع التعامل او التحاور مع الفتاه فكل مايراه انها (مزه ) لا يستطيع ان بقيم معها حوار وقد تكون تلك(المزه) تفوقه ثقافة وعلما...

وللامانه طلعت اليومين دول كلمه سخيفه ايضا بين البنات ..لما تحب توصف ولد تقول(مز) ياااااااحلاااااااوه!!!!!! وانا اصلا يوم محب واحد اقول عليه مز عادى كده وفرحانه ودا كده راجل فى عينى والولد بأه بيكون سعيد ومنشكح لما يعرف انه اتقال عليه (مز)..!!!! وبالله عليكم محدش يقولى على فكره البنات دلوقتى بتعاكس الولاد!!!!قولى نسبتهم كام!!ا أو هم مين وتربيتهم ايه...وكلنا عارفين ان البنات المحترمات عمرهم مهيعملوا كده..فانا مش بتكلم عن دوووول كلامى واضح...

انا بتكلم عن بنات محترمه لا عاكسوا حضرتك ولا طلبوا رأيك فى شكلهم..ليه تفرض نفسك عليهم!!! ليه تيجى جمبى وترمى الكلمه وتقول( يامزه ) وتجرى زى اللى عارف انه بيعمل حاجه غلط..

ايها الشاب انا انسانه متقــــولش مــــزه

**البنت الجديده 1** · 5 - 4 - 2010, 01:36 AM

فعلا كل الكلام صح واذا لم يعد في الدنيا مكان للاحترام فليس هناك ما يدعوا علي العيش فيها وسط اناس لايعترفون بالاخلاقيات

**طيف الامل** · 5 - 4 - 2010, 01:44 AM

وانا عاوز اقول برضه ان عمر ما بنت تكون ماشية محترمة فى لبسها ومحترمة فى مشيتها ومحترمة فى طريقة كلامها هتتعاكس
شكرا لموضوعك

**المبدع** · 5 - 4 - 2010, 01:54 AM

المشاركة الأصلية كتبت بواسطة طيف الامل

وانا عاوز اقول برضه ان عمر ما بنت تكون ماشية محترمة فى لبسها ومحترمة فى مشيتها ومحترمة فى طريقة كلامها هتتعاكس
شكرا لموضوعك

انا معاك يا طيف لانى عمرى ماحد هيعاكس واحده الا اذا كانت
لبسه لبس مش محترم
لانى لبسها بيجبره انه ميعاكسش
وعاوز اقولك لما تكون واحده محجبه ولبسه لبس غير محترم
اعتقد انى ديه بتتعاكس اكتر من اللى مش لبسه حجاب
اسف على الاطاله
انا عندى كلام كتير بسبب الموضوع ده لكن مش هيكفى هنا

**مجدى الجزار** · 5 - 4 - 2010, 01:54 AM

انا بقى بقول المشكلة بردوة فى لبس البنت وطريقة ماشيتها واسلوبها لية عامل كبير على انها تتعكس ام لا

**المبدع** · 5 - 4 - 2010, 01:55 AM

اكيد وانا معاك

**ايسل** · 5 - 4 - 2010, 02:43 AM

اسمعى توتى هذه ظاهره دخيله على الشعب المصرى والشباب ولاد البلد الجدعان بقيت احس انهم بيعكسونا وهما بيقولوا هذا حلآ لنا فهلموا يارجال وهذه ظاهره غريبه وادعوا الله ان تختفى سريعا الشاب يجب ان يعلم ان ما يصنعه يكتب عليه وسيرد له عن طريق اهل بيته لن يحاسبه
الله ويقوله سماح علشان دى لابسه لبس خليع
ولكن يحاسبه الله على ضميره وقلبه ربنا رب قلوب
اذا اريد ان اقول من خلال موضوعك ايها الشاب راعى الله فى تعاملك مع بنات الناس واعلم ان فى بيتك اختك وامك وبنتك وحفيدتك اذا راعيت الله فى
تعاملك سيردها الله لأهل بيتك صدقنى
شكرا لكى توتى على اثارة هذا الموضوع المهم
الف شكر وتقبلى مرورى

**عفريت أفندى** · 5 - 4 - 2010, 08:05 AM

لو علم كل شخص ان الله رقيب على اقواله و أفعاله لتوخى الحذر و الحيطه فى كل ما يقوم به

المشكله مشكلة تربية و أخلاقيات

مشكوره على طرحك المميز

**HoBa HoBa** · 5 - 4 - 2010, 10:25 AM

موضوع جمسل وبجد عندك حق ف كل اللى قولتيه
وفعلا يا ريت الناس تاخد بالها من تصرافتها
تسلمى يا جميل على التوبيك الجميل

**botta** · 5 - 4 - 2010, 10:44 AM

اسمحولى يا جماعة أنا مع ايسل و وليد
يعنى الشاب حتى لو شايف البنت لابسة مش محترم طالما هو نفسه محترم و متربى صح يبقى ولا كأنه شايف حاجة
و البنت كمان سواء محجبة أو لأ لازم تلتزم على الأقل فى مشيتها و تصرفاتها مش تبقى ماشية فى الشارع تقول أنا أهو تعالوا بصولى و عاكسونى و لما حد يكلمها تشتكى
الموضوع على الاتنين زى بعض و ما ينفعش نرمى الكورة فى ملعب طرف واحد منهم
ده رأيى المتواضع و فى انتظار باقى الآراء

الموضوع: انا انسانه مش مــــزه...

أدوات الموضوع

انا انسانه مش مــــزه...

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة