ازاى تبقى واحد رخم وبارد وخنيق فى الكليه؟؟؟

[roro_rawan]

فى الكلية هتقابل صاحبك وهتقعدوا على أى كافيه بقى
هيجى الجارصون سيب صحبك يطلب الأول وبعدين استلم الجارصون بقى واديله نصيبه
قوله عندك برجر ؟ هيقولك اه
قوله حلو ؟ هيقولك تمام
قوله اوك يبقى اكتب واحد شاورمة
طب عندك كبده ؟ هيقولك ايوة قوله معمولة ازاى ؟
سيبه يرغى شوية وقوله انا اصلا مبحبش الكبدة فكك
حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل
أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها
المهم حاول تجيبله جفاف عقبال ماتطلب اللى انت عايزه
وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى
لو معاك كاتشب مفيش مانع تكتب أول حرف من اسمك على التربيزة المهم تخليله التربيزة شبه التورتة
ومتنساش تعيب على الأكل وأنت بتحاسب وكمان تقول الحساب غالى


*_*_*_*_*_*_*_*_*_*_*_*





فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن
يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك
أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم
لو مسكتش أنا هقول للدكتور والحركة دى رذلة ومستفزة جدا بس اشطه يعنى
وياسلام لو واحد وواحدة يبقى أنت كده جبت من الآخر
لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض
استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت
طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا



*_*_*_*_*_*_*_*_*_*_*_*


عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد
هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم
لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش
ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص
لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر
خد
وقتك كأنك بتحجز فى سينما و اسأل أسئلة كتير وكل مايقولك حاجة قوله مش
فاهم معلش قول تانى فهمنى أعمل أيه بالظبط لحد ماتشل أكبر عدد ممكن
وبكده يبقى أنت مارست هوايتك وقضيت يوم رذل

ملاحظه
لطلاب اعلام

طبعا شؤون الطلبه طول السنه بنشوا دبان ده لو دخلهم دبان (دلوقتي عندهم تكييييييييف )
مش بنلاقي زحمه الا يوم المعونه قصدي المنحه
تقدروا تطبقوا القاعده دي في اليوم ده واحرص انك تبقى متواجد من اول اليوم
الايام دي بتبقى موسم في السنه مره

ملحوظه: انا

انا

انا

انا

انا غير مسؤلة من ال حيحصلك من ضرب و و و الخ

هيا دى الرخامه ولا بلاش

[الحريه]

لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش

والله فى دى عندك حق انما الباقى كله رخامه تنرفز وتشل انما الرخامه دى

بالزات موجوده وابصم بالعشره ان فيه ناس رخمه وبتحضر دكتوراه رخامه

كنت مره فى شئون الطلبه تيجيلك بئه يا ستى وحده فى اولى رخامه

لو سمحتى ممكن تتطلعينى ادامك فى الصف اصلى هتأخر انا مش منها او انا تعبانه هفطس

انا معايا اختى الصغيره وبتعيط وعايزه اخلص وامشى ده كتير اوى ده عايز 400 موضوع

نتكلم عن الرخمين

بس والله الرخمين كتير يارب متوقعيش فى ايد حد فيهم لا هتنتحرى لا هتموتيهاقولك حاجه موتيها واخلصى نايس توبيك رخامه يا قمر

[roro_rawan]

لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش

والله فى دى عندك حق انما الباقى كله رخامه تنرفز وتشل انما الرخامه دى

بالزات موجوده وابصم بالعشره ان فيه ناس رخمه وبتحضر دكتوراه رخامه

كنت مره فى شئون الطلبه تيجيلك بئه يا ستى وحده فى اولى رخامه

لو سمحتى ممكن تتطلعينى ادامك فى الصف اصلى هتأخر انا مش منها او انا تعبانه هفطس

انا معايا اختى الصغيره وبتعيط وعايزه اخلص وامشى ده كتير اوى ده عايز 400 موضوع

نتكلم عن الرخمين

بس والله الرخمين كتير يارب متوقعيش فى ايد حد فيهم لا هتنتحرى لا هتموتيهاقولك حاجه موتيها واخلصى نايس توبيك رخامه يا قمر

ميرسى على ردك

[اميره بلا وطن]

السلام عليكم
والله انتى هتجيبيلنا الضرب والسب والاهانه وكل انواع السندويتشات اللى انتى عارفاها دى
وجايه تقولى مش مسئوله
ازااااااااااااااااااااااا ااااى
لازم يكون ليكى نصيب
هنبعتلك ديلفرى
موضوع حلو بجد
تحياتى

[roro_rawan]

السلام عليكم
والله انتى هتجيبيلنا الضرب والسب والاهانه وكل انواع السندويتشات اللى انتى عارفاها دى
وجايه تقولى مش مسئوله
ازااااااااااااااااااااااا ااااى
لازم يكون ليكى نصيب
هنبعتلك ديلفرى
موضوع حلو بجد
تحياتى

ميرسى على مرورك انتى الاحلى

[آية الرحمن]

ههههههههههههههههههههههههه هههه
بس لو حد اتعرضى بالضرب او ما شابه
هبعته ليكى علطول هقولة روح للى كانت السبب
وخدى بقى نصيبك ما انا مش بحب اكل لوحدى
دا حتى الى ياكل لوحدة يزور
نايس توبيك تسلم ايدك ياقمر

[roro_rawan]

ههههههههههههههههههههههههه هههه
بس لو حد اتعرضى بالضرب او ما شابه
هبعته ليكى علطول هقولة روح للى كانت السبب
وخدى بقى نصيبك ما انا مش بحب اكل لوحدى
دا حتى الى ياكل لوحدة يزور
نايس توبيك تسلم ايدك ياقمر

معلش يا قمر مش هقدر اكل معاكى اصل انا عامله رجيم ههههههههه
ميرسى على مرورك الجميل دا

[♥بـونـبـونـايـه سـكـره♥]

ههههههههههههههههههههههههه
تسلمى ياقمر على التوبيك بكد
دمتى متألقه ياعثل

[roro_rawan]

ههههههههههههههههههههههههه
تسلمى ياقمر على التوبيك بكد
دمتى متألقه ياعثل

ميرسي يا قمر على ردك

[ابو تريكه]

هههههههههههههههههههه

انتى ليه بتعملى كده

انتى كنت كويسه