يانفسى ليه

[اميره بلا وطن]

روعه يا اميره

تسلم اناملك الرقيقه

دمتى مبدعه ومتألقه

شكرا لمرورك ابو تريكه
سعيده بتشريفك وبتعليقاتك
دمت بخير

[thesniper_12007]

يانفسى ليه تتألمى
ليه تقبلى تستسلمى
وتعيشى ليه حالة انكسار
مش قلتلك مش كله ليل
وبكره هيكون النهار
مش قولتك لازم تعيشى
عشان تشوفى الانتصار
ردى عليا اتكلمى
يانفسى ليه تتألمى
اوعى فى يوم تستسلمى
وانا بوعدك والوعد دين
ههرب من الخوف والسكوت
وصدقينى لو هموت
ما يهمنـــــــى
يانفسى اوعى تحزنى
ايدك فى ايدى نغيره
ايوه الخمول ده هنكسره
هنحطمه تحت النعال
وهيرفعوا ايدنا لفوق
ويشاوروا ويقولوا الأبطال
بلاش بقى من النهارده
نقول خساره
وياريت ماكان
ولو يعيد نفسه الزمان
كفايه نحزن بس انتى اتعلمى
واوعى فى يوم تستسلمى

اميرة بلا وطن تصددقي إن دي أو مشاركة ليا في أحدى قصائدك بصراحه اسلوبك قمة في الروعه بس لي تعليق بسيط جدا لا يكاد يذكر احاساك بالموسيقى هو في كل القصيدة حلو بس في أول جملتين
يانفسى ليه تتألمى
ليه تقبلى تستسلمى
وتعيشى ليه حالة انكسار
معلهش شايف حسب نظرتي المحدودة إن كلمة لية في السطر الثالث مش حلوه (الأفضل بالنسبة لخبرتي المحدودة """ ليه تقبلي تستسلمي وتعيشي حالة الانكسار """
لكن القصيدة في مجملها جميله معبرة واضحة المعاني رقة الإسلوب وحدة الموضوع كلمات منمقة ومتناسقة رصت بيد فنان ماهر يعرف أصول البيان
أسلوبك رائع حقا
بلاش بقى من النهارده
نقول خساره
وياريت ماكان
ولو يعيد نفسه الزمان
كفايه نحزن بس انتى اتعلمى
واوعى فى يوم تستسلمى
تقبلي خالص ودي واحترامي دمتي متألقة دومة عزيزتي أتمنى أن أقرا لك المزيد
تقبلي مروري

[اميره بلا وطن]

السلام عليكم
الرأى يهمنى جدا
وسعيده بالنقد البناء
وجهه نظرك تحترم جدا جدا
وكمان شايفه ان كلامك مقبول
يمكن فعلا تكرار كلمه ليه لتالت مره اضعف الموسيقى
اشكرك على كلماتك الرقيقه

شرفنى مرورك

[فتى الإسلام]

عندي سؤال محيرني
يارتت أجابه تريحني
هو أنتي شاعرة بالوراثة
ولا موهبة ربنا وهبهالك
ولا الأثنين وياريت بصراحة

[اميره بلا وطن]

عندي سؤال محيرني
يارتت أجابه تريحني
هو أنتي شاعرة بالوراثة
ولا موهبة ربنا وهبهالك
ولا الأثنين وياريت بصراحة

بصراحه بصراحه
انا مش بالوراثه ولا حاجه
معدش عندى بيكتب شعر اصلا
لكن يمكن انا كده من ايام ابتدائى
كنتبكتب حاجات على قدى
حاجات بسيطه جدا
وكان بابا بيشجعنى
وبدأ الموضوع يكبر فى دماغى
وحصوصا لما بكون فرحانه اوى او زعلانه اوى
بمسك القلم واكتب اللى ييجى فى بالى
حاجه تعبر عن الحاله اللى انا فيها
ودخلت مسابقه واحده فى الجامعه
واخدت المركز الاول
لكن على فكره انا بكتب باللغه العربيه الفصحى
لكن هنا بكتب بالعاميه بس
وبعدين ماتحسسنيش انى شاعره بقى بجد لحسن هسوق فيها
دى خواطر بسيطه
ياريت اكون قدرت اجاوب على سؤالك